2 Mpanjaka 7:2 - Compare All Versions
2 Mpanjaka 7:2 MG1865 (Malagasy Bible)
Fa namaly ny lehilahin'Andriamanitra ilay mpanafika malaza izay nitehenan'ny mpanjaka tamin'ny tànany ka nanao hoe: Indro, na dia hanao varavarankely amin'ny lanitra aza Jehovah, dia hisy izany zavatra izany va? Ary hoy Elisa: Indro, ho hitan'ny masonao indrindra izany, nefa tsy mba hihinananao.
2 Mpanjaka 7:2 MRV (La Bible en Malgache)
Niteny tamin’ny lehilahin’Andriamanitra anefa ilay mpanampy ny mpanjaka izay nitehenany mandrakariva, hoe: Indro, na dia hanao varavarankely eny amin’ny lanitra aza va NY TOMPO dia hisy izany zavatra izany? Dia hoy i Elisa: Indro, ho hitan’ny masonao tokoa izany nefa tsy mba hihinananao.
2 Mpanjaka 7:2 MBP (Baiboly Protestanta Malagasy)
Fa namaly ny lehilahin’Andriamanitra ilay mpanafika malaza izay nitehenan’ny mpanjaka tamin’ny tànany ka nanao hoe: Indro, na dia hanao varavarankely amin’ny lanitra aza Jehovah, dia hisy izany zavatra izany va? Ary hoy Elisa: Indro, ho hitan’ny masonao indrindra izany, nefa tsy mba hihinananao.
2 Mpanjaka 7:2 DIEM (DIEM PROTESTANTA)
Fa ny dekà, izay nianteheran’ny mpanjakan’i Israely, dia niteny tamin’ilay olon’Andriamanitra ka nanao hoe: –Na dia handavaka ny lanitra aza ny TOMPO, mba ho tanteraka ve izay voalazanao teo? Ary hoy i Elisà: –Ho hitanao maso izany, saingy tsy mba hihinananao.
2 Mpanjaka 7:2 MBC (Baiboly Katolika)
Fa namaly an’ity olon’Andriamanitra ilay manamboninahitra nitehenan’ny mpanjaka tamin’ny tanany, ka nanao hoe: «Aiza ka dia ho tanteraka izany; na dia hanao varavarankely amin’ny lanitra aza i Iaveh?» Dia hoy i Elisea: «Ho hitan’ny masonao izany, nefa tsy mba hihinananao.»