प्रेरित.कामी 27
27
पौलुस के रोम भे-भेजाव
1जब नोःआँ फैसला लआले ची जहाज तरअः इटली सेनोः एदनाआ, दो पौलुस तेकर थोड़ेक एटाअ कैदी कु के होः, अगुस्तुस आली पलटन जुलियुस नुमू रिनी मियांड सुबेदार आला तीः रे जिमाओ लियाकु। 2आले एसिया रेनअः जहाज ति-तिंगु ठाँव सेनोः वाला अद्रामुतियुम तरअः हिजोअ वाला मियांड जहाज रे रकाःब केते सेनोः नाले। थिसलुनिके रिनी अरिस्तर्खुस नुमू रिनी मियांड मकिदुनिया रिनी आले लोः ताही नेनाय। 3दोसरा हिला आले सैदा सोदोर नेनाले। जुलियुस पौलुस लोः बढ़ियाँ बेवहारे केनाय, हिना लःअय हुनी पौलुस के गातीकु लोः भेटोः लःअय, तेकर हुंकू आला सेवा-सुसार गा-गरहन लःअय आचु लियाय। 4आले होनाःड़े तरअः साईप्रस टापु दौंड़ी-दौंड़ी सेनोः केनाले, एता लःअय ची मड़ांग तरअः होय हिजोअ केना। 5नोःआँ तयोम आले किलकिया तेकर पंफुलिया दौंड़ी समुदर रे जहाज तिंगुन ठाँव के परोम-यआते, लुकिया पहटा रेनअः मुरा नुमू रेनअः सहर सोदोर नेनाले। 6होनाःड़े सुबेदार के सिकन्दरिया सहर रेनअः मियांड इटली सेनोः वाला जहाज भेटाव नेना, हुनी आले के होनाःड़े रकाःब लेलेआय।
7जब आले ढेर दिन जगुत काले-काल काले-काल मसकिल ते सेन केते, कनिदुस सहर हेनाःड सोदोर नेनाले, होय आले के मड़ांग ते काय सेन चेले-केना, हिना लःअय आले सलमोने सहर रअः मड़ांग पखा तरअः क्रेत टापु रेनअः दखिन दौंड़ी-दौंड़ी सेन यअते, 8आउर होना दौंड़ी-दौंड़ी मसकिल रे सेन केते लसैया सहर हेनाःड रे “सुन्दर जहाज तितिंगु” नुमू ठाँव सोदोर नेनाले।
9ढेर दिन बिताव चुकाव ताही नेना तेकर समुदर होरा नहाअः खतरनाक हुयाव चुकाव थिना आउर उपास रेनअः दिन होः बिताव चुकाव थिना, हिना लःअय पौलुस हुंकू के, 10“ए सज्जनकु! ईङ के नोःआँ होरा डिड़ोगोः, मुरुक बिपाईत हुयाव कोआ लकान अदायोः ताना। आबु के माल तेकर जहाज रेनअः भाईर जोखिम उ-उठाव एरे पड़ाआ, बकिर अपन जीव रेनअः होः जोखिम उ-उठाव पड़ाव कोआ,” मेन केते समझाव लिकुआय। 11बकिर सुबेदार पौलुस आला बात तरअः कपतान तेकर जहाज मुंवार आला बात के बगरा मनाव नेनाय। 12होना जहाज तितिंगु ठाँव, राबांग बेरा बि-बिताव लःअय जादे बेस होः का ताही नेनाय, हिना लःअय जादे होड़ होनाःड़े तरअः सेनोः जुनोः रआ फिकिर रे ताही नेनाकु। हुंकू के जहान ना जहान लकान फेलिक्स जगुत सोदोरोः तेकर होनाःड़े राबांग बेरा बि-बिताव रेनअः आसरा ताही नेना। फेलिक्स क्रेत टापु रेनअः जहाज तितिंगु ठाँव हेके, जे दक्खिन-पछिम तेकर उतर-पछिम पखा तरअः चलाआ।
समुदर रे गर्ड़रा
13जब दक्खिन पखा तरअः सुलसुली होय चलाव नेना, दो हुंकू आबु आला काम पाड़ीः ना समझाव नेनाकु, तेकर लंगर बिरिःड केते, क्रेते टापु रआ दौंड़ी-दौंड़ी मड़ांग सेनोः केनाले। 14बकिर नहाअः काईटको दिरी होः का हुयाव ताही नेना, ची टापु पखा तरअः उतर-पुरूब गड़रा बिरिःड नेना। 15जोड़ से गड़रा जहाज रे हीःग केते टकराव नेना, आउर गर्ड़रा नोकान जोड़ ताहिना ची होय बिरुध सेनोः मसकिल ताहिना। हिना लःअय जाने होय चलाअ केना हेनते जहाज के सेन चिलाआले। 16कौदा नुमू रेनअः मियांड छोटे टापु रअः आड़ रे छेका-छेका आले तु यअते मसकिल रे जीव बा-बनचाव वाला छोटे डोंगा तरअः जहान लकान जहाज के काबु दाड़ी लआले। 17हुंकू होना के तेङ ओर लअकु तेकर जहाज के लतार तरअः तेङ जगुत पघा रे जोड़ से सकताउवा तोल केदाकु। तेकर सुरतिस टापु रेनअः चोर-बितिल रे आलु थगा कोअ रअः बोरते, हुंकू जहाज रआ तिरपाल अड़गु केते, जहाज के हलका दाअः लोः तुअ चिलाआकु। 18दोसरा हिला गर्ड़रा आले के जोड़ से झिकझोराव एकाअ देलेआय, हिना लःअय हुंकू समान समुदर रे गिड़ीअ दाकु। 19तेकर तीसरा हिला हुंकू जहाज रेनअः समान होः अपन तीः तरअः गिड़ी केदाकु। 20जब ढेर दिन जगुत ना दो सिंङ बोंगा नेल नेनाय तेकर इपील गी नेल नेनाकु, तेकर गर्ड़रा होय चलाव एकान ताना, दो आले आला बंचाअ रेनअः आसरा होः टोटअ ना।
21हुंकू ढेर दिन तरअः ओके होः एतान होः काकु जोमे केना, हिना लःअय पौलुस हुंकू ताला रे तिंगु केते, “ए मरदानाकु आपे के ईङ आला बात के मनाव केते, क्रेत तरअः आलु हिजोअ रेनअः बात के मनाअ ताही नेना। तब आपे के नोःआँ बिपाईत तेकर नोकसन उ-उठाव एरे पड़ाव ताही कोआ मेन केते बेता लिकुआय। 22बकिर नहाअः ईङ आपे तरअः आरजीअ दिंग ची डिढ़े-पे, एता लःअय ची आपे मेसे रे ओके आला जीव रेनअः हानी एरे हुयाआ, बकिर जहाज रेनअः भाईर हानी हुयाव कोआ। 23एता लःअय ची जे परमेसर आली ईङ हेके तेकर जेके ईङ सेवायींग, हुनी आली सिरमादूत तिसिंग निदा ईङ दुबाःड़े हीःग केते, 24ए पौलुस आलुम बोर! आम के कैसर मड़ांग रे हाजिरोअ एदनाआ, हिना लःअय परमेसर आम के आम लोः होरा डिडोगोः कु जामा के आम लःअय दयाते एमा तदमेआय मेन केते बेता लिङाय। 25हिना लःअय ए बोकोकु डिढ़े-पे ईङ के परमेसर रे बिसवास एदनाअ ची जे लकान ईङ के कंहड़ी तदाय हिना लकान गी हुयाव कोआ। 26बकिर आबु आला जहाज, जहान टापु दुबाःड़े सेन केते, टकराव केते टोटअ कोआ।”
जहाज रआ टोटागोः
27गर्ड़रा रेनअः चौदा निदा आले होनते-नोनते अद्रिया समुदर रे तुयोअ केनाले दो, आधा निदा लकान जहाज चलाव कु के, आले जहान ओत हेनाःड सोदोरोः तनाबु के अंदाज केते पाड़ी लअकु। 28हुंकू थहाव लअकु दो बीस पुरसा दाअः नाम लअकु तेकर कटिःग मड़ांग सेन केते, फिन थहाव लअकु दो पंद्राह पुरसा दाअः नाम लअकु। 29हुंकू के सेरेंग टुकू लोः अलबु बजड़ाव ओका-कोअ रेनअः बोर ताही नेना, हिना लःअय हुंकू जहाज रेनअः पछली पखा तरअः चाईर गोड़ लंगर लगाव लअकु, तेकर अंगायोअ रेनअः आसरा चहाअ केनाकु। 30बकिर जब जहाज चलाव कु, जहाज तरअः नीर नाम केनाकु हुंकू जहाज रेनअः मड़ांग पखा तरअः थोड़ेक लंगर ललगाव लःअय तोरालेआ बहना केते, हुंकू जीव बा-बनचाव डोंगा के समुदर रे अड़गु केदाकु। 31हिमीन रे पौलुस, सुबेदार तेकर पलटनकु के बेता लिकुआय, “जदि नुकू जहाज रे इरकु ताहिनोआँ दो आपे होः एरपे बंचाअ दड़ीआ।” 32तब पलटनकु जे पाघा रे डोंगा के तोल थिलाअकु के खांड़ा केते, जीव ब-बचाव वाला डोंगा के तुअ चिलाअकु।
33अंगायोअ तरअः कटिःग केन पहिल पौलुस, “तिसिंग चौदा रोज हुयाव ना, ची आपे आसरा नेल-नेल रांगेःग ताही नेनापे तेकर एतान होः कापे जोम लआ मेन केते घोटो जोजोम लःअय जामेकु तरअः गोहराव नेनाय। 34हिना लःअय ईङ आपे तरअः गोहराअ तनिङ ची कईटको जोम केपे जेकर से ची आपे आला उधार हुयाआ, एता लःअय ची ओके आला बोहोअ रेनअः मियांड-मिन ऊःब एरे नुरोआ।” 35पौलुस नोकान कंहड़ी केते, लाःड ईदी लःअय तेकर जामाकु मड़ांग रे परमेसर के धन्यवाद एमा लियाय तेकर हुनी लाःड के केचाअ केते जोम दाय। 36तब जामाकु आला जीव रे जीव रूवाड़ हीःग नेना तेकर हुंकू होः घोटो जोम लअकु। 37होना जहाज रे जामा मिलाव केते, बार साय छेहातार झन होड़ ताही नेनाले। 38जब जामेकु जोम केते बीअ नाकु, दो हुंकू जहाज के हा-हईलका लःअय अनाईज के समुदर रे गिड़ीअ दाकु।
जहाज रअः टोटागोः
39बकिर निदवाः ना दो हुंकू होना राईज के काकु फहाम दाड़ी लआ, बकिर समुदर रे मियांड खड़ी बितिल रआ दौंड़ी नेल केते, जदि हुयाव सकाआ दो जहाज के हिनाःड़े टिकायबु मेन केते बिचार दाकु। 40हिना लःअय हुंकू लंगर के खांड़ा केते ढिल केदाकु, तेकर होना के समुदर रे लतार नुर चिलाआकु, हेने घड़ीक हुंकू होना रे तोल ओना पतवार के ढिल लअकु, फिन जहाज के होय रे मड़ांग ते इईदी लःअय जहाज रअः मड़ांग रअः तिरपाल के अलगाव केते दौंड़ी पखा सेनोः नले। 41बकिर बरिया दु मुहान तलारे जहाज बितिल रे सेन केते फाँसाव ना, तेकर होना रेनअः मड़ांग पखा नोकान गड़ाअ ना ची हिलाव होः का हिलाव नेना, बकिर पछली पखा लहर रेनअः तापेःग रे टोटागोअ ताना।
42तब नोकान आलु हुयाव कोअ ची पांउराव केते नीर जुनोआकु, हिना लःअय पलटनकु जामा कैदी के गोएःग कुआबु मेन केते सोंचाव लअकु। 43बकिर सुबेदार पौलुस के बा-बनचाव रआ चलते, हुंकू के बधराव लिकुआय, तेकर जे पांउराव दाड़ीआकु, हुंकू पहिल रे डेगाव केते, ओत दौंड़ी रे उडुंग जुनोः कु मेन केते हुकूम एमा लिकुआय। 44तेकर बाकी होड़ तखता चाहे जहाज रेनअः एटाअ जिनीस रअः सहाड़ाते उडुंग जुनोःकु आउर नोःआँ लकान जामेकु ओत रे बंचाव उडुंग नाकु।
Voafantina amin'izao fotoana izao:
प्रेरित.कामी 27: ASR
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2023 NLCI CC BY-NC-ND 4.0
प्रेरित.कामी 27
27
पौलुस के रोम भे-भेजाव
1जब नोःआँ फैसला लआले ची जहाज तरअः इटली सेनोः एदनाआ, दो पौलुस तेकर थोड़ेक एटाअ कैदी कु के होः, अगुस्तुस आली पलटन जुलियुस नुमू रिनी मियांड सुबेदार आला तीः रे जिमाओ लियाकु। 2आले एसिया रेनअः जहाज ति-तिंगु ठाँव सेनोः वाला अद्रामुतियुम तरअः हिजोअ वाला मियांड जहाज रे रकाःब केते सेनोः नाले। थिसलुनिके रिनी अरिस्तर्खुस नुमू रिनी मियांड मकिदुनिया रिनी आले लोः ताही नेनाय। 3दोसरा हिला आले सैदा सोदोर नेनाले। जुलियुस पौलुस लोः बढ़ियाँ बेवहारे केनाय, हिना लःअय हुनी पौलुस के गातीकु लोः भेटोः लःअय, तेकर हुंकू आला सेवा-सुसार गा-गरहन लःअय आचु लियाय। 4आले होनाःड़े तरअः साईप्रस टापु दौंड़ी-दौंड़ी सेनोः केनाले, एता लःअय ची मड़ांग तरअः होय हिजोअ केना। 5नोःआँ तयोम आले किलकिया तेकर पंफुलिया दौंड़ी समुदर रे जहाज तिंगुन ठाँव के परोम-यआते, लुकिया पहटा रेनअः मुरा नुमू रेनअः सहर सोदोर नेनाले। 6होनाःड़े सुबेदार के सिकन्दरिया सहर रेनअः मियांड इटली सेनोः वाला जहाज भेटाव नेना, हुनी आले के होनाःड़े रकाःब लेलेआय।
7जब आले ढेर दिन जगुत काले-काल काले-काल मसकिल ते सेन केते, कनिदुस सहर हेनाःड सोदोर नेनाले, होय आले के मड़ांग ते काय सेन चेले-केना, हिना लःअय आले सलमोने सहर रअः मड़ांग पखा तरअः क्रेत टापु रेनअः दखिन दौंड़ी-दौंड़ी सेन यअते, 8आउर होना दौंड़ी-दौंड़ी मसकिल रे सेन केते लसैया सहर हेनाःड रे “सुन्दर जहाज तितिंगु” नुमू ठाँव सोदोर नेनाले।
9ढेर दिन बिताव चुकाव ताही नेना तेकर समुदर होरा नहाअः खतरनाक हुयाव चुकाव थिना आउर उपास रेनअः दिन होः बिताव चुकाव थिना, हिना लःअय पौलुस हुंकू के, 10“ए सज्जनकु! ईङ के नोःआँ होरा डिड़ोगोः, मुरुक बिपाईत हुयाव कोआ लकान अदायोः ताना। आबु के माल तेकर जहाज रेनअः भाईर जोखिम उ-उठाव एरे पड़ाआ, बकिर अपन जीव रेनअः होः जोखिम उ-उठाव पड़ाव कोआ,” मेन केते समझाव लिकुआय। 11बकिर सुबेदार पौलुस आला बात तरअः कपतान तेकर जहाज मुंवार आला बात के बगरा मनाव नेनाय। 12होना जहाज तितिंगु ठाँव, राबांग बेरा बि-बिताव लःअय जादे बेस होः का ताही नेनाय, हिना लःअय जादे होड़ होनाःड़े तरअः सेनोः जुनोः रआ फिकिर रे ताही नेनाकु। हुंकू के जहान ना जहान लकान फेलिक्स जगुत सोदोरोः तेकर होनाःड़े राबांग बेरा बि-बिताव रेनअः आसरा ताही नेना। फेलिक्स क्रेत टापु रेनअः जहाज तितिंगु ठाँव हेके, जे दक्खिन-पछिम तेकर उतर-पछिम पखा तरअः चलाआ।
समुदर रे गर्ड़रा
13जब दक्खिन पखा तरअः सुलसुली होय चलाव नेना, दो हुंकू आबु आला काम पाड़ीः ना समझाव नेनाकु, तेकर लंगर बिरिःड केते, क्रेते टापु रआ दौंड़ी-दौंड़ी मड़ांग सेनोः केनाले। 14बकिर नहाअः काईटको दिरी होः का हुयाव ताही नेना, ची टापु पखा तरअः उतर-पुरूब गड़रा बिरिःड नेना। 15जोड़ से गड़रा जहाज रे हीःग केते टकराव नेना, आउर गर्ड़रा नोकान जोड़ ताहिना ची होय बिरुध सेनोः मसकिल ताहिना। हिना लःअय जाने होय चलाअ केना हेनते जहाज के सेन चिलाआले। 16कौदा नुमू रेनअः मियांड छोटे टापु रअः आड़ रे छेका-छेका आले तु यअते मसकिल रे जीव बा-बनचाव वाला छोटे डोंगा तरअः जहान लकान जहाज के काबु दाड़ी लआले। 17हुंकू होना के तेङ ओर लअकु तेकर जहाज के लतार तरअः तेङ जगुत पघा रे जोड़ से सकताउवा तोल केदाकु। तेकर सुरतिस टापु रेनअः चोर-बितिल रे आलु थगा कोअ रअः बोरते, हुंकू जहाज रआ तिरपाल अड़गु केते, जहाज के हलका दाअः लोः तुअ चिलाआकु। 18दोसरा हिला गर्ड़रा आले के जोड़ से झिकझोराव एकाअ देलेआय, हिना लःअय हुंकू समान समुदर रे गिड़ीअ दाकु। 19तेकर तीसरा हिला हुंकू जहाज रेनअः समान होः अपन तीः तरअः गिड़ी केदाकु। 20जब ढेर दिन जगुत ना दो सिंङ बोंगा नेल नेनाय तेकर इपील गी नेल नेनाकु, तेकर गर्ड़रा होय चलाव एकान ताना, दो आले आला बंचाअ रेनअः आसरा होः टोटअ ना।
21हुंकू ढेर दिन तरअः ओके होः एतान होः काकु जोमे केना, हिना लःअय पौलुस हुंकू ताला रे तिंगु केते, “ए मरदानाकु आपे के ईङ आला बात के मनाव केते, क्रेत तरअः आलु हिजोअ रेनअः बात के मनाअ ताही नेना। तब आपे के नोःआँ बिपाईत तेकर नोकसन उ-उठाव एरे पड़ाव ताही कोआ मेन केते बेता लिकुआय। 22बकिर नहाअः ईङ आपे तरअः आरजीअ दिंग ची डिढ़े-पे, एता लःअय ची आपे मेसे रे ओके आला जीव रेनअः हानी एरे हुयाआ, बकिर जहाज रेनअः भाईर हानी हुयाव कोआ। 23एता लःअय ची जे परमेसर आली ईङ हेके तेकर जेके ईङ सेवायींग, हुनी आली सिरमादूत तिसिंग निदा ईङ दुबाःड़े हीःग केते, 24ए पौलुस आलुम बोर! आम के कैसर मड़ांग रे हाजिरोअ एदनाआ, हिना लःअय परमेसर आम के आम लोः होरा डिडोगोः कु जामा के आम लःअय दयाते एमा तदमेआय मेन केते बेता लिङाय। 25हिना लःअय ए बोकोकु डिढ़े-पे ईङ के परमेसर रे बिसवास एदनाअ ची जे लकान ईङ के कंहड़ी तदाय हिना लकान गी हुयाव कोआ। 26बकिर आबु आला जहाज, जहान टापु दुबाःड़े सेन केते, टकराव केते टोटअ कोआ।”
जहाज रआ टोटागोः
27गर्ड़रा रेनअः चौदा निदा आले होनते-नोनते अद्रिया समुदर रे तुयोअ केनाले दो, आधा निदा लकान जहाज चलाव कु के, आले जहान ओत हेनाःड सोदोरोः तनाबु के अंदाज केते पाड़ी लअकु। 28हुंकू थहाव लअकु दो बीस पुरसा दाअः नाम लअकु तेकर कटिःग मड़ांग सेन केते, फिन थहाव लअकु दो पंद्राह पुरसा दाअः नाम लअकु। 29हुंकू के सेरेंग टुकू लोः अलबु बजड़ाव ओका-कोअ रेनअः बोर ताही नेना, हिना लःअय हुंकू जहाज रेनअः पछली पखा तरअः चाईर गोड़ लंगर लगाव लअकु, तेकर अंगायोअ रेनअः आसरा चहाअ केनाकु। 30बकिर जब जहाज चलाव कु, जहाज तरअः नीर नाम केनाकु हुंकू जहाज रेनअः मड़ांग पखा तरअः थोड़ेक लंगर ललगाव लःअय तोरालेआ बहना केते, हुंकू जीव बा-बनचाव डोंगा के समुदर रे अड़गु केदाकु। 31हिमीन रे पौलुस, सुबेदार तेकर पलटनकु के बेता लिकुआय, “जदि नुकू जहाज रे इरकु ताहिनोआँ दो आपे होः एरपे बंचाअ दड़ीआ।” 32तब पलटनकु जे पाघा रे डोंगा के तोल थिलाअकु के खांड़ा केते, जीव ब-बचाव वाला डोंगा के तुअ चिलाअकु।
33अंगायोअ तरअः कटिःग केन पहिल पौलुस, “तिसिंग चौदा रोज हुयाव ना, ची आपे आसरा नेल-नेल रांगेःग ताही नेनापे तेकर एतान होः कापे जोम लआ मेन केते घोटो जोजोम लःअय जामेकु तरअः गोहराव नेनाय। 34हिना लःअय ईङ आपे तरअः गोहराअ तनिङ ची कईटको जोम केपे जेकर से ची आपे आला उधार हुयाआ, एता लःअय ची ओके आला बोहोअ रेनअः मियांड-मिन ऊःब एरे नुरोआ।” 35पौलुस नोकान कंहड़ी केते, लाःड ईदी लःअय तेकर जामाकु मड़ांग रे परमेसर के धन्यवाद एमा लियाय तेकर हुनी लाःड के केचाअ केते जोम दाय। 36तब जामाकु आला जीव रे जीव रूवाड़ हीःग नेना तेकर हुंकू होः घोटो जोम लअकु। 37होना जहाज रे जामा मिलाव केते, बार साय छेहातार झन होड़ ताही नेनाले। 38जब जामेकु जोम केते बीअ नाकु, दो हुंकू जहाज के हा-हईलका लःअय अनाईज के समुदर रे गिड़ीअ दाकु।
जहाज रअः टोटागोः
39बकिर निदवाः ना दो हुंकू होना राईज के काकु फहाम दाड़ी लआ, बकिर समुदर रे मियांड खड़ी बितिल रआ दौंड़ी नेल केते, जदि हुयाव सकाआ दो जहाज के हिनाःड़े टिकायबु मेन केते बिचार दाकु। 40हिना लःअय हुंकू लंगर के खांड़ा केते ढिल केदाकु, तेकर होना के समुदर रे लतार नुर चिलाआकु, हेने घड़ीक हुंकू होना रे तोल ओना पतवार के ढिल लअकु, फिन जहाज के होय रे मड़ांग ते इईदी लःअय जहाज रअः मड़ांग रअः तिरपाल के अलगाव केते दौंड़ी पखा सेनोः नले। 41बकिर बरिया दु मुहान तलारे जहाज बितिल रे सेन केते फाँसाव ना, तेकर होना रेनअः मड़ांग पखा नोकान गड़ाअ ना ची हिलाव होः का हिलाव नेना, बकिर पछली पखा लहर रेनअः तापेःग रे टोटागोअ ताना।
42तब नोकान आलु हुयाव कोअ ची पांउराव केते नीर जुनोआकु, हिना लःअय पलटनकु जामा कैदी के गोएःग कुआबु मेन केते सोंचाव लअकु। 43बकिर सुबेदार पौलुस के बा-बनचाव रआ चलते, हुंकू के बधराव लिकुआय, तेकर जे पांउराव दाड़ीआकु, हुंकू पहिल रे डेगाव केते, ओत दौंड़ी रे उडुंग जुनोः कु मेन केते हुकूम एमा लिकुआय। 44तेकर बाकी होड़ तखता चाहे जहाज रेनअः एटाअ जिनीस रअः सहाड़ाते उडुंग जुनोःकु आउर नोःआँ लकान जामेकु ओत रे बंचाव उडुंग नाकु।
© 2023 NLCI CC BY-NC-ND 4.0