Isaià 58:1-2 - Ampitahao ny Dikanteny Rehetra
Isaià 58:1-2 DIEM (DIEM PROTESTANTA)
Miantsoa mafy, fa aza atao malemy. Ataovy avo toy ny trompetra ny feonao. Vakio bantsilana amin’ny vahoakako ny fikomiany ary amin’ny taranak’i Jakôba ny fahotany. Isan’andro isan’andro dia mitady Ahy izy ary maniry hahafantatra ny lalako, tahaka ny firenena iray manao ny marina ka tsy nanary ny fitsipik’Andriamaniny. Ny fitsarana araka ny rariny no angatahiny amiko ary ny fanatrehako azy no zavatra irîny.
Isaià 58:1-2 MG1865 (Malagasy Bible)
Ezaho ny fiantsonao, fa aza atao malemy, Asandrato ny feonao ho tahaka ny an'ny anjomara, ka ambarao amin'ny oloko ny fahadisoany Ary amin'ny taranak'i Jakoba ny fahotany; Nefa Izaho mbola tadiaviny ihany isan'andro isan'andro, ary ny hahalala ny lalako no sitrany. Tahaka ny firenena efa nanao ny marina ka tsy nahafoy ny fitsipik'Andriamaniny no fanontaniany amiko ny fitsipiky ny fahamarinana, sy aniriany ny hihavian'Andriamanitra.
Isaià 58:1-2 MBP (Baiboly Protestanta Malagasy)
EZAHO ny fiantsonao, fa aza atao malemy, Asandrato ny feonao ho tahaka ny an’ny anjomara, Ka ambarao amin’ny oloko ny fahadisoany Ary amin’ny taranak’i Jakoba ny fahotany; Nefa Izaho mbola tadiaviny ihany isan-andro isan-andro, Ary ny hahalala ny làlako no sitrany. Tahaka ny firenena efa nanao ny marina Ka tsy nahafoy ny fitsipik’Andriamaniny No fanontaniany amiko ny fitsipiky ny fahamarinana, Sy aniriany ny hihavian’ Andriamanitra.
Isaià 58:1-2 MRV (La Bible en Malgache)
Ezaho mafy ny antsonao fa aza atao moramora! Asandrato ny feonao ho tahaka ny an’ny anjomara ka ambarao amin’ny oloko ny fahadisoany ary amin’ny taranak’i Jakoba ny fahotany! Mitady Ahy isanandro isanandro izy, ary ny hahalala ny lalako no sitrany, tahaka ny firenena efa nanao ny marina ka tsy nahafoy ny fitsipik’Andriamaniny; manontany Amiko ny fitsipiky ny fahamarinana izy ary maniry hanakaiky an’Andriamanitra.
Isaià 58:1-2 MBC (Baiboly Katolika)
Manezaha antso mafy, ka aza tanana ny feonao; ataovy manehoeho hoatra ny trômpetra ny feonao, ka ambarao amin’ny vahoakako ny fahotany, ary amin’ny taranak’i Jakôba ny fahadisoany. Mitady Ahy isan’andro isan’andro izy ireo, samy maniry hahalala ny lalako, mova tsy ny firenena efa nanaraka ny rariny, sy tsy mba nahafoy ny didin’Andriamanitra akory. Mangataka fitsarana marina amiko izy, ary maniry hohatonin’Andriamanitra