Популарни Библиски стихови од Acts 1

Сподели

పణ్ పవిత్తర్ ఆత్మా తమార్ ఉంపర్ ఆవజనా తమ్ జోర్ పాలోచో; జేతీ తమ్ యెరూషలేమేమాన్ యూదయ సమరయమాన్ సారీ మల్కేమా ధర్తీర్ కొసాలగు మార్ గవాయి వేన్ రియొకన్ కో.

- ఓ దాడన్ ఊ వకత్ బాప్ ఓర్ హాతేమా రకాడ్మేలొచ. ఓన మాలమ్ కర్లేర్ తమార్ కామ్ కొని.

ఊ ఉందేన దకాన్ హన్నూ హకమ్ దీనో. - తమ్ యెరూషలేమేతీ న జావోజుఁ, మార్వడి సామ్ళెజకో బాపేర్ వాగ్డానే వాస దేక్తే రో. యోహాన్ పాణీతీ బాప్తీసమ్ దీనో, పణ్ థోడ్సేక్ దాడేమా తమ్ పవిత్తర్ ఆత్మామా బాప్తీసమ్ లియోకన్ కో.

ఊ భావేటీ పాయో జేర్ పచ్చ, చాళీస్ దాడేలగు ఉందేన దకావ్తో, ఊ బంచ్రోజుఁ ఘణ్ నిశాన్ ఉందేన దకాళ్తో దేవేర్ రాజేర్ ఖబరే ఉందేన బోధ కర్తోర.

ఏ వాతే కో జేర్పచ్చ ఓ దేక్తే రజనా ఊ ఉంపర్ డగర్ గోజనా ఉందేర్ ఆంకీన నదకావ జూఁఏక్ వాదళ్ ఓన లేగో.

ఊ జావ్తో రజానా, ఓ ఆస్మానే సామ్ ఆంకీ కాడన్ దేక్తే రే. జనా ధ్వోళ్ కప్డా ప్యార్ మేలెజకో దీ ఆద్మీ ఉందేర్ కన హూబ్రేన్ గలిలయార్ లోగో, తమ్ కసేన హూబ్రేన్ ఆస్మానె సామ్ దేక్రేచో తమార్ ఢైఁ తీ స్వర్గ్ లోకేన గోజకో ఈ యేసూజ్, కూఁ స్వర్గ్ లోకేన గోజుఁ తమ్ దీటెఛో కో, హన్నూజ్ ఊ ఫరన్ ఆవచ కన్ ఉందేన కె.