Matio 5:3-9 - Ampitahao ny Dikanteny Rehetra
Matio 5:3-9 DIEM (DIEM PROTESTANTA)
–Sambatra izay miaiky ao am-po ho mahantra, fa azy ny Fanjakàn’ny lanitra! Sambatra izay mitomany, fa izy no hampiononin’Andriamanitra! Sambatra izay malemy fanahy, fa izy no handova ny tany nampanantenain’Andriamanitra! Sambatra izay maniry mafy hanao ny marina nosoritan’Andriamanitra, fa izy no homen’Andriamanitra fahafaham-po! Sambatra izay mamindra fo, fa izy no hamindran’Andriamanitra fo! Sambatra izay mahitsy fo, fa izy no hahita an’Andriamanitra! Sambatra izay mpampihavana, fa izy no hantsoin’Andriamanitra hoe zanany!
Matio 5:3-9 MG1865 (Malagasy Bible)
Sambatra ny malahelo am-panahy; fa azy ny fanjakan'ny lanitra. Sambatra ny ory; fa izy no hampifalina. Sambatra ny malemy fanahy; fa izy no handova ny tany (Sal. 37. 11). Sambatra ny noana sy mangetaheta ny fahamarinana; fa izy no hovokisana. Sambatra ny miantra; fa izy no hiantrana. Sambatra ny madio am-po; fa izy no hahita an'Andriamanitra, Sambatra ny mpampihavana; fa izy no hatao hoe zanak'Andriamanitra.
Matio 5:3-9 MBP (Baiboly Protestanta Malagasy)
Sambatra ny malahelo am-panahy; fa azy ny fanjakan’ny lanitra. Sambatra ny ory; fa izy no hampifalina. Sambatra ny malemy fanahy; fa izy no handova ny tany (Sal. 37.11). Sambatra ny noana sy mangetaheta ny fahamarinana; fa izy no hovokisana. Sambatra ny miantra; fa izy no hiantrana. Sambatra ny madio am-po; fa izy no hahita an’Andriamanitra, Sambatra ny mpampihavana; fa izy no hatao hoe zanak’Andriamanitra.
Matio 5:3-9 MRV (La Bible en Malgache)
Sambatra ny mahantra am-panahy, fa azy ny fanjakan’ny lanitra. Sambatra ny malahelo, fa izy no hampaherezina. Sambatra ny malemy fanahy, fa izy no handova ny tany (Sal 37.11). Sambatra ny noana sy mangetaheta ny fahamarinana, fa izy no hovokisana. Sambatra ny mpamindra fo, fa izy no hamindrana fo. Sambatra ny madio am-po, fa izy no hahita an’Andriamanitra. Sambatra ny mpampihavana, fa izy no hatao hoe zanak’Andriamanitra.
Matio 5:3-9 MBC (Baiboly Katolika)
«Sambatra ny mahantra am-panahy, fa azy ny fanjakan’ny lanitra. Sambatra ny malemy fanahy, fa izy no handova ny tany. Sambatra izay mitomany, fa halàna alahelo. Sambatra izay noana sy mangetaheta ny fahamarinana, fa ho voky izy. Sambatra ny mamindra fo, fa hamindrana fo izy. Sambatra ny madio fo, fa hahita an’Andriamanitra izy. Sambatra ny tia fihavanana, fa hantsoina hoe zanak’Andriamanitra izy.