लूका 3
3
यहुन्ना बपतिस्मा देनेवावा क संदेश
1तिबिरियुस कैसर क राज्य क पंदरा साल मा जव पुन्तियुस पिलातुस यहूदि या क सरदार हुत, आरू गलील मा हेरोदेस, इतुरैया आरू त्रखोनीतिस मा ओका भाई स फिलिप्पुस, आरू अबिलेने मा लिसानियास, चौथाई क राजा हुता, 2आरू जव हन्न आरू कैफा डाहला पुजारा हुतो, उना टेहाव यहोवा–भगवान क वचन जंगल मा जकर्याह क पोर्या यहुन्ना क साथे पुच्चा। 3यहुन्ना बपतिस्मा देनेवालो यरदन नदी क साथे क सब जंगल मा जाईन, पाप माफ क करता मन फिरावने क बपतिस्मा लेदा, आरू यहोवा–भगवान तुमरा पापको माफ करे क खबर करने लाग्या।
4जोसो यशायाह कागळियान क कयो हुयो वचन की किताब मा लिख्यो छे:
“जंगल मा एक आयड़ने वावा क ओवाज होय रया छे कि,
पोरबु क मार्ग तीयार करो
ओकी सड़के सुधी बनावु।”
5हर एक घाटी भर देय जाछे,
आरू हर एक बयड़ा आरू टीला नेचा कर्या जाछे;
आरू जो वाकड़ी वाट छे सुधी,
आरू जो उचो नेचो छे वो चौरस मार्ग बनावछे।
6“आरू हर मानवप्राणी यहोवा–भगवान क उध्दार क देखछे।”
7 #
मत्ती 12:34; 23:33 जो गर्दी की गर्दी ओका सी बपतिस्मा लेने करता आपने साथे निकव कर आवती होती, उनछे वो कयता हुता, “हे घड़साक पोर्या, तुखे कुण चेतावनी दिया कि आवनेवाळा रीस छे ढाछे। 8#यहुन्ना 8:33शेवली कावा मन फिराव क योग्य वारू करो, आरू मन मा याहा नी सुचिया कि आमरो बास अब्राहम छे; काहकि हाव तुमू छे कयता छे कि यहोवा–भगवान इनु दगड़ा सी अब्राहम क करता संतान पैदा कर सकता छे। 9#मत्ती 7:19हिमी कुराड़ झाड़को की मुव पर धरा छे, एरकरीन जो झाड़को वारू फोव नी लायो, त्यो काट्यो आरू आगठो मा न्हाख दियो जासे?”
10तव मानछेने ओका सी पुछ्या, “तो हामु काय करजे?”
11त्यो तीनुक जवाब दिया, “ओका साथे दुय सुटर होय, वो ओको साथे ओका साथे नी छे वाट लेय आरू ओका साथे रोटा होय वो भी ओसो ही कर्या।”
12 #
लूका 7:29
“फाळो लेनेवाळा भी बपतिस्मा लेने आश, आरू ओका सी पुछ्या, हे गुरू हामु काय करजे?”
13त्यो उनछे कयो, “जो तुमरे करता ठेराया गया छे, ओको छे सवटो नी लेने।”
14“सिपाईने भी ओका सी यो पुछ्या, हामु काय करजे?”
त्यो उनछे कयो, “काही पर झगड़ो करावनो नी करने आरू नी झुट दोष लागाड़ ने, आपने पगार पर खुस करने।”
15जव मानसे आस लागाड़या हुया हुता, आरू सब आपसा मन यहुन्ना क विषय मा विचार कर रया हुता, कि काय युत मसीह तो नी छे, 16तो यहुन्ना बपतिस्मा देनेवावो उन सब छे कयो, “हाव तो तुमूक पानी छे बपतिस्मा देतो छे, पुन वो आवनेवाळा छे जो मखे छे शक्तिमान छे; हाव तो इनीये योग्य भी नी कि ओका खासड़ा क दुरू छुड़ सको; वो तुमूक चुखली आत्मा छे बपतिस्मा देसे। 17ओको सूप, ओका हात मा छे; आरू वो आपने खलिहान वारली तरह छे साफ करसे; आरू गवे क आपने कुठार मा एखठा करसे; पुन भुसा क उना आगठो मा जो बुझने की नी धोप छे।”
18शेवली कावा वो घोणा सी शिक्षा दे दीन मानसे क खुश खबर सोमवता रया। 19#मत्ती 14:3,4; मरकुस 6:17,18पुन जव त्यो चौथाई देश क राजा हेरोदेस क ओको भाईस फिलिप्पुस की बायर हेरोदेस क विषय आरू सब भुण्डला काम क विषय मा जो त्यो कर्या हुता, उलाहना दिया, 20तो हेरोदेसने उन सब छे बठीन यो कुकर्म भी कर्या कि यहुन्ना क जेल मा नाख दिया।
ईशु क बपतिस्मा
(मत्ती 3:13-17; मरकुस 1:9-11)
21जव सब मानछेने बपतिस्मा लेदा आरू ईशु भी बपतिस्मा लीन प्रार्थना कर रयो हुतो, तो सोरग उघड़ी गया, 22#मत्ती 3:17; मरकुस 1:11; लूका 9:35“आरू चुखलो आत्मा डीलोन रूप मा पेरवाक समान उना पर उतरियो, आरू यो सोरगवाणी होयी: तु मारो मोंगावु पोर्यो छे, हाव खुश छे।”
ईशु कि वंशावड़ी
(मत्ती 1:1-17)
23जव ईशु आप शिक्षा करने लाग्या, तो लग—भग डेढ़वीस साल की साल क हुतो आरू (जोसो समझा जातो हुतो) यूसुफ क पोर्या हुतो; आरू वो एली क, 24आरू वो मत्ताथा क, आरू वो लेवी क, आरू वो मलकी क, आरू वो यन्ना क, आरू वो यूसुफ क, 25आरू वो मत्तित्याह क आरू वो आमोस क, आरू वो नहूम क, आरू त्यो असलीया क, आरू वो नोगह क, 26आरू वो मात क, आरू वो मत्तित्याह क आरू वो आरू शिमी क, आरू वो योसेस क, आरू वो योदाह क, 27आरू वो यहुन्ना क, आरू वो रेसा क, आरू वो जरूब्बाबेल क, आरू वो शालतियेल क, आरू वो नेरी क, 28आरू वो मलकी क, आरू वो अद्दी क, आरू वो कोसाम क, आरू वो इलमोदाम क, आरू वो एर क, 29आरू वो ईशु क, आरू वो इलजार क, आरू वो योरीम क, आरू मत्ताथा क, आरू वो लेवी क, 30आरू वो शमौन क, आरू वो यहूदा क, आरू वो यूसुफ क आरू वो योनान क आरू वो एलयाकीम क, 31आरू वो मेलिया क आरू वो मिन्नाह क, आरू वो मत्ताथा क, आरू वो नातान क, आरू वो दाऊद क, 32आरू वो यिशै क आरू वो ओबेद क, आरू वो बोआज क, आरू वो सलमोन क, आरू वो नहशोन क, 33आरू वो अम्मीनादाब क, आरू वो अरनी क, आरू वो हिस्रोन क, आरू वो पेरेस क आरू वो यहूदा क, 34आरू वो याकूब क, आरू वो इसहाक क, आरू वो अब्राहम क, आरू वो तिरह क आरू वो नाहोर क, 35आरू वो सरूग क, आरू वो रऊ क, आरू वो फिलिग क, आरू वो एबिर क आरू वो शिलह क, 36आरू वो केनान क आरू वो अरफशद क, आरू वो शेम क, आरू वो नूह क, आरू वा लामेख लेमेक क, 37आरू वो मथूशिलह क आरू वो हनोक क, आरू वो यारेत क, आरू वो महललेल क, आरू वो केनान क 38आरू वो एनोश क, आरू वो शेत क, आरू वो आदम क, आरू वो यहोवा–भगवान क, पोर्या हुतो।
Voafantina amin'izao fotoana izao:
लूका 3: Dii25
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
The Dhankavi Bible © The Word for the World International and Dhankavi Mandli, Khargon, Raykhed, Nandurbar, Maharashtra 2025
