प्रेरितन 4
4
पतरस आरू योहन क धोरायनो
1जव पतरस आरू योहन लोगहन छे कय रया हुता, ती पुजारा आरू मंदिरन राखवाल्या सदूकियो तिनु भुणी आश। 2त्या घोणा किचवाया कि पतरस आरू योहन ईशुन बारा मा सिखाड़ता हुता आरू मरेला माइन जीवतो होय गयो यी खबर करता हुता। 3आरू त्या ओको धरीन दिसरे दाहड़े तक जेल खाना मा राखिया काहकि सान्तो रात पोड़ने टेम होय गयली होती। 4पर वचन सोमळने वाळा माईन घण सवटा विश्वास करिया, आरू ओकी गिनती पाच हजार धोड़े वोड़ मानसे हुता।
5दिसरे दाहड़े ओसो हुयो कि हेन्दरा आरू सरदार आरू धरम शास्त्री कानुन यरूशलेम मा एखठा होया। 6आरू डाहला पुजारा हन्ना आरू कैफा आरू योहन आरू अलेक्जेन्द्रिया आरू जतरा डाहला पुजारा क घरो माईन हुता, आखा यरूशलेम मा एखटा होया। 7त्या पतरस आरू योहन क बीच मा उबाराखीन पुछने लागिया, कि तुमू यो काम काहली ताकत छे आरू कुनीन नाव छे करिया?
8तव पतरस चुखली आत्मा छे भराइन तिनु छे कयो, “ए लोगहन न सरदारिया आरू डाहडा” 9इना लेंगड़ा मानुस साते जो भलाईन काम करियो गयो, ने आज तुमू हामरे छे ओका बारा मा पुछताछ कर रया, कि त्यो कोस वारू हुयो। 10ती तुमू आखा आरू आखा इस्त्राएली लोगहन जान लेय कि ईशु मसीह नासरतन नाव छे जिनाक तुमू कुरूस पर चढ़ाया, आरू यहोवा–भगवान हेको मरला माइन जीवाड़्यो, आरू यो मानुस तुमरे सामने वारू आरगो ऊबो छे। 11यो ईशु त्योत् दगड़ो छे,
जिना दगड़ा क तुमू मिस्त्रियाँ रिकामो बनावला,
आरू त्यो कुनान न छिवनियान दगड़ो बन गयो।
12आरू कोय दिसरान लारे छुटकारू नीहि हुयो; काहकि सोरगदूतन नेड़ो आरू मानुस न वीच मा आरू काहाय दिसरो नाव नी दियो गयो, जिना लारे हामुक छुटकारू जोड़े।
13जव त्या पतरस आरू यहुन्ना न हेम्मोत क देख्या, आरू यो जानीन कि या भनला नी होय आरू साधारण मानसे नी होय, ती त्या घाबरायने लागिया; आरू हेनुक ऊळखिया, कि या ईशुन साते रहवला छे। 14पर तिना मानुस क जो वारू होयलो होतो, ओको सात ऊभरहवला देखीन, यहूदि या मानसोक हेका विरोध मा काहय नी कहवायो। 15बाकी न हेनुक मोटली मिटिंग मा सी बाहर जानेन हुकुम आपिन, त्या आपसु विचार करने लाग्या, 16हामु इनु मानसो साते काय कोरजे? काहकि यरूशलेम आखा रहवने वाळा पर उजेन्तो छे, की इन्दरे लारे नाव सादाय सोहलानी देखाय गयली छे; आरू हामु हेन्दरो मना नी कर सकजे। 17पर अतरान करीन कि यी वात लोगहन मा आरू जादा नी सोमवे, हामु ओको बीहाड़जे, कि त्या इनी नाव छे ओळी काहना मानसो छे वात नी करे।
18तव पतरस आरू योहन क बुलाया आरू धमकी आपिन यो कयो, “ईशुन नाव छे काय झुण बिलता आरू नी ते सिखाड़जु।” 19पर पतरस आरू यहुन्ना ओको काय जोवाब नीहि आपिया, “तुमूत् न्याय करू, कि काय यो यहोवा भगवान साते वारू छे, कि हामु यहोवा–भगवानन वात क छुड़ीन तुमरी वात न क मानजे? 20काहकि यो ते हामरे छे नीहि हुयो, कि जो हामु देखिया आरू समळीया, त्यो नी कयजे।” 21तव त्या हेनुक आरू धमकी आपीन छुड़ दिदा, काहकि लोगहन न कारण छे दण्ड आपने क जुगू ओको काय भी गुणु नीहि जोड़यो, हतरान करिन कि जी घटना होयली होती ओको कारण आखा लोगहन यहोवा–भगवानन बढ़ाई करता हुता। 22काहकि त्यो मानुस, जिना पर यी आरगाय करने न सोहलानी देखाय गय होती, त्यो चालीस साल सी जादा उमरन होतो।
नेळताळा न विनता
23पतरस आरू योहन छुटीन आपसा सात वाळान साते आश, आरू जो काय डाहला पुजारा आरू पुडारिया हेका छे कयो हता, हेको सोमळाड़ दिदा। 24यो सोमळीन, त्या एक मोन्या होईन जो सी बूलो मा कयो, ए पोरबु तु त्योत् छे जो सोरगदूत आरू धरती आरू दोरियो आरू जो काय हेकाम छे ओकाम छे बोनायो।
25तु चुखली आत्मान लारे तारा सेवक हामरा बास दाऊद छे कयो,
“गैरयहुदी हुलड़ काँ मोचाड़े?
आरू देश–देशन लोगहन काँ वायकेड़ा वात विचार करिया?”
26पोरबु आरू हेका चुखा आरू निवाड़ला न विरोध मा
धरती न राजा ऊठ्या,
आरू डाहडा एक सात मा एखटा होय गया।
27काहकि सच तारा सेवक ईशुन विरोध मा, जिनाक तु अभिषेक करियो, हेरोदेस आरू पुन्तियुस पिलातुस भी गैरयहुदी आरू इस्त्राएली साते इना नगर मा एखटा होया, 28कि जो काय पेहले गथो तारी ताकत आरू मति छे टेहरलो होतो त्योत् करे। 29हाय ए पोरबु, ओकी धमकी क देख; आरू आपसा दास क यो वरदान आप कि तारा वचन क घोणी हेमोतन करिन सोमळाड़जे। 30“आरू आरगाय करने जुगु तु तारा हात क बढ़ाव कि सहलानी आरू मोटो–मोटो काम तारा चुखलो सेवक ईशुन नाव छे करियो जाय।”
31जव त्या विनता कर लेदा, तव त्यो जागो जा सारी त्या एखटा हुता हाल गयो, आरू त्या आखा चुखली आत्मा छे भराय गया, आरू यहोवा–भगवानन वचन हेमत न सात मा सोमळाड़ता रया।
विश्वासिया मदत
32 #
प्रेरितन 2:44,45 आरू विश्वास करने वाळान मंडळी एक जीव आरू एक मनन होती, या तक कि कोय भी आपसा धन क आपसो नीहि कयता हुता, पर सब काय साजलियो होतो। 33आरू नेळताळा मोटी ताकत छे पोरबु ईशुन जीवतो होयनेन गवाय देता रया आरू तिनु आखान पर मोटी दया होती। 34आरू ओका मा कोय भी कमजोर नी होतो, काहकि जिना पास जागु आरू घरे हुता, त्या तीनाक वेचीन, वेचायली चीजोन किमत लावतला, आरू ओको नेळताळान पायो मा हावलता हुता। 35आरू जेरी जोसी जरूरत होतली, उको अनसारे सबन क वाट दिया करता हुता।
36आरू यूसुफ नावन, साइप्रस न एक लेवी होतो जिनाक नाव नेळताळा बरनबास शांती न पोर्या राखिया हुता। 37ओकी काहय खेती होती, जिनाक त्यो वेचलो, आरू ओकी किमत न रिपिया लावीन नेळताळा न पाय मा हावल दियो।
Voafantina amin'izao fotoana izao:
प्रेरितन 4: Dii25
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
The Dhankavi Bible © The Word for the World International and Dhankavi Mandli, Khargon, Raykhed, Nandurbar, Maharashtra 2025
प्रेरितन 4
4
पतरस आरू योहन क धोरायनो
1जव पतरस आरू योहन लोगहन छे कय रया हुता, ती पुजारा आरू मंदिरन राखवाल्या सदूकियो तिनु भुणी आश। 2त्या घोणा किचवाया कि पतरस आरू योहन ईशुन बारा मा सिखाड़ता हुता आरू मरेला माइन जीवतो होय गयो यी खबर करता हुता। 3आरू त्या ओको धरीन दिसरे दाहड़े तक जेल खाना मा राखिया काहकि सान्तो रात पोड़ने टेम होय गयली होती। 4पर वचन सोमळने वाळा माईन घण सवटा विश्वास करिया, आरू ओकी गिनती पाच हजार धोड़े वोड़ मानसे हुता।
5दिसरे दाहड़े ओसो हुयो कि हेन्दरा आरू सरदार आरू धरम शास्त्री कानुन यरूशलेम मा एखठा होया। 6आरू डाहला पुजारा हन्ना आरू कैफा आरू योहन आरू अलेक्जेन्द्रिया आरू जतरा डाहला पुजारा क घरो माईन हुता, आखा यरूशलेम मा एखटा होया। 7त्या पतरस आरू योहन क बीच मा उबाराखीन पुछने लागिया, कि तुमू यो काम काहली ताकत छे आरू कुनीन नाव छे करिया?
8तव पतरस चुखली आत्मा छे भराइन तिनु छे कयो, “ए लोगहन न सरदारिया आरू डाहडा” 9इना लेंगड़ा मानुस साते जो भलाईन काम करियो गयो, ने आज तुमू हामरे छे ओका बारा मा पुछताछ कर रया, कि त्यो कोस वारू हुयो। 10ती तुमू आखा आरू आखा इस्त्राएली लोगहन जान लेय कि ईशु मसीह नासरतन नाव छे जिनाक तुमू कुरूस पर चढ़ाया, आरू यहोवा–भगवान हेको मरला माइन जीवाड़्यो, आरू यो मानुस तुमरे सामने वारू आरगो ऊबो छे। 11यो ईशु त्योत् दगड़ो छे,
जिना दगड़ा क तुमू मिस्त्रियाँ रिकामो बनावला,
आरू त्यो कुनान न छिवनियान दगड़ो बन गयो।
12आरू कोय दिसरान लारे छुटकारू नीहि हुयो; काहकि सोरगदूतन नेड़ो आरू मानुस न वीच मा आरू काहाय दिसरो नाव नी दियो गयो, जिना लारे हामुक छुटकारू जोड़े।
13जव त्या पतरस आरू यहुन्ना न हेम्मोत क देख्या, आरू यो जानीन कि या भनला नी होय आरू साधारण मानसे नी होय, ती त्या घाबरायने लागिया; आरू हेनुक ऊळखिया, कि या ईशुन साते रहवला छे। 14पर तिना मानुस क जो वारू होयलो होतो, ओको सात ऊभरहवला देखीन, यहूदि या मानसोक हेका विरोध मा काहय नी कहवायो। 15बाकी न हेनुक मोटली मिटिंग मा सी बाहर जानेन हुकुम आपिन, त्या आपसु विचार करने लाग्या, 16हामु इनु मानसो साते काय कोरजे? काहकि यरूशलेम आखा रहवने वाळा पर उजेन्तो छे, की इन्दरे लारे नाव सादाय सोहलानी देखाय गयली छे; आरू हामु हेन्दरो मना नी कर सकजे। 17पर अतरान करीन कि यी वात लोगहन मा आरू जादा नी सोमवे, हामु ओको बीहाड़जे, कि त्या इनी नाव छे ओळी काहना मानसो छे वात नी करे।
18तव पतरस आरू योहन क बुलाया आरू धमकी आपिन यो कयो, “ईशुन नाव छे काय झुण बिलता आरू नी ते सिखाड़जु।” 19पर पतरस आरू यहुन्ना ओको काय जोवाब नीहि आपिया, “तुमूत् न्याय करू, कि काय यो यहोवा भगवान साते वारू छे, कि हामु यहोवा–भगवानन वात क छुड़ीन तुमरी वात न क मानजे? 20काहकि यो ते हामरे छे नीहि हुयो, कि जो हामु देखिया आरू समळीया, त्यो नी कयजे।” 21तव त्या हेनुक आरू धमकी आपीन छुड़ दिदा, काहकि लोगहन न कारण छे दण्ड आपने क जुगू ओको काय भी गुणु नीहि जोड़यो, हतरान करिन कि जी घटना होयली होती ओको कारण आखा लोगहन यहोवा–भगवानन बढ़ाई करता हुता। 22काहकि त्यो मानुस, जिना पर यी आरगाय करने न सोहलानी देखाय गय होती, त्यो चालीस साल सी जादा उमरन होतो।
नेळताळा न विनता
23पतरस आरू योहन छुटीन आपसा सात वाळान साते आश, आरू जो काय डाहला पुजारा आरू पुडारिया हेका छे कयो हता, हेको सोमळाड़ दिदा। 24यो सोमळीन, त्या एक मोन्या होईन जो सी बूलो मा कयो, ए पोरबु तु त्योत् छे जो सोरगदूत आरू धरती आरू दोरियो आरू जो काय हेकाम छे ओकाम छे बोनायो।
25तु चुखली आत्मान लारे तारा सेवक हामरा बास दाऊद छे कयो,
“गैरयहुदी हुलड़ काँ मोचाड़े?
आरू देश–देशन लोगहन काँ वायकेड़ा वात विचार करिया?”
26पोरबु आरू हेका चुखा आरू निवाड़ला न विरोध मा
धरती न राजा ऊठ्या,
आरू डाहडा एक सात मा एखटा होय गया।
27काहकि सच तारा सेवक ईशुन विरोध मा, जिनाक तु अभिषेक करियो, हेरोदेस आरू पुन्तियुस पिलातुस भी गैरयहुदी आरू इस्त्राएली साते इना नगर मा एखटा होया, 28कि जो काय पेहले गथो तारी ताकत आरू मति छे टेहरलो होतो त्योत् करे। 29हाय ए पोरबु, ओकी धमकी क देख; आरू आपसा दास क यो वरदान आप कि तारा वचन क घोणी हेमोतन करिन सोमळाड़जे। 30“आरू आरगाय करने जुगु तु तारा हात क बढ़ाव कि सहलानी आरू मोटो–मोटो काम तारा चुखलो सेवक ईशुन नाव छे करियो जाय।”
31जव त्या विनता कर लेदा, तव त्यो जागो जा सारी त्या एखटा हुता हाल गयो, आरू त्या आखा चुखली आत्मा छे भराय गया, आरू यहोवा–भगवानन वचन हेमत न सात मा सोमळाड़ता रया।
विश्वासिया मदत
32 #
प्रेरितन 2:44,45 आरू विश्वास करने वाळान मंडळी एक जीव आरू एक मनन होती, या तक कि कोय भी आपसा धन क आपसो नीहि कयता हुता, पर सब काय साजलियो होतो। 33आरू नेळताळा मोटी ताकत छे पोरबु ईशुन जीवतो होयनेन गवाय देता रया आरू तिनु आखान पर मोटी दया होती। 34आरू ओका मा कोय भी कमजोर नी होतो, काहकि जिना पास जागु आरू घरे हुता, त्या तीनाक वेचीन, वेचायली चीजोन किमत लावतला, आरू ओको नेळताळान पायो मा हावलता हुता। 35आरू जेरी जोसी जरूरत होतली, उको अनसारे सबन क वाट दिया करता हुता।
36आरू यूसुफ नावन, साइप्रस न एक लेवी होतो जिनाक नाव नेळताळा बरनबास शांती न पोर्या राखिया हुता। 37ओकी काहय खेती होती, जिनाक त्यो वेचलो, आरू ओकी किमत न रिपिया लावीन नेळताळा न पाय मा हावल दियो।
Voafantina amin'izao fotoana izao:
:
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
The Dhankavi Bible © The Word for the World International and Dhankavi Mandli, Khargon, Raykhed, Nandurbar, Maharashtra 2025