Hôsea 2:15 - Compare All Versions
Hôsea 2:15 MG1865 (Malagasy Bible)
Ary hovaliako izy noho ny andron'ireo Bala, izay efa nandoroany ditin-kazo manitra sady niravahany ny kaviny sy ny firavany, ka nanaraka ireo lehilahiny izy; Fa Izaho kosa nohadinoiny, hoy Jehovah.
Hôsea 2:15 MRV (La Bible en Malgache)
Hovaliako izy noho ny andron’ireo Baala izay efa nandoroany ditin-kazo manitra sady niravahany ny perany sy ny firavany. Nanaraka ireo lehilahiny izy fa Izaho kosa dia nohadinoiny, hoy NY TOMPO.
Hôsea 2:15 MBP (Baiboly Protestanta Malagasy)
Ary hovaliako izy noho ny andron’ireo Bala, Izay efa nandoroany ditin-kazo manitra Sady niravahany ny kaviny sy ny firavany, Ka nanaraka ireo lehilahiny izy; Fa Izaho kosa nohadinoiny, hoy Jehovah.
Hôsea 2:15 DIEM (DIEM PROTESTANTA)
Hofaiziko izy noho ireo andro nandoroany vovo-javamanitra mifangaro ho an’ireo Bahala isan-karazany: niravaka peratra sy firavaka izy, ka nanaraka ireo lehilahy sakaizany; fa Izaho TOMPO kosa nohadinoiny, hoy ny teny hentitra ambarako.
Hôsea 2:15 MBC (Baiboly Katolika)
Hovaliako izy noho ny andron’ireo Baala, izay nanolorany emboka, tamin’ny andro niravahany masombola sy fehivozona, sy nanarahany ny lehilahiny; fa Izaho kosa nohadinoiny, - teny marin’i Iaveh.