Luke 16
16
1ကိုယ်တော်ဟော့ တပည့်တော်ဝဲ့ယာ အဟောက်ဂဟော့နပါ သူဌေးပေန်းနေတ်သဟော့ ယလုပ်ငန်းနဲ့ စီစဉ်လော့၊ အညွှန်ကြားဝိုင်သိမ်ချောင်ပေန်းနေဂတ် စီစဉ်ပိတ်ဟော့ ချောင်ပေန်း နေတ်အခန့်။ ဆိတ်လော့ဟော အနီချောင်လော့ဟင်းစဝဲအလလှောက်ကာ ခလီးခလာ အဆွန်းအွမ်သိမ်အမှတ်ပိဇ။ 2သူဌေးလော့ယဘိက်အိပ်လော့သဲ့ “နောင်အကြောင်းငဟော့ ကေ့ကမှတ်ဟီ။ နောင်းဘောင်းငဲ ့နေစိုင်း ရိုးသိမ်ကေ့ယာ အဟောက်ဘွန်။ ကော့ရှိုက်ဆက်လော့စိုင်းလာ့ သိမ်လာ့ သိ” သိမ် အဟောက်။ 3စီစဉ်ပိတ်ဟော့ချောင်လော့ဟော ယလုန်တ “ကေ့ဘောင်းခါကာစိုင်းလာ့ဝိုင်ရိုး၊ ကေ့သခင်လော့ ကေ့ အဘိက်အိပ်လော့သဲ့ ရှိုက်ကာဟော့ အဆုကခွန်းအွမ်လာ့ဝိုင်ဟီ”။ 4ကေ့လော့ခုန်းခူလော့ စူးခုဝါးဟူကတုံးအုံငိုင်ဟောကလျှောက်အောက်။ ကေ့ရှိုက်ကာဟော့ ကပြုတ်ကနိူ ချောင်ငဲ့လော့ ယနိအင်းနာ ဖိတ်အိပ်ကိုင်၊ ကေ့ယာအပေါင်းအသင်း စိုင်းရိုင်းကေ့ ဘောင်းကစိုင်းလာ့ ဝိုင်သိမ်ကမှတ်ဟီ။” 5အနီပုန်ပိဇ် ယလော့ယသူဌေးအင်းနာ အကြွေးပိတ်ကိုင်းမျက်ဟော့ ချောင်ပေန်းနေဂတ်ချင်း အဘိက်အိပ်။ 6ပထမပန်းနေဂတ်တာ “သခင်နာ အကြွေးပစေပိတ်ကိုင်း အမွက်ရိုး” သိမ်အစက်။ တော်ချောင် လော့ “သံလွင်ဆီစည်ချားဝတ်ကပိတ်ကိုင်းအမွက်” သိမ်ဟောက်ပိဇ “ဘောင်ချာမြန်မြန် လောက်ကွတ်လော့ သဲ့ငါးဆယ်သိမ်ရေးရဲ့” သိမ်ယလော့အဟောက်။ 7အရာပေန်းနေဂတ်သာ “ ပစေန ပိတ်ကိုင်းအမွက်ရိုး” သိမ်အစက်ပိ “ ပွန်းစောင်တင်းထုံငေတ်” သိမ်အ ဖြေ။ “ဘောင်ချာလောက်ကွက်တလော့ ချားရှက်သိမ်ရေးရဲ့” သိမ်အဟောက်။ 8သူဌေးလော့ဟော စီစဉ်ပိတ်ဟော့ချောင် ယကိုယ်ကျိုးအတောက်အနပ်ဟယ်ယဟော့ အချီး မွှမ်းတိုး ကမ္ဘာပေါ်ဝါမှက်ဟော့ချောင်ငဲ့လော့ ယနိကိုယ်ကျိုးအတောက်ယနိစိုင်းဒွန်းနာ အမှန် တရား ပေါတ်တာ မွက်ဟော့ချောင်ငဲ့ထောက်ကာ လောကီချောင်စိုးစဲ့ ပိုလော့ယနိတော်။ 9ကိုယ်တော်လော့တပည့်တော်ဝဲ့ယာ မိတ်ဆွေမနဲနောင်နိလာ့ အာဝိုင်းတောက် မျက်လှည့် ရိုတူဟော့ ဥစ္စာဘဏ္ဌာဝဲ့သုံးအုံဘွေ့တို့။ အဲ့နီဥစ္စာဝဲ့အပွက် ကနိူတပည့်တော်ဝဲ့ဟာ ‘နိစ္စထဂ ဝရ’အင်းနာဟော့ လော့အကြိုဆိုဝိုင်း။ 10အညှောင်းဟော့ကိစ္စဝါစိတ်မချောက်လာ့ဝဟော့ ချောင်ငဟော့ အလင်းဗုန်းကိစ္စဝါဟော့ စိတ်မ ချောက်လာ့။ ဆိတ်လော့ဟော ညှောင်းဟော့ကိစ္စဝါပ စိတ်မချောက်လာ့ရှာငှားဟော့ ချောင်ငဟော့ အရေး ကြီးဟော့ကိစ္စဝါစိတ်ချပူလော့ဝပူ။ 11မျက်လှည့်စိုတူဟော့ မြဲငှားဟော့ဥစ္စာဝါပ နောင်နိရုံအုံနောက်ကဟော့ အမွက်ခုငှားကနိူ စစ်မှန်သော ဥစ္စာရတနာအတွက် နီလော့ အရုံအုံနောက်ကိုင်းရိုး။ 12ယပွေးလော့ ယနိပိုင်ငဟော့ ပစ္စည်းဥစ္စာအတောက် နောင်နိယာစိတ်ချောက်ပလော့မလာ့ ငှားကနိူနီလော့ ဘောင်းနောင်နိယာအအွပ်သိုင်းရိုး။ 13နောင်နိယဟော့ သခင်ပါးဟိ အစေခံပတ်တော့လိုက်ကို စိုင်းသလော့လာ့လသိ။ သခင်ပေန်း နောက်တ လော့ ပိုလော့နောင်နိနိူး အိုနောက်လာ့ဝိုင်။ နောင်နိယဟော့ ပတ်တောက်လိုက်ကို ဘုရားရှင်အစေခံလော့ ဟင်းစည်းစိမ်ငဲ့ အစေခံလုပ်အုပ်တလော့ဝသို သိမ်အဟောက်။ 14မာရိရှဲဝဲ့ယဟော ဟင်းစယနိမက်မောကြောင်းငို ကိုယ်တော်လော့ အဟောက်ဝဟော့ လှောင်ပြောင် အလော့ ယနိနွိနောက်။ ကိုယ်တော်ယေရှုလော့နီလှောက်ကာအဟောက်။ 15မာရိရှဲများဝဟော့ ယနိလုန်တသူတော်ကောင်းလှောက်ကာယနိအွမ်း။ ဆိတ်လော့ဟော့ ဘုရားရှင်ဟော့ ယနိအလုန်ဒိက်ကာဟော့ စိတ်အမှတ်။ ချောင်မနဲလော့ အရေးကြီးဟိုက်ကဲ့ တန်ဖိုးအလင်း ဟိုက်သိမ်၊ အထင်နဟော့ အရာဝဲ့ယဟော့ ဘုရားရှင်ရှေ့ယာသဲ့ မသေရိုင်ဘွယ် ဟော့ အရာဝဲ့နောအဖြစ်။ 16ရေနှစ်မင်္ဂလာဆရာ ယောဟန်ခေတ်အဖိုးမောင်ငိုချောင်ငဲ့လော့ မောရှေ့ကျမ်းနဲ့လော့ ပရောဖက်သဲ့ကျမ်း စိုအုပ်လှောက်ကာ လိုက်နာအလို့ယနိအွမ်း။ ဆိတ်လော့ဟောဘုရားရှင်သာသနာအဖိုးလူးပိဇ်လော့သဲ့၊ ချောင်မနဲလော့ သာသနာဒိက်ကာအပေါင်းဝိုင် ယနိကြိုးစားလူး။ 17ကျမ်းစိုဝါမွက်ဟော့ အညှောင်းဟိုက်ဆုံးအကြောင်းအရာဝဲ့အကျုပ်ထောက်ကာ ကောင်းကင်လော့ ဒိက်အ ကျုပ်ကဟော့ ပိုလော့ အလွေထေ့။ 18ပငှိုးဗေးဟှာဝါကားပလော့သဲ့ အရာနှတိုးနူးပေန်းနေဂတ်တာ လက်အထပ်အပ်တဟော့ ယပွေးအိဒွန်းနာ အကျူးလွန်နဟော့အပြစ်အဖြစ်။ အကားဝဟော့နှတိုးနူးဝါလက်ထပ်ဟော့ ယောဂအတွက်တူနော်အဖြစ်။ 19လကိုးဝါ သူဌေးပေန်းနေဂတ်လော့ ကဗလာပိတ်ချော အဆင်သိုက်ကဟော ရှို့အိုလော့၊ ကာမဂုဏ် စည်းစိမ် ငါပျော်လော့သဲ့အအွမ်း။ 20ဆိတ်လော့ဟော ဆင်းရဲဟော့ချောင် သူတောင်းစာ ‘လာဇရု’ သဲ့ သူဌေးအင်းပေါက်ပဝါ ရှုန်းလော့သဲ့ အအွမ်း။ 21ယလော့ သူဌေးလော့အအေးဒွန်းစုံငါဟော့ အကြောက်လူဝိုင်းဟော့ အအေးအုပ်ကျွန်နဲ့ ကလေားလာ့ အိုင်ဟီသိမ်ပျော်လော့သဲ့အအွမ်း။ ယခန္ဓာကိုယ်ဝါဟော အမှာဟိုင်ငဲ့အပုတ်။ အွေးရဲ့လော့လူးအလို့သဲ့ ယအမှာဟိုငဲ့ ယနိလိမ်အိမ်။ 22အနီဆင်းရဲသားဝဟော့ အဒူးပိဇ် နေက်စေတမာန်နဲ့လော့ ယဝဟော့ အာဗြဟံစိမ်းငါယနိဘိက်အိပ်တို။ အနီသူဌေးအဒူးပိဇလော့ အသဂြိုလ်ဝဟော့ အခွန်းအွမ်လာ့။ 23ယဝဟော့ ငရဲရာဓိလာ့လော့သဲ့ ကီးကယ်ဒုက္ခဝေဒနာအခံခားလာ။ ယလော့အပုဝါ အသိုင်းပိဇလော့ အလှိုးနေရာဝါ အာဗြဟံလော့၊ အာဗြဟံလောက်ပွန်ပေါက်တို ‘လာဇရု’ အမှုလာ့သို့။ 24အနီပိ သူဌေးလော့ အာဗြဟံလာ့ “ ကေ့အဟင်းရှေရဲ့ ကေ့ယဟော့ ကီးကယ်လှုပ်ဟော့ မီးဒိက်ကာ ကီးကယ်ဝေဒနာကခံစားလာ။ လာဇရု ကွက်တာတွီးယာ မြှုပ်တလော့ ကေ့လယ်ဘုန်းငါ အထိပိတ်ကေ့” သိမ်ပါန်အန်လော့သဲ့ အတောင်းပန်အံ။ 25အနီပိ အာဗြဟံလော့ “ ကေ့ မိတ်ဆွေနောင်းအရှောက် ဟိုင်ဟနိူးချမ်းသာဟော့ သုခဝဲ့ နခံစားလဟီ ‘ဇဇရု’လော့ သဲ့ ဆင်းရဲဒုက္ခဝဲ့နော အခွန်းလာ့။ တိုဝါ ‘လာဇရု’ သဲ့ပျော်လော့သဲ့ဝမ်းအသာလလော့၊ နောင်း သဲ့ ဒုက္ခဝေဒနာခံစားလာ့။ 26ဆိတ်လော့ဟော နောင်းလော့ကေ့ကြားဝါ ကီးကယ်ထုတ်ဟော့ အဂန်ဟဂန်အုဝေတ်မွက်လော့သဲ့ ဖော ဝတ်လော့ ဖောဝတ်နီးဟောကူးပလော့လာ့ဝပု။ 27အနီသူဌေးလော့ “ကေ့ကတောင်းပန်အံ့ ပအောင်ဖရားဝေါ၊ ‘လာဇရု’ ဝါကေ့ပအောင် ဝါအလှို့ပိတ်ကဲ့ ဘုရားဝေါ။ သိမ်အတောင်းပန်အံ့။ 28ကေ့နော်အောင်ပေန်းငှို နီငရဲရာဖိုးလူးငှားအုံယနိယာ ‘လာဇရု’ ဝါခိသလော့၊ သတိလိတ်ရှောက်ကဲ့။ သိမ်အဟောက်။ 29အာဗြဟံလော့ဟော့ “ နောင် သာနောင်ဝဲ့ဟော့ မောရှေ့လော့ ပညတ်တဟော့ ကျမ်းနဲ့ လော့ပညာ မွက်ဟော့ ပရောဖတ်သဲ့ ကျမ်းစိုဝဲ့ဖောတ်အလို့ သဲ့လိုက်နာဆီးဘွေ့” သိမ်အဟောက်။ 30သူဌေးလော့ဟော “ အဲ့လှောက်ကာအဆိတ်ငှားကနိူနီအရာပို ငှောလုံလောက်ဟန အဒူးပုန်ဟော့ ချောင် ပေန်းနေဂတ်လော့ ယနိငှာဓိလော့သဲ့ အဟောက်ကနိူ ယနိနောင်တလအလို့သဲ့ ဘုရားပေါတ်သို ယနိလှည့် အဲ့လူးဝိုင်း” သိမ်အဟောက်။ 31အာဗြဟံလော့ “ ယနိမောရှေလော့ ပရောဖတ်သဲ့ အပစ်ပယ်ကနိ အဒူးပေါန်ဟော့ ချောင်ပေန်း နေဂတ် လော့၊ အဟောက်ဝဟော့ ပေါလ်ဝဟော့ ဟင်လာ့” သိမ်အဟောက်။
Voafantina amin'izao fotoana izao:
Luke 16: ctpv-rv
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
This translation of the Chin-Ekai Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
