2 Mpanjaka 16
16
I Ahaza mpanjakan’i Joda
(Jereo 2 Tan 28.1-27)
1Tamin’ny taona faha-17 nanjakan’i Peka zanakalahin’i Remalià tamin’i Israely no tonga mpanjakan’i Joda i Ahaza zanakalahin’i Jôtama. 2Feno roapolo taona izy fony vao nanjaka; ary naharitra 12 taona no nanjakany tao Jerosalema. Nefa tsy nanao izay mahitsy eo imason’ny TOMPO Andriamaniny tahaka ny nataon’i Davida razambeny izy; 3fa ny toetran’ireo mpanjakan’i Israely no narahiny. Ka nanao sorona#16.3 Ny fanaovana sorona zaza dia voararan’ny lalànan’Andriamanitra mafy; jereo Lev 20.2-5; Deot 12.31; 18.10. ilay zanany lahy aza izy, araka ny fomba maharikoriko fanaon’ny hafa firenena izay noroahin’ny TOMPO teo anoloan’ny Israelita. 4Nanolotra sorona biby sy nandoro azy hanetona teny amin’ny toeram-panasinana izy ary koa teny amin’ny havoana sy teny ambany hazo maitso midoroboka rehetra teny.
5Tamin’izany dia tonga hanafika an’i Jerosalema i Retsina mpanjakan’i Siria sy i Peka zanakalahin’i Remalià sady mpanjakan’i Israely; ary nanao fahirano an’i Ahaza#16.5 Jereo Is 7–8. izy roa tonta, nefa tsy naharesy azy. 6Tamin’izany fotoana izany ihany dia naverin’i Retsina mpanjakan’i Siria tamin’ny Edômita#16.6 Edômita: ny RM eto dia manao hoe Sirianina fa tsy Edômita: amin’ny teny hebreo ireo anarana roa dia misy itovizany betsaka; nefa ny faran’ny andininy dia mampiseho fa ny Edômita tokoa no ambara. –rehefa avy nandroaka ny Jodeanina: jereo 14.22 sy nta. ny tanànan’i Elata, rehefa avy nandroaka ny Jodeanina hiala tao izy; ary niverina nonina tao Elata ny Edômita ka nipetraka tao ary mbola ao mandraka ankehitriny.
7Tamin’izay i Ahaza no nandefa iraka ho amin’i Tiglato-Pilesera mpanjakan’i Asiria hilaza hoe: «Izaho dia mpanomponao sy zanakao; koa tongava hanafaka ahy amin’ny mpanjakan’i Siria sy i Israely izay nanafika ahy.» 8Dia naka izay volafotsy sy volamena hitany tao an-tranon’ny TOMPO sy tao amin’ny tahirin-dapa i Ahaza ka nandefa izany ho fanomezana ho an’ny mpanjakan’i Asiria. 9Koa nihaino ny teniny ny mpanjakan’i Asiria, dia nanafika ny tanànan’i Damasy ka nahazo azy; ary nataony sesitany tany Kira ny mponina, fa novonoiny ho faty kosa i Retsina.
10Dia nankany Damasy i Ahaza mpanjaka mba hihaona amin’i Tiglato-Pilesera mpanjakan’i Asiria. Nony nahita ny alitaran’ilay tempolin’i Damasy izy, dia nandefa ny sariny mbamin’ny drafitra antsipiriany rehetra tamin’i Orià mpisorona. 11Nanao alitara vaovao i Orià, araka ny toromarika rehetra nampitondrain’i Ahaza mpanjaka azy avy tany Damasy; ary izany dia ho vonona alohan’ny hiverenan’i Ahaza avy any Damasy. 12Rehefa tafaverina ny mpanjaka, dia nahita ny alitara ka nanatona 13ary nanolotra sorona dorana manontolo teo miaraka amin’ny fanatitra lafarinina sy divay; ary nararany teo ambonin’ny alitara ny ran’ny sorom-pihavanany. 14Dia nesoriny hiala teo anoloan’ny tempoly ny alitara halimo izay voatokana ho an’ny TOMPO; io alitara io dia teo anelanelan’ny alitara vaovao sy ny tranon’ny TOMPO#16.14 ny alitara...: jereo 1 Mp 8.64; 2 Tan 4.1., ka nafindrany hipetraka eo avaratry ny alitara vaovao. 15Ary nanome izao baiko izao an’i Orià mpisorona i Ahaza nanao hoe:
–Ny alitara lehibe no hampiasainao: eo no hanoloranao ny sorona dorana manontolo isa-maraina sy ny fanatitra lafarinina isan-kariva, ny sorona dorana manontolo sy ny fanatitra lafarinina entin’ny mpanjaka ary ny sorona dorana manontolo mbamin’ny fanatitra lafarinina sy divay entin’ny vahoaka rehetra; hararakao eo koa ny ran’ireo biby natao sorona. Fa ny amin’ny alitara halimo kosa dia mbola handraisako fanapahan-kevitra manokana.
16Notanterahin’i Orià mpisorona avokoa ny baikon’i Ahaza mpanjaka. 17Fa novakin’i Ahaza koa ny takelaka halimo izay nipetaka tamin’ireo kalesy tao an-Tempoly; nesoriny ny kovetabe teo ambonin’ireo kalesy ireo; ary ilay fitobian-drano goavana boribory dia nampidininy hiala tamin’ireo ombilahy halimo ka nataony teo ambony lampivato#16.17 Momba ny kalesy, jereo 1 Mp 7.27-39; momba ilay fitobian-drano goavana, jereo 1 Mp 7.23-26.. 18Mba hahafaly ny mpanjakan’i Asiria, dia nofoanan’i Ahaza ny «alo-baravaran-tsabata», izay naorina tao an-tranon’ny TOMPO, sy ny «Fidiran’ny Mpanjaka» izay tany ivelany.
19Ny sisa amin’ny tantaran’i Ahaza ary koa ny zavatra hafa rehetra nataony dia voasoratra ao amin’ny boky milohateny hoe Asan’ireo mpanjakan’i Joda. 20Rehefa lasa nodimandry any amin’ny razany i Ahaza#16.20 Jereo Is 14.28., dia nalevina tao amin’ny fasam-pianakaviany tao an-tanànan’i Davida; ary i Hezekià zanany lahy no nanjaka nandimby azy.
Voafantina amin'izao fotoana izao:
2 Mpanjaka 16: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.