Josoa 7:26 - Ampitahao ny Dikanteny Rehetra
Josoa 7:26 DIEM (DIEM PROTESTANTA)
Avy eo dia nananganany antontam-bato lehibe teo ambonin’i Hakàna, ary mbola eo mandraka androany ilay antontam-bato. Izany no niantsoana io toerana io hoe lohasaha Hakôra mandraka ankehitriny. Taorian’izany vao nitony ny hatezeran’ny Tompo.
Josoa 7:26 MG1865 (Malagasy Bible)
Dia nanao antontam-bato lehibe hanarona azy mandraka androany izy. Ary Jehovah dia nionona tamin'ny fahatezerany mirehitra. Izany no nanaovana ny anaran'izany tany mandraka androany hoe Lohasaha Akora.
Josoa 7:26 MBP (Baiboly Protestanta Malagasy)
Dia nanao antontam-bato lehibe hanarona azy mandraka andro-any izy. Ary Jehovah dia nionona tamin’ny fahatezerany mirehitra. Izany no nanaovana ny anaran’izany tany mandraka andro-any hoe Lohasaha Akora.
Josoa 7:26 MRV (La Bible en Malgache)
Dia nanangana antontam-bato lehibe hanarona azy mandraka androany izy. Ary NY TOMPO dia nionona tamin’ny fahatezerany mirehitra. Izany no nanaovana ny anaran’izany tany izany mandraka androany hoe: Lohasaha Akora.
Josoa 7:26 MBC (Baiboly Katolika)
ary nanangana antontam-bato lehibe teo ambonin’i Akàna ny olona, ka mbola maharitra ao mandraka androany izany. Dia nitony i Iaveh tamin’ny firehetan’ny fahatezerany. Noho izany zava-nitranga izany no iantsoana io toerana io mandraka androany hoe Lohasaha Akora.