Популарни Библиски стихови од मुलिचेला टोॽवा 20

Сподели

नाड्‌डेडोक् खानिङा चामा-ठुङ्‌मा आप्‍पे छुम्‍मा उहिडुन्‍गा निम्‍छारो याप्‌मिचि घुवार फामा आड्‌डिक् डोक् टोॽवा चोक्‍मा कोन्‌युक् नुङ् आङा निमेट्‌नाँने॥ हिट्‌नुङ् ‘टाक्‍मा नुङ्‌ना पिडुम्‌चिम्‍नाङा डोक् जोम् आसिक् टायुक्’ नुङ् येसु डाङ्‌बाङा माट्‌टुना रिङ् मिट्‌टानुम्॥”

ना आचोला आङालोङ्‌सा पाक्‍चा ठानाँ चोक्‌निङ्‌ना॥ ना आचोलाङि येसु डाङ्‌बाङा याङ्‌पिडाना टोॽवा चोक्‍मा हिमा हिट्‌नुङ् माङ्‌हाङ्‌ङाना दायाङाना नुना खाबोर पारचार चोक्‍मा नुङ् आरु पाक्‍चा चोक्‍मा आनिङ्‌ग्‍वाङि मिट्‌निङ्‌ना॥

हाट्‌ले खानि आप्‍पेलोङ्‌सा हिट्‌नुङ् सेङ्‌सेङ्‌ना हाङ्‌साङा खानि ओठेडोङ् माचोगिउङ् खानि मुक्‌ङि मापिडिगा बिस्‍वासिचि नुलोक् पुयानुम्‌चिम्॥ हिट्‌नुङ् माङ्‌हाङ्‌ङा आप्‍पे उइछा ओहेलिक्‌ङा इनुचिगा माङ्‌पाङ्‌ङि चा खानिङा नुलोक् पुयानुम्‌चिम्॥

“हाट्‌ले आङा खानि माङ्‌हाङ्‌ङाना उमुक्‌ङि पिनाँनि हिट्‌नुङ् उन्‍ङा आनि आलोडाना ओदायाङाना रिङ्‌ङाना भोरङि युङानि नुङ् लोनाँनि॥ हिट्‌डेउङ् माङ्‌हाङ्‌ङा बिस्‍वासङि खानि बोल्‍लेउ माचोगिटि हिट्‌नुङ् उन्‍ङाना ओयाप्‌मिचि आसिक्‍ङाना भागिदार चोगुचिचि॥