Luke 17
17
1မှနောက်အာ ကိုယ်တော်ယေရူစာ တပည့်တော်ရက်အင် " လူရက်အပြစ်ဒုစရိုက်အင် ကျူးလွန်ဇိစ်ဟေကား အူဇာရက်ဘောင်းကို ငါဟေ။ ညီးင့ဒင့်ယေ လူးရက်အင် အပြစ်ကျူးလွန်မနီး လုပ်ဟေကလူရက်နာ အမင်္ဂလာငါဟေ။ 2လူးရက်အင် အပြစ်ဒုစရိုက်ကျူးလွန်ဇိစ်ဟေကအစား အပါနာက အကာတုပ်အင် ရဖူ(ဖ်)စောက်ကို၊ တလုံဆွဲကို ပလယ်ထဲယာ ခုန်နက်ကပိုကို မီလင်ကား။ 3မှအကြောင့် နနိန်ရက် အပါနာကအပါနာ သတိပီယင့်။ နင်ကနည်းဆီဖုံးနားရက် အပြစ်လုပ်တိနဲ့က(လ်) အမင် ဆုံးမယင့်ဂီး။ အမာ နောင်တလှုနဲ့က(လ်) အမင်ခွင့်လွတ်အီယင့်။ 4အမာနာ ယက်တာတည်းယာ ခုနှစ်ကြိမ်တိုင်တိုင် နင်ငင် ပြစ်မှားကို အကြိမ်တိုင်း နင်ထနဲ့ တောင်းပန်ဗာ(ဖ်)နဲ့က(လ်)ယေ့ အမင် ခွင့်လွတ်အီပိုကား"ငါ့ကို ငါ့လင်ကဟေ။ 5အိမ်မအခါ တပည့်တော်ရက်နာ "ငါရက်က ယုံကြည်ခြင်းစိတ်အင် ပိုကိုတိုးပွားဇိစ်ယန်"ငါ့ကို လျှောက်တင်လင်ကဟေ။ 6ကိုယ်တော်ယေရှုယေ့ "မုန်ညင်းတူးတယ်ပြိန်ဟေကား ယုံကြည်ချက်ငါနဲ့ က(လ်)ဒင့် မှပိုးစားဖင်းပြောင်ယင် အကြိုက်ပါယိုးဇရိုးမှ အပေါက်လာဂို ပင်လယ်ထဲယာ ပေါက်စေငါးဂို့ အမိန့်အီနက်နဲ့ အိမ်မအဖင်းနာ နနိန်ရက်အင် နာခံလင်ပိုကား။ 7နင်ကားအငှားဆာရက်နာ လယ်ထွန်း၊ သိုးကျောင်းကို ပြန့်ငန်ကရပ် နင်နာ အမင် ကြိုဆိုဟေ၊ ကိန်းတာဟုန်းငါဆင်ကို ဆာအူယင့်"ငါ့ကို ငါ့ကလဲ။ 8မဒေလေငါ့ကအစား "ငါဆာကဇိစ် ဆူးဝါပါဆာပြင်ဆင်ကို ငါဆာကိုကျီးစာရောက်မှ အနားစောင့် တုန်းငင်။ ကျီးနဲ့ နင်ဆာအူယင့်"ငါ့ကို ငန်းကအရိ(လ်)လဲ။ 9အငှားဆာနာ အမာကတာဝန်ဝတ္တရား အတိုင်း လုပ်ပီဟေကား အထူးတလည် ကျေးဇူးတင်ထိုက်ဟေလဲ။ ကျေးဇူးအတင်ထိုက်ပါ(လ်)။ 10အိမ်မဒေလေဟုန်း နနိန်ရက်အ(လ်) အပါနာရက်အင် ဖန်းဟေကအလုပ်ရက်အင် လုပ်ကိုကျီးကရပ် "ငါရက်နာ သာမန်အငှားဆာရက်ဖြစ်ကို လုပ်သင့်လုပ်ထိုက် ဟေကအူဇာရက်အင်မယ် လုပ်တက်က ဖြစ်ဟေ"ငါ့ကို ငင်ဂီ"ငါ့ကို ငါ့လင်ကဟေ။ 11ကျီးကအိမ် ကိုယ်တော်နာ ဂျေရုရှလင်မြို့ဝါ လင်ဟေကားလင်းငင် ရှမာရိအိမ် ဂါလိလဲဒေသ ရက်က နယ်စပ်ကြားယာ ဖြတ်လင်ဂါဟေ။ 12ထိန်ထိန်နာထုပ်လင်ကရပ် အမန်ပြောင်ရောဂါသည် ဆယ်ဦးရက်စာ ကိုယ်တော်အိမ် မလှမ်းမကမ်းအရပ်အာစက်ကို ကြိုဆိုတုန်းလင်ကဟေ။ 13ချက်ဂို "ကိုယ်တော်ယေရှု၊ ငါ့ရက်အင် သနားတော်မူပါ။"ငါ့ကို လျှောက်တင်လင်ကဟေ။ 14ကိုယ်တော်နာ အမာရက်အင်ပိုကို "ပုရောဟိတ်ရက်ကမား နနိန်ရက်က ခန္ဓာကိုယ်ယင် လင်ဂို့ဆနပ်အာ"ငါ့ကို ငါ့လင်ကဟေ။ အမာရက်အ(လ်) လင်တုန်းစမ်းမယ် အနာရောဂါ ပျောက်ကလင်ကဟေ။ 15အမှာကရက်ထဲယာက ဟူးဝါးနာ အမန်ရောဂါပျောက်ကင်းကလင်ကား ချေးဟေကခါ ဘုရားရှင်ဂါ ကျေးဇူးတော်ယင် ဟော်ကို ချီးမွမ်းကို ကိုယ်တော်ကမား ပြန့်ကိုဗန်(ဖ်)လင်ကဟေ။ 16မှနောက်အာ အမှာနာ ကိုယ်တော်ယေရှုဂါအတားရင်းငင် ဆဘာဂို့ ကျေးဇူးတော်ယင် ချီးမွမ်းလင်ကဟေ။ အိမ်မားလူးနာ ရှမာရိပြည်ကဖြစ်ဟေ။ 17အိမ်မအခါ ကိုယ်တော်နာ "အနာရောဂါ ပျောက်ကလင်ကားလူး ဆယ်ယောက်အရိလဲ။ အယောက်ကကိုးယောက်က(လ်) မယား။ 18ဘုရားရှင်ဂါကျေးဇူးတော်ငင် ချီးမွမ်းဂါဇီ ပြန့်ဗန်(ဖ်)ကနာ မှတိုင်းတစ်ပါးသားလွဲကို အယောက်ကလူးအငါလဲ"ငါ့ကို ကတာကျီးကရပ်မယ် 19အိမ်မာရှမာရိပြည်သားယင် "နင် ရိကို လင်ဒမ်း။ နင်ကယုံကြည်ခြင်းနာ နင်ငင်ကျန်းမာဇိစ်ဒက်နန်း"ငါ့ကို ငါ့လင်ကဟေ။ 20ဖာရိရှဲအချို့ယေ့ ကိုယ်တော်ယင် "ဘုရားရှင်ဂါသာသနာတော်နာ အဆီချိန်ငါ ဖော်ဗာ(ဖ်)ကယား"ငါ့ကို ကတာကအကြောင့် ကိုယ်တော်ယေရှုနာ "ဘုရားရှင်ဂါသာသနာတော်နာ နနိန်ရက်ပိုလှုကား ပုံစံအိမ် ဖော်ဗာ(ဖ်)ကအရိပါ(လ်)။ 21မှနေရာယာယူယင့်။ အိမ်မာနေရာ ယူယင့်ငါ့ ကိုယေ့ အငါလှုပါ(လ်)။ အဇာရိကို့အာငါ့နဲ့က(လ်) ဘုရားရှင်ကသာသနာတော်နာ နနိန်ရက်က စိတ်နှလုံး ထဲယာငါဟေကဖြစ်ဟေ"ငါ့ကို ငါ့လင်ကဟေ။ 22အယောက်ဟက်တာ ကိုယ်တော်ယေရှုနာ တပည့်တော်ရက်အင် "နနိန်ရက်နာ 'လူ့သားတော်ငါဟေကား ရယက်အထဲယာက ယက်တာက(လ်) ပိုကက်ကယဲ့ အပိုပိုနန်းကားအချိန်ထုပ်ဗာ(ဖ်)ကဟေ။ 23လူရက်နာ နနိန်ရက်အင် "အိမ်မာနေရာယာ ယူယင့်။ မှနေရာယာ ယူယင့်"ငါ့ကို ငါ့ဆနပ်နဲ့က(လ်)ယေ့ ရနက်ကိုအလုပ်အဲ။ 24လူးသားတော်ထုပ် ဗာ(ဖ်)ကရယက်အာ လျှပ်စီးလက်ကို ကောင်းဂါလက်ဆူးဝါလုံး ထွန်းလင်းကဒေလေ လူးသားတော်ထုပ် ဗာ(ဖ်)ကရယက်အာယေ့ အိမ်မဒေလေဖြစ်လင်ကား။ 25ညီးင့ဒင့်ယေ့ အိမ်မအချိန်အထုပ်မီ မလားကင်းမ အမာနာ ဒုက္ခဝေဒနာယင် ခံစားပိုကို အတတ်ကခေတ်အာက လူးရက်က ငြင်းပယ်ဟေ ကဟင်းလင်ပိုကား။ 26နောဧလက်ထက်အာ ဖြစ်တက်ကအတိုင်း လူးသားတော်လက်ထက်အာယေ့ ဖြစ်ပျက်လင်ကား။ 27အိန်းပြောင်ငန်ကဟေဖြစ်ကို နောဧနာ သင်္ဘောထဲယာဆင်တုန်းကရယက်အထိ လူးရက်နာ စားလိုက်၊သောက်လိုက်၊ လက်ထပ်ပွဲကျင်းလိုက်အိမ် ပုံမှန်အတိုင်းတုန်းဒက်ကအတွက် အိန်းပြောင်ကဟင်းပိုကို အိမ်မားလူးစုတ်ရက် ဆိန်းလင်ပိုကဟေ။ 28အိမ်ဒေလေ 'လောတ'လက်ထက် အာယေ သောဒုံမြို့ကလူးရက်နာ စားလိုက်၊ဈီးမရိလိုက်၊ အချေးကို၊ စိုက်ပျိူးလိုက်၊ တည်ဆောက်လိုက် အိမ် ပုံမှန်အတိုင်းတုန်ဒက်ကအတွက် 29လောတပြုကလင်ကားရယက်အာမယ်ဒင့် ကောင်းဂါလက်အာဘင်းaဗန်း(ဖ်)မိုးရွာကို မြို့ယာကလူးစုတ်ရက်အင် ဆိန်းဇိစ်လင်ကဟေ။ 30လူးသားတော် ဖော်ဗာ(ဖ်)ကရယက်အာယေ့ အိမ်မဒေလေ ဖြစ်ပျက်လင်ကား။ 31အိမ်မရယက်အာ ကိန်းခေါင်း မိုးပေါ်ဝါဟေငါဟေ လူးရက်နာ ဆူးဝါပါဆာလာကဇိစ် ကိန်းတာဟုန်းငါ အဆင်ယေ့။ လယ်ကွင်းထဲယာ ငါဟေကလူးရက်အ(လ်) ဆူးဝါပါဆာလာကဇိစ် ကိန်းငါအပြန့်ငန်ယေ့။ 32'လောတ' ဂါး အအိတား အဆမှီးဖြစ်ပျက်တက်ဟေကား သတိလူငင်ဂီး။ 33အပါနာကအဆက်အင် ကယ်တင်ကဇိစ် ကြိုးစားက လူးရက် ဆုံးရှုံးလင်ပိုကား။ အပါနာကအဆက်အင် အဆုံးရှုံးခံကလူးစာ အဆက်ဆိမ်းလင်ကား။ 34နနိန်ရက်အင် ငါငန်းဂါ။ ယက်ထင့်နတ် အိပ်ဟင်းဆူဝါးဒဲ့ယာ အိပ်တုန်းက လူးနိနိဟူးနာ ဟူးဝါးက(လ်) အော်ဂါဟင်းပိုကို့ အယောက်ကဟူးဝါက(လ်) ကျန်ဒက်လင်ပိုကား။ 35အင်ကြိတ်တုန်းက တာဆာလောက် နိန်ဟူးထဲယာက ဟူးဝါမယ် အော်ကဟင်းငန်ပိုကားဖြစ်ကို အယောက်ကဟူးဝါက(လ်) ကျန်ဒက်ယန်ပိုကဖြစ်ဟေ။ 36လယ်ကွင်းထဲယာ လူးနိန်ဟူးငါ့နဲ့က(လ်)ယေ့ ဟူးဝါမယ်အော်ယန်က ဖြစ်ကို အယောက်ကဟူးဝါက(လ်) ကျန်ဒက်လင်ငန်ပိုကား"ငါ့ကို ငါ့ဆနပ်ကို 37တပည့်တော်ရက်နာ "ကိုယ်တော်၊ အဆီနေရာ အတတ်ကဒေလေဖြစ်အန်ကယား"ငါ့ကို ကတာလင်ကဟေ။ ကိုယ်တော်ယေ "အလောင်းငါဟေကားအရပ်အာ လင်းတရက် ရက်ပိုက်စုတုန်းဟေ"ငါ့ကို ငါ့လင်ကဟေ။
Voafantina amin'izao fotoana izao:
Luke 17: ttpv-rv
Asongadina
Hizara
Mampitaha
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
This translation of the Thet Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
