Mahte 2
2
Buìhtoq Hkyam Mâ É Hpàqchyî Bò Bang
1Herot hkóhkâm ùp nyi é u lé, Yuda mau mâ é Betlehem wà má Yesuq lé hku é nghut ri. Hau htâng, buìhtoq hkyam mâ é hpàqchyî bò bang gi, Yerusalem wà mó má jé lé kômù, 2“Haû hku lé lô bê Yudaq byu pê é Hkóhkâm gi, hká má nghut lhê lhú? Yhâng é kyî lé, buìhtoq hkyam má ngá-mòq myàng luî, Yhang lé noq râ matú jé lé é nghut lhê.” ga luî, myî akô nghut ri.
3Herot hkóhkâm gi, haú hkyô lé wó gyo jáng myìt myô nyi ri; hau htoq agó, Yerusalem wà mó mâ é lhúnglhâng bang le, myìt myô bum akô nghut ri. 4Haû mù luî, yhang gi, byu pê é hkyangjong agyi pé eq târâ sará pé bànshoq lé, ji tsîng yù mù, haû Hkrisidùq hká má hku lé lô râ nghut é hkyô lé myî ri. 5Haú hkûn, yhángmòq gi, “Yuda mau Betlehem wà má nghut lhê. Hkâsu mù gâ le, shí hkyô eq séng luî, haû myìqhtoi kâ tô é má,
6‘Yudaq mau mâ é Betlehem wà ê, nàng gi, Yudaq mau mâ é wà pé má, je tiq sû a nghut;
hkâsu mù gâ le, ngá é Isira-elaq byu pé lé ùpzúng râ Zau gi, náng chyáng mai htoq lô râ nghut lhê.’#Mihka 5:2
ga bo tô ri.” ga tû taî akô.
7Hau htâng, Herot gi, haû hpàqchyî bò bang lé haq ji yù mù, kyî lé htoq shit é ahkyíng lé, yhángmòq chyáng mai hkyak wó myî sê yù bê nghut ri. 8Haû mù, yhang gi, “Núngmòq, zoshâng haú lé rago ê ho wú keq. Ngò le, Yhang lé ê wó noq râ matú, Yhang lé núngmòq ê myâng eq yhang, ngo lé lo shit kyo keq.” ga taí luî, haú bang lé Betlehem wà shut nhang kat bê nghut ri.
9Yhángmòq gi, haû hkóhkam é dang lé gyô yu é htâng má, htoq e ló bekô nghut ri. Haû buìhtoq hkyam má yhángmòq myang é kyî gi, haû zonú nyi é ahtoq ang ang má ló nô é jé shoq, yhángmòq é hí má e ló byî ri. 10Yhángmòq gi, kyî haú lé myàng jáng, gyai yhang gabú bum akô nghut ri. 11Yhángmòq gi, haú yhûm má wang e ló kô é hkûn, zonú eq yhâng nu Mariq lé myàng kômù, hkyîhput htuq luî, haû zonú lé noqkuq akô; hau htâng, yhángmòq é sùtdò pé lé le hpóng luî, hîng, namngón jung loban eq mura#2:11 Mura gi, chi wó kut jung xû nghut lhê. pé lé yù mù, Yhang lé chyûnghuq byî akô nghut ri. 12Yhángmòq gi, Herot chyáng a dum taû ló râ matú, yhupmòq má, yhángmòq lé sidìq byî é hui kômù, hkyô góhkat dông yhángmòq é mau shut taû ló bekô nghut ri.
Egutuq Ming Shut Hpang E É Hkyô
13Yhángmòq ló byùq é htâng má, haû Yhûmsing é maumang lagyo rayùq gi, Yosep lé yhupmòq má htoq shit mù, “Toq aq! Haû zoshâng eq yhâng nu lé, Egutuq ming shut shuî hpang ê àq. Ngò, nang lé dum ji yu é ahkyíng jé shoq, haú má nyi nyì keq. Haî mù gâ le, Herot gi, zoshâng haú lé sat râ matú, ho nyì bê nghut ri.” ga taî ri.
14Haû mù, yhang gi, toq luî, myín lé yhang, zôshang me lé shuî chûng mù, Egutuq ming shut e ló bê nghut ri. 15Yhángmòq gi, Herot shi é jé shoq, haú má nyi nyi akô. Haû gi, “Ngá zo lé, ngò, Egutuq ming mai wùt htoq yû bê nghut lhê.”#Hos 11:1 ga, haû Yhûmsing èq myìqhtoi dông taî é dang lé lhoqdìk é ru nghut lhê.
16Herot gi, yhang lé, hpàqchyî bò bâng èq mhaû pyâm tô é lé sé jáng, nhikmó-yo bê nghut ri; haû mù, yhang gi, haû hpàqchyî bò bâng chyáng mai wó sê yu é ahkyíng lé sôn wú mù, Betlehem wà eq hau é awui ayàm mâ é wà pé má nyi é, í zân mai a‑ô mâ é yùqzô pé bànshoq lé, sat pyám nhang ri. 17Haû gi,
“Ramaq gâ é jowò má, yón kuq é eq ngau garû é htê lé wó gyô ri;
Rahkela gi, yhang zô pé a nyi byùq lo kô é yánmai, ngau nyi é eq nhik a wó tíng dùt ri.”#Yer 31:15
ga luî, 18myìqhtoi Yeremi‑aq dông taî tô é dang lé lhoqdìk é nghut ri.
Nazaret Wà Má Dum Taû Lo É Hkyô
19Herot shi byùq é htâng, Egutuq ming má, haû Yhûmsing é maumang lagyo gi, Yosep chyáng yhupmòq dông lé htoq shit mù, 20“Toq aq, haû zôshang me lé shuî chûng mù, Isira-elaq ming má taû ló aq; hkâsu mù gâ le, haû zoshâng lé sat naû bang shi byùq bekô nghut ri.” ga taî ri.
21Haû mù, Yosep gi, zôshang me lé shuî chûng mù, Isira-elaq ming shut taû ló bê nghut ri. 22Nghut kôlhang, yhang gi, Yuda mau má, Arihkela‑uq, yhâng wa Herot é hkó má xoq ùp nyi é hkyô lé wó gyo jáng, haú má a wám ló lo nghut ri. Yhupmòq má sidìq byî é huî é eq rajung za, yhang gi, Galile mau shut e ló mù, 23Nazaret gâ é wà má ló nyi nyì bê nghut ri. Haû mù, “Yhang lé, Nazaret wà byù ga râ nghut lhê.” ga luî, haû myìqhtoî pé dông taî tô é dang lé lhoqdìk é nghut ri.
Voafantina amin'izao fotoana izao:
Mahte 2: znot
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2025, Wycliffe Bible Translators, Inc.
Mahte 2
2
Buìhtoq Hkyam Mâ É Hpàqchyî Bò Bang
1Herot hkóhkâm ùp nyi é u lé, Yuda mau mâ é Betlehem wà má Yesuq lé hku é nghut ri. Hau htâng, buìhtoq hkyam mâ é hpàqchyî bò bang gi, Yerusalem wà mó má jé lé kômù, 2“Haû hku lé lô bê Yudaq byu pê é Hkóhkâm gi, hká má nghut lhê lhú? Yhâng é kyî lé, buìhtoq hkyam má ngá-mòq myàng luî, Yhang lé noq râ matú jé lé é nghut lhê.” ga luî, myî akô nghut ri.
3Herot hkóhkâm gi, haú hkyô lé wó gyo jáng myìt myô nyi ri; hau htoq agó, Yerusalem wà mó mâ é lhúnglhâng bang le, myìt myô bum akô nghut ri. 4Haû mù luî, yhang gi, byu pê é hkyangjong agyi pé eq târâ sará pé bànshoq lé, ji tsîng yù mù, haû Hkrisidùq hká má hku lé lô râ nghut é hkyô lé myî ri. 5Haú hkûn, yhángmòq gi, “Yuda mau Betlehem wà má nghut lhê. Hkâsu mù gâ le, shí hkyô eq séng luî, haû myìqhtoi kâ tô é má,
6‘Yudaq mau mâ é Betlehem wà ê, nàng gi, Yudaq mau mâ é wà pé má, je tiq sû a nghut;
hkâsu mù gâ le, ngá é Isira-elaq byu pé lé ùpzúng râ Zau gi, náng chyáng mai htoq lô râ nghut lhê.’#Mihka 5:2
ga bo tô ri.” ga tû taî akô.
7Hau htâng, Herot gi, haû hpàqchyî bò bang lé haq ji yù mù, kyî lé htoq shit é ahkyíng lé, yhángmòq chyáng mai hkyak wó myî sê yù bê nghut ri. 8Haû mù, yhang gi, “Núngmòq, zoshâng haú lé rago ê ho wú keq. Ngò le, Yhang lé ê wó noq râ matú, Yhang lé núngmòq ê myâng eq yhang, ngo lé lo shit kyo keq.” ga taí luî, haú bang lé Betlehem wà shut nhang kat bê nghut ri.
9Yhángmòq gi, haû hkóhkam é dang lé gyô yu é htâng má, htoq e ló bekô nghut ri. Haû buìhtoq hkyam má yhángmòq myang é kyî gi, haû zonú nyi é ahtoq ang ang má ló nô é jé shoq, yhángmòq é hí má e ló byî ri. 10Yhángmòq gi, kyî haú lé myàng jáng, gyai yhang gabú bum akô nghut ri. 11Yhángmòq gi, haú yhûm má wang e ló kô é hkûn, zonú eq yhâng nu Mariq lé myàng kômù, hkyîhput htuq luî, haû zonú lé noqkuq akô; hau htâng, yhángmòq é sùtdò pé lé le hpóng luî, hîng, namngón jung loban eq mura#2:11 Mura gi, chi wó kut jung xû nghut lhê. pé lé yù mù, Yhang lé chyûnghuq byî akô nghut ri. 12Yhángmòq gi, Herot chyáng a dum taû ló râ matú, yhupmòq má, yhángmòq lé sidìq byî é hui kômù, hkyô góhkat dông yhángmòq é mau shut taû ló bekô nghut ri.
Egutuq Ming Shut Hpang E É Hkyô
13Yhángmòq ló byùq é htâng má, haû Yhûmsing é maumang lagyo rayùq gi, Yosep lé yhupmòq má htoq shit mù, “Toq aq! Haû zoshâng eq yhâng nu lé, Egutuq ming shut shuî hpang ê àq. Ngò, nang lé dum ji yu é ahkyíng jé shoq, haú má nyi nyì keq. Haî mù gâ le, Herot gi, zoshâng haú lé sat râ matú, ho nyì bê nghut ri.” ga taî ri.
14Haû mù, yhang gi, toq luî, myín lé yhang, zôshang me lé shuî chûng mù, Egutuq ming shut e ló bê nghut ri. 15Yhángmòq gi, Herot shi é jé shoq, haú má nyi nyi akô. Haû gi, “Ngá zo lé, ngò, Egutuq ming mai wùt htoq yû bê nghut lhê.”#Hos 11:1 ga, haû Yhûmsing èq myìqhtoi dông taî é dang lé lhoqdìk é ru nghut lhê.
16Herot gi, yhang lé, hpàqchyî bò bâng èq mhaû pyâm tô é lé sé jáng, nhikmó-yo bê nghut ri; haû mù, yhang gi, haû hpàqchyî bò bâng chyáng mai wó sê yu é ahkyíng lé sôn wú mù, Betlehem wà eq hau é awui ayàm mâ é wà pé má nyi é, í zân mai a‑ô mâ é yùqzô pé bànshoq lé, sat pyám nhang ri. 17Haû gi,
“Ramaq gâ é jowò má, yón kuq é eq ngau garû é htê lé wó gyô ri;
Rahkela gi, yhang zô pé a nyi byùq lo kô é yánmai, ngau nyi é eq nhik a wó tíng dùt ri.”#Yer 31:15
ga luî, 18myìqhtoi Yeremi‑aq dông taî tô é dang lé lhoqdìk é nghut ri.
Nazaret Wà Má Dum Taû Lo É Hkyô
19Herot shi byùq é htâng, Egutuq ming má, haû Yhûmsing é maumang lagyo gi, Yosep chyáng yhupmòq dông lé htoq shit mù, 20“Toq aq, haû zôshang me lé shuî chûng mù, Isira-elaq ming má taû ló aq; hkâsu mù gâ le, haû zoshâng lé sat naû bang shi byùq bekô nghut ri.” ga taî ri.
21Haû mù, Yosep gi, zôshang me lé shuî chûng mù, Isira-elaq ming shut taû ló bê nghut ri. 22Nghut kôlhang, yhang gi, Yuda mau má, Arihkela‑uq, yhâng wa Herot é hkó má xoq ùp nyi é hkyô lé wó gyo jáng, haú má a wám ló lo nghut ri. Yhupmòq má sidìq byî é huî é eq rajung za, yhang gi, Galile mau shut e ló mù, 23Nazaret gâ é wà má ló nyi nyì bê nghut ri. Haû mù, “Yhang lé, Nazaret wà byù ga râ nghut lhê.” ga luî, haû myìqhtoî pé dông taî tô é dang lé lhoqdìk é nghut ri.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2025, Wycliffe Bible Translators, Inc.