Mahte 1

Yesuq É Byùxik Shap Kyô É Hkyô

Luk 3:23-38

1Abraham é awùt ashín, Dawiq é yhang zo yhang shu,#1:1 Awùt ashín eq yhang zo yhang shu gâ é lé, Chyúmdang ra-am má, yhang zo ga le bo tô lhê. Yesuq Hkrisidùq é byùxik labaû gi, a‑ô mâ é eq rajung za nghut lhê.

2Abraham gi, Isak lé hkû;

Isak gi, Yakup lé hkû;

Yakup gi, Yudaq eq yhang gu yhang mâng pé lé hku é nghut lhê;

3Yudaq gi, Perezi eq Zera lé hkû, haú nhik é yhâng nu gi, Tamari nghut ri.

Perezi gi, Heziron lé hkû;

Heziron gi, Ram lé hkû;

4Ram gi, Aminadap lé hkû;

Aminadap gi, Nashon lé hkû;

Nashon gi, Salamun lé hkû;

5Salamun gi, Bu-aq lé hkû;

Bu-aq é yhâng nu gi, Rahap nghut ri.

Bu-aq gi, Obet lé hkû;

Obet é yhâng nu gi, Ruhtaq nghut ri.

Obet gi, Yese lé hkû;

6Yese gi, Hkóhkâm Dawiq lé hkû;

Dawiq gi, Sholumon lé hkû; Sholumon é yhâng nu gi, Uri-a yhang myi dùt wú sû nghut ri.

7Sholumon gi, Rehobo‑am lé hkû;

Rehobo‑am gi, Abiya lé hkû;

Abiya gi, Asa lé hkû;

8Asa gi, Yehoshahpat lé hkû;

Yehoshahpat gi, Yoram lé hkû;

Yoram gi, Uzi-a lé hkû;

9Uzi-a gi, Yohtam lé hkû;

Yohtam gi, Ahaza lé hkû;

Ahaza gi, Hezeki-a lé hkû;

10Hezeki-a gi, Manase lé hkû;

Manase gi, Amo lé hkû;

Amo gi, Yosi-a lé hkû;

11Yosi-a gi, Babelon má shúm dùt huî é hkûn, Yehkoni-a eq yhang gu yhang mâng pé lé hku é nghut ri.

12Babelon má shúm dùt huî é htâng má,

Yehkoni-a gi, Shalatila lé hkû;

Shalatila gi, Zerubabela lé hkû;

13Zerubabela gi, Abi‑ut lé hkû;

Abi‑ut gi, Eli-akim lé hkû;

Eli-akim gi, Azora lé hkû;

14Azora gi, Zadok lé hkû;

Zadok gi, Ahkim lé hkû;

Ahkim gi, Eli‑ut lé hkû;

15Eli‑ut gi, Eli‑aza lé hkû;

Eli‑aza gi, Mahtan lé hkû;

Mahtan gi, Yakup lé hkû;

16Yakup gi, Mariq é yhang lâng Yosep lé hku é nghut ri;

Mariq gi, Hkrisidùq gâ é Yesuq lé hku é sû nghut ri.

17Haû mù, Abraham é pyàt mai Dawiq é pyàt jé shoq gi, byùxik raxe myi xik; Dawiq pyàt mai Babelon má shúm dùt huî é hkûn jé shoq gi, byùxik raxe myi xik; shúm dùt huî é hkûn mai Hkrisidùq #1:17 Grik dông Hkrisidùq gâ é gi, xû bùt hui Sû gâ é lichyúm nghut mù, Hebre dông, Mesai‑a gâ é eq rajung za nghut lhê. é pyàt jé shoq gi, byùxik raxe myi xik nghut ri.

Yesuq Hku Lé Lo É Hkyô

Luk 2:1-7

18Yesuq Hkrisidùq hku lé lo é hkyô gi, a‑ô mâ é eq rajung za nghut ri: Yesuq é yhâng nu Mariq gi, Yosep èq dûng tô é sû nghut ri; nghut kôlhang, yhángnhik a zùm shi má, yhang gi, Chyoiyúng Sô mai zogûng dùt bê nghut ri. 19Yhâng é yhûmsîng hpó Yosep gi, díngmán sû nghut luî, yhang lé byu pê hí má hoq a kâm lhoqhpu nau é yánmai, tsik za lhoqkâng pyám râ haq htung ri.

20Nghut kôlhang, yhang haû su myìt nyi é hkûn, yhupmòq má, haû Yhûmsing é maumang lagyo gi, yhang lé, lé htoq shit luî, “Dawiq é yhang zo yhang shu Yosep ê, haû náng é yhûmsîng myhí Mariq lé hâng yù râ hkyô lé, hkâ-myìt chiq; haî mù gâ le, yhang wun tô é zoshâng gùng gi, Chyoiyúng Sô dông lo é nghut lhê. 21Yhang gi, yùqzo rayùq hkû râ nghut luî, nàng gi, zoshâng haú lé, Yesuq nghû myìng myhíng byi ra râ nghut lhê; hkâsu mù gâ le, Yhang gi, Yhâng é byu pé lé, yhángmòq é yubàk mara mai hkyi yù râ sû nghut lhê.” ga taî ri.

22Shí hkyô bànshoq gi, Garai Gasâng èq, haû myìqhtoi dông taî é dang lé lhoqdìk é nghut ri. 23Myìqhtoi dang haû gi, “Haû zo-myi gyíng gi, zogûng wùn mù, yùqzo rayùq hkû râ nghut lhê; Yhâng é myìng lé gi, Emanu-elaq ga kôrâ nghut lhê.”#Esai 7:14 gâ ri. Hau é lichyúm gi, “Garai Gasang gi, ngá-nhúng eq rahá nghut nyi lhê.” gâ é nghut lhê.

24Yosep gi, yhup bûn lo é hkûn, haû Yhûmsing é maumang lagyo taî é eq rajung za, Mariq lé, yhang myi dông yhûm má shuî yù bê nghut ri. 25Nghut kôlhang, yhang gi, yùqzo haû hku é hkûn jé shoq, Mariq eq gùngsho a zùm nghut ri. Yùqzo haú lé, yhang gi, Yesuq ga myhíng byî ri.

Voafantina amin'izao fotoana izao:

Mahte 1: znot

Asongadina

Hizara

Dika mitovy