Mat 11
11
1Kəni ka, nian Iesu rɨnɨnitha nakharan tahan to tahan nərəmim kətilɨm-kətilɨm-mɨkiu (12), In ramiər ikɨn an məma tɨrvɨn mamətɨkun mamavsitoin nakharan tahan apa lauanu asul min lə tən an.
2Nian Jon ramɨro lə kalapus narɨmnar min Kristo ramol, ramhalipən iərəmim mil kiu tahan
3mamɨni ton məma, “?Ik ətuatu Iərəm kamɨni mə tɨnakva, o sakameithanin əna irpɨsɨn ker mɨn?”
4Iesu rəmarəm mamɨni to ilau məma, “Iavɨn mamuɨnipən to Jon narɨmnar min iərəm namuɨro muap.
5 #
Aes 35:5-6;
Aes 61:1
“Nəmnou kamaip mɨn nar, nərəm kamarevitat kamailiwək mɨn, nərəm kamarɨmɨs i leprosi kamol ɨvt ilar, nərəm nɨmatəlɨgɨnilar ralu kamairo mɨn nar, nərəm kɨnarɨmɨs kamairmig mɨn, ne navɨntat min kamavsitoin nakharan ɨvt kəm ilar.
6“Kəni iərəm rɨsapitətəlan lə nɨkin ton Io, in tɨros nɨvɨtan.”
7Nian kamialəlɨg, Iesu ramɨruouɨn makharin Jon kəm nahuto, mɨni məma, “?Nɨmariər marɨn ikɨn rəpia məpia ikɨn məma tɨnakaip nəta? ?Nɨkimiar rakamho məma in ravkɨri nuig ker am, nɨmətag ramkiukiu lan?
8“?Mɨro nɨmariər məma tɨnakaip nəta? ?Iərəmim ker kaməviu lə napən ɨvt? Mɨro aip ru, nərəm kamaros napən ɨvt kamairɨk lə nima ɨvt taha nərəmɨra min.
9“?Mɨro nɨmariər məma tɨnakaip nəta? ?Tɨrol tat iəni ker taha Ughin? Iakamɨni to kamiar məma nɨpərhienan un, mɨro iərəm un in ramapitha iəni min.
10 #
Mal 3:1
“Mɨro-in-ka in ɨk iərəm kamavsitoin məklan lə nɨrean oas, məma,
‘Ap ru, iamhalitha iəni tahak ramaupanin nɨmrɨm,
In tɨraupanin Ik mepina-epina lə suatu taham.’
11“Nɨpərhienan iakamɨni to kamiar, lə nərəm kamarit lə nɨpɨravɨn, ker rɨka iərəm ramapitha Jon iərəmim taha nauiatil. Mɨro iərəm rɨsuas akɨn lə niko lə neai ramapitha.
12 #
Luk 16:16
“Kəni rɨruouɨn lə nian taha Jon iərəmim taha nauiatil mɨroatɨs touek ne, niko lə neai ramai mɨvɨn lə nɨsanənan, kəni nərəmim ɨsanən kamaros marhiapatin mhamha.
13“Mɨro-in-ka iəni min pətɨm taha Ughin ne Noua taha Moses kamaivsitoin nakharan to katar, rɨva mɨroatɨs Jon.
14 #
Mal 4:5; Mat 17:10-13; Mak 9:11-13 “Kəni takəma namaigiən to nɨtəlɨganin, in ɨk Elaeja iərəm kamɨni məma tɨrɨpva.
15“!Iərəm ramos nɨmatəlɨgɨn məma tɨrɨro, pəs rɨro!
16“?Sakɨtuɨniatɨv nolan taha nɨpsen ɨk? Ilar kaivkɨrin kova-kova min kamaiwota ikɨn min kamol makət ikɨn, mamaiunin ilar min
17“mɨmani məma,
‘Iɨmahil nauvhal mɨro nɨseimakoan,
Iɨmaini napuk taha nɨmɨsan, mɨro nɨsaisakan.’
18“Mɨro-in-ka Jon rɨva mɨsaugɨnan mɨsəmnɨman, kəni ilar kəmani məma, ‘!Nanɨmɨn tat ker ramalɨmɨn in!’
19“Mɨro Io, Nərɨ Iərəmim, iɨva mamaugɨn maməmnɨm, kəni ilar kəmani məma, ‘!Aip ru iərəmim ker In iaugɨn-ɨpɨk ne iəmnɨm-ɨpɨk waen, thaniel min nərəmim taha nosan takɨs ne nolɨtat min!’ Mɨro nərərɨ ninərɨkan kamarhuatɨkun məma ninərɨkan taha Ughin rətuatu.”
Awe to nauanu asul min
(Luk 10:13-15)
20Kəni ka ramɨruouɨn mamɨtat lauanu asul min, ikɨn rɨnolitha nar asul min ripɨr tahan, mɨro-in-ka kɨsarvhinan nɨkinilar, mɨni məma,
21 #
Aes 23:1-18; Esik 26–28; Joel 3:4-8; Amos 1:9-10; Sek 9:2-4 “!Awe ton ik, Korasin! !Awe ton ik, Petsaita! Mɨro-in-ka takəma nar asul min kɨnol lə nɨmrɨmiar kɨpol apa Taea ne Saeton, kɨparvhin nɨkinilar nɨvh, maros napən tat maiwota lə nɨmrau.
22“Mɨro iakamɨni to kamiar məma lə nian taha nuhuapreian, tɨrɨtat ɨpɨk to kamiar mapitha Taea ne Saeton.
23 #
Aes 14:13-15;
Jen 19:24-28
“Kəni ik, Kapeneam, iərəm kɨnləsit ik mɨroatɨs neai, tɨpləshiau ik lə nɨkəm asul. Mɨro-in-ka to kɨpol apa Sotom nar asul min iərəm kɨnol lam, in rɨpamarɨk əna mɨroatɨs touek ne.
24 #
Mat 10:15; Luk 10:12 “Mɨro iakamɨni to kamiar məma lə nian taha nuhuapreian, tɨrɨtat ɨpɨk to kamiar mapitha tən Sotom.”
Iesu ramofa namigan pərhien
25Lə nian an Iesu ramakhar mamɨni məma, “Iakamɨnivivi Ik, Tata, Ik Iərəmɨra taha neai ne tən, məma namɨtkhauigɨn nar min ɨk to nalpəkau ne ninərɨk, mamhuatɨkun to kova ɨsuas min.
26“Əwəh, Tata, mɨro-in-ka rəvɨt məkləlan lə nɨmrɨm.
27 #
Jon 3:35;
Jon 1:18; 10:15 “Rɨmok rɨnəlhau narɨmnar min pətɨm lə nəlɨmok. Iərəmim ker rɨka iərəm rhinatin Nərɨn, mɨro Rɨmɨn am. Ne iərəmim ker rɨka iərəm rhinatin Rɨmɨn, mɨro Nərɨn am ne nərəmim min iərəm Nərɨn rolkeike məma tɨrhuatɨkun Rɨmɨn to ilar.
28“Arva ton Io, kamiar mɨka nərəm namaiutin nəlɨkɨmiar mamaros nar pɨkɨm min, kəni Io sɨpofɨna namigan kəm kamiar.
29 #
Jer 6:16
“Arosit kasulia tahak mamaitəlɨg-ɨvtin Io, mɨro-in-ka Io ikmərɨk, iamatite lahau lə nɨkik, kəni tɨnɨparos namigan lə nɨkimiar.
30“Mɨro-in-ka kasulia tahak rɨmərɨk am, katipa tahak ralukaluk am.”
Iesu ramərəmɨra lə Sapat
(Mak 2:23-28; Luk 6:1-5)
Voafantina amin'izao fotoana izao:
Mat 11: Lenakel NT
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
(c) 2023 Covenanter Press - Presbyterian Reformed Church of Australia
Mat 11
11
1Kəni ka, nian Iesu rɨnɨnitha nakharan tahan to tahan nərəmim kətilɨm-kətilɨm-mɨkiu (12), In ramiər ikɨn an məma tɨrvɨn mamətɨkun mamavsitoin nakharan tahan apa lauanu asul min lə tən an.
2Nian Jon ramɨro lə kalapus narɨmnar min Kristo ramol, ramhalipən iərəmim mil kiu tahan
3mamɨni ton məma, “?Ik ətuatu Iərəm kamɨni mə tɨnakva, o sakameithanin əna irpɨsɨn ker mɨn?”
4Iesu rəmarəm mamɨni to ilau məma, “Iavɨn mamuɨnipən to Jon narɨmnar min iərəm namuɨro muap.
5 #
Aes 35:5-6;
Aes 61:1
“Nəmnou kamaip mɨn nar, nərəm kamarevitat kamailiwək mɨn, nərəm kamarɨmɨs i leprosi kamol ɨvt ilar, nərəm nɨmatəlɨgɨnilar ralu kamairo mɨn nar, nərəm kɨnarɨmɨs kamairmig mɨn, ne navɨntat min kamavsitoin nakharan ɨvt kəm ilar.
6“Kəni iərəm rɨsapitətəlan lə nɨkin ton Io, in tɨros nɨvɨtan.”
7Nian kamialəlɨg, Iesu ramɨruouɨn makharin Jon kəm nahuto, mɨni məma, “?Nɨmariər marɨn ikɨn rəpia məpia ikɨn məma tɨnakaip nəta? ?Nɨkimiar rakamho məma in ravkɨri nuig ker am, nɨmətag ramkiukiu lan?
8“?Mɨro nɨmariər məma tɨnakaip nəta? ?Iərəmim ker kaməviu lə napən ɨvt? Mɨro aip ru, nərəm kamaros napən ɨvt kamairɨk lə nima ɨvt taha nərəmɨra min.
9“?Mɨro nɨmariər məma tɨnakaip nəta? ?Tɨrol tat iəni ker taha Ughin? Iakamɨni to kamiar məma nɨpərhienan un, mɨro iərəm un in ramapitha iəni min.
10 #
Mal 3:1
“Mɨro-in-ka in ɨk iərəm kamavsitoin məklan lə nɨrean oas, məma,
‘Ap ru, iamhalitha iəni tahak ramaupanin nɨmrɨm,
In tɨraupanin Ik mepina-epina lə suatu taham.’
11“Nɨpərhienan iakamɨni to kamiar, lə nərəm kamarit lə nɨpɨravɨn, ker rɨka iərəm ramapitha Jon iərəmim taha nauiatil. Mɨro iərəm rɨsuas akɨn lə niko lə neai ramapitha.
12 #
Luk 16:16
“Kəni rɨruouɨn lə nian taha Jon iərəmim taha nauiatil mɨroatɨs touek ne, niko lə neai ramai mɨvɨn lə nɨsanənan, kəni nərəmim ɨsanən kamaros marhiapatin mhamha.
13“Mɨro-in-ka iəni min pətɨm taha Ughin ne Noua taha Moses kamaivsitoin nakharan to katar, rɨva mɨroatɨs Jon.
14 #
Mal 4:5; Mat 17:10-13; Mak 9:11-13 “Kəni takəma namaigiən to nɨtəlɨganin, in ɨk Elaeja iərəm kamɨni məma tɨrɨpva.
15“!Iərəm ramos nɨmatəlɨgɨn məma tɨrɨro, pəs rɨro!
16“?Sakɨtuɨniatɨv nolan taha nɨpsen ɨk? Ilar kaivkɨrin kova-kova min kamaiwota ikɨn min kamol makət ikɨn, mamaiunin ilar min
17“mɨmani məma,
‘Iɨmahil nauvhal mɨro nɨseimakoan,
Iɨmaini napuk taha nɨmɨsan, mɨro nɨsaisakan.’
18“Mɨro-in-ka Jon rɨva mɨsaugɨnan mɨsəmnɨman, kəni ilar kəmani məma, ‘!Nanɨmɨn tat ker ramalɨmɨn in!’
19“Mɨro Io, Nərɨ Iərəmim, iɨva mamaugɨn maməmnɨm, kəni ilar kəmani məma, ‘!Aip ru iərəmim ker In iaugɨn-ɨpɨk ne iəmnɨm-ɨpɨk waen, thaniel min nərəmim taha nosan takɨs ne nolɨtat min!’ Mɨro nərərɨ ninərɨkan kamarhuatɨkun məma ninərɨkan taha Ughin rətuatu.”
Awe to nauanu asul min
(Luk 10:13-15)
20Kəni ka ramɨruouɨn mamɨtat lauanu asul min, ikɨn rɨnolitha nar asul min ripɨr tahan, mɨro-in-ka kɨsarvhinan nɨkinilar, mɨni məma,
21 #
Aes 23:1-18; Esik 26–28; Joel 3:4-8; Amos 1:9-10; Sek 9:2-4 “!Awe ton ik, Korasin! !Awe ton ik, Petsaita! Mɨro-in-ka takəma nar asul min kɨnol lə nɨmrɨmiar kɨpol apa Taea ne Saeton, kɨparvhin nɨkinilar nɨvh, maros napən tat maiwota lə nɨmrau.
22“Mɨro iakamɨni to kamiar məma lə nian taha nuhuapreian, tɨrɨtat ɨpɨk to kamiar mapitha Taea ne Saeton.
23 #
Aes 14:13-15;
Jen 19:24-28
“Kəni ik, Kapeneam, iərəm kɨnləsit ik mɨroatɨs neai, tɨpləshiau ik lə nɨkəm asul. Mɨro-in-ka to kɨpol apa Sotom nar asul min iərəm kɨnol lam, in rɨpamarɨk əna mɨroatɨs touek ne.
24 #
Mat 10:15; Luk 10:12 “Mɨro iakamɨni to kamiar məma lə nian taha nuhuapreian, tɨrɨtat ɨpɨk to kamiar mapitha tən Sotom.”
Iesu ramofa namigan pərhien
25Lə nian an Iesu ramakhar mamɨni məma, “Iakamɨnivivi Ik, Tata, Ik Iərəmɨra taha neai ne tən, məma namɨtkhauigɨn nar min ɨk to nalpəkau ne ninərɨk, mamhuatɨkun to kova ɨsuas min.
26“Əwəh, Tata, mɨro-in-ka rəvɨt məkləlan lə nɨmrɨm.
27 #
Jon 3:35;
Jon 1:18; 10:15 “Rɨmok rɨnəlhau narɨmnar min pətɨm lə nəlɨmok. Iərəmim ker rɨka iərəm rhinatin Nərɨn, mɨro Rɨmɨn am. Ne iərəmim ker rɨka iərəm rhinatin Rɨmɨn, mɨro Nərɨn am ne nərəmim min iərəm Nərɨn rolkeike məma tɨrhuatɨkun Rɨmɨn to ilar.
28“Arva ton Io, kamiar mɨka nərəm namaiutin nəlɨkɨmiar mamaros nar pɨkɨm min, kəni Io sɨpofɨna namigan kəm kamiar.
29 #
Jer 6:16
“Arosit kasulia tahak mamaitəlɨg-ɨvtin Io, mɨro-in-ka Io ikmərɨk, iamatite lahau lə nɨkik, kəni tɨnɨparos namigan lə nɨkimiar.
30“Mɨro-in-ka kasulia tahak rɨmərɨk am, katipa tahak ralukaluk am.”
Iesu ramərəmɨra lə Sapat
(Mak 2:23-28; Luk 6:1-5)
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
(c) 2023 Covenanter Press - Presbyterian Reformed Church of Australia