Популарни Библиски стихови од Luke 14

Сподели

ఘణ్ జనూర్ మళావో ఓర్ లార జారే జనా, ఊ ఉందేర్ సామ్ ఫరన్ - కుణీ వతొయీ మార్ ఢైఁ ఆన్, ఓర్ యాడీన బాపేన గోణ్ణీన చచ్యాబరూన భాయి భీయాన భ్యాన్ బాయినన్ ఓర్ జానేన సదా న-ఛోడతో ఊ, మార్ చేలా వేసకెని.

ఉజ్జీ కొయితొయీ ఓర్ సిల్వా పాల్డేన్ మార్ లార, న ఆవతో ఊ, మార్ చేలా వేసకెనీ.

ఓర్ ఊజ్ మోట్ పణ్ కరేవాళో హర్యేక్ ఆద్మీ హాల్కో పడ్జా, ఓర్ ఊజ్ హల్కోఛుఁ కన్ కేలజకో మోట్పణ్ పాలచ కన్ కో.

హన్నూజ్ తమార్మా ఓర్ రజకోసే ఛోడేనీజకో మార్ చేలావేసకేనీ.

తమార్మా కుణీతోయీ ఏక్ గడ్ భందాయెన కూంతతో ఓన పూరో కరేన చావజకో ఓర్ ఢైఁ ఛకో ఛేనికో కన్ బేసన్, ఓన లాగజకో ఆగ్డీ లేకో దేకేనీ క? న దేక్లతో ఊ ఓర్ బునాది ఘాలన్ ఏకాద్ వళా ఓన పూరో నకరతో -ఈ ఆద్మీ భాందేన సరూకీదో పణ్, పూర్ కరేన వంగాయి కొని కన్ కేన్ ఓన దేకన్ ఠట్టా కరేన, సరూ కరచ.

పణ్ తూఁ టేళో కరస్ జనా, గరీబేవున, డూండేవూన, టూంటేవూన, ఆందేవూన బలా. తోన ఫేర్. భలాయి కరేన ఉందేర్ కన కాఁయిఁ ఛేని. జేతి తూఁ నసీబ్దార్ వేజాయేచీ, నీయత్దార్ మర్గేజే మాఁయిఁతీ ఫేర్ ఉటజనా, తోన భలాయిర్ బద్ల భలాయి మళ్ జావచ కన్ కో.

నూణ్ ఆచోజ్ పణ్, నూణ్ ఖారోనవతో కేతీ ఓన ఖారో ఆవ? ఊ జమ్మీనక, ఏరూనక కామ్దేనీ. జేతి ఓన బార బగాదచ. సామ్ళేన కాన్ రజకో సామ్ళేజా కన్ ఉందేన కో.