Евангелле паводле Мацвея Раздзел 25
Раздзел 25
1 #
Лк. 12:36; Адкр. 19:7 Тады падобна будзе Валадарства Нябеснае да дзесяці дзяўчын, якія, узяўшы лампады свае, выйшлі насустрач жаніху.
2 #
Лк. 12:20
Пяць з іх было неразумных, а пяць – разумных.
3Але неразумныя, узяўшы лампады свае, не ўзялі з сабою алею.
4Разумныя ж узялі алею ў посуд свой разам з лампадамі сваімі.
5А паколькі жаніх замарудзіў, задрамалі ўсе і паснулі.
6А апоўначы ўзняўся крык: “Вось жаніх ідзе! Выходзьце яму насустрач”.
7 #
Лк. 12:35
Тады падняліся ўсе тыя дзяўчаты і падрыхтавалі свае лампады.
8Неразумныя ж сказалі разумным: “Дайце нам вашага алею, бо нашы лампады гаснуць”.
9Адказалі разумныя, кажучы: “Каб раптам не было недахопу і нам, і вам, лепш ідзіце да прадаўцоў ды купіце сабе”.
10 #
Лк. 13:25; Клс. 1:12 Калі яны пайшлі купляць, прыйшоў жаніх, і тыя, што былі прыгатаваны, увайшлі з ім на вяселле. І дзверы зачыніліся.
11 #
Лк. 6:46
Нарэшце прыйшлі і астатнія дзяўчаты, кажучы: “Госпадзе, Госпадзе, адчыні нам!”
12 #
Лк. 13:25
А Ён, адказваючы, гаворыць: “Сапраўды кажу вам: Я не ведаю вас”.
13 #
Мк. 13:33; Лк. 21:36 Дык чувайце, бо не ведаеце ані дня, ані гадзіны, калі Сын Чалавечы прыйдзе.
14 #
Лк. 19:12
Падобным чынам чалавек, адыходзячы ў далёкі край, склікаў сваіх паслугачоў і даручыў ім сваю маёмасць.
15І аднаму даў пяць талентаў, а другому два, а іншаму адзін – кожнаму паводле яго здольнасці, і выправіўся адразу.
16 #
1Пёт. 4:10; 2Пёт. 1:5; 1Цім. 4:14 Той, які атрымаў пяць талентаў, пайшоў і, скарыстаўшыся з іх, зарабіў яшчэ пяць талентаў.
17Падобна і той, хто атрымаў два, зарабіў яшчэ два.
18А той, хто атрымаў адзін, пайшоў і закапаў яго ў зямлю ды схаваў грошы гаспадара свайго.
19 #
Лк. 12:48; 2Кар. 5:10 Потым па доўгім часе прыходзіць гаспадар паслугачоў тых і выстаўляе рахунак ім.
20І, прыйшоўшы, той, які атрымаў пяць талентаў, прынёс яшчэ пяць талентаў, кажучы: “Гаспадару, ты даў мне пяць талентаў; вось, я зарабіў дадаткова яшчэ пяць талентаў на іх”.
21 #
Лк. 12:44; Адкр. 3:21 Гаворыць яму гаспадар яго: “Добра, паслугач добры і верны; у малым быў ты верны, дам табе ўладу над многім; увайдзі ў радасць гаспадара твайго”.
22Прыйшоў таксама і той, які атрымаў два таленты, і гаворыць: “Гаспадару, ты даручыў мне два таленты, вось я зарабіў яшчэ два таленты на іх”.
23 #
Лк. 12:44; 1Кар. 4:2; 1Пёт. 1:8 Гаворыць яму гаспадар яго: “Добра, паслугач добры і верны; ты быў у малым верны, дам табе ўладу над многім; увайдзі ў радасць гаспадара твайго”.
24 #
Лк. 19:21
А той, што атрымаў адзін талент, прыходзячы, гаворыць: “Гаспадару, я ведаю цябе як чалавека жорсткага: ты жнеш, дзе не пасеяў, і збіраеш, дзе не рассыпаў.
25Дык, баючыся, пайшоў я і закапаў твой талент у зямлю. Вось, бяры, што тваё”.
26 #
Лк. 19:22
У адказ гаспадар яго сказаў: “Паслугач благі і неруплівы! Ты ведаў, што я жну, дзе не пасеяў, і збіраю, дзе не рассыпаў.
27Дык належала б табе мае грошы даць мяняльшчыкам, а я, прыйшоўшы, атрымаў бы, што маё, з прыбыткам.
28Таму вазьміце ад яго талент і дайце таму, хто мае дзесяць талентаў.
29 #
Мк. 4:25; Лк. 8:18; Ян. 15:2 Бо кожнаму, хто мае, будзе дададзена, і ён будзе багаты; а ў таго, хто не мае, адбяруць і тое, што ён мае.
30 #
Лк. 13:28
А слугу нягоднага кіньце ў цемру вонкавую; там будзе плач і скрыгатанне зубоў».
31 #
Мк. 13:24; Дзеі 1:9; Юды 14; 1Тэс. 4:16; Адкр. 20:11 Калі ж прыйдзе Сын Чалавечы ў славе Сваёй, і ўсе анёлы разам з Ім, тады Ён сядзе на пасадзе славы Сваёй.
32І збяруцца перад Ім усе народы, і Ён аддзеліць адных ад другіх, як пастух аддзяляе авечак ад казлоў.
33І Ён паставіць авечак праваруч Сябе, а казлоў – леваруч.
34 #
Ян. 17:24; 1Пёт. 1:4; Рым. 8:17; 1Кар. 2:9; Геб. 11:16; Адкр. 21:7 Тады скажа Валадар тым, што будуць праваруч Яго: “Прыходзьце, дабраславёныя Айца Майго; атрымайце Валадарства, прыгатаванае для вас ад заснавання свету.
35 #
Як. 1:27; Рым. 12:13; 2Цім. 1:18; Геб. 13:2 Бо быў Я галодны, і вы накармілі Мяне; быў сасмаглы, і вы далі Мне піць; чужаземец быў, і вы прынялі Мяне;
36 #
2Цім. 1:16
быў голы, і вы апранулі Мяне; быў хворы, і вы адведалі Мяне; быў у вязніцы, і вы прыйшлі да Мяне”.
37Тады адкажуць Яму справядлівыя, кажучы: “Госпадзе, калі ж мы Цябе бачылі галодным і накармілі Цябе, або сасмаглым і далі Табе піць?
38Калі ж мы бачылі госцем Цябе і прынялі, або голым і апранулі?
39Калі ж мы бачылі хворым Цябе або ў вязніцы і прыйшлі да Цябе?”
40 #
Мк. 9:41; Геб. 6:10 І, адказваючы, Валадар скажа ім: “Сапраўды кажу вам: “Што зрабілі вы аднаму з гэтых братоў Маіх найменшых, тое Мне зрабілі”.
41 #
Лк. 13:27; Юды 6; Адкр. 19:20 Тады скажа Ён і тым, хто леваруч Яго будуць: “Ідзіце ад Мяне, праклятыя, у агонь вечны, які прыгатаваны для д’ябла і анёлаў яго.
42Бо быў Я галодны, і вы не далі Мне есці, быў Я сасмаглы, і вы не далі Мне піць;
43быў Я госцем, і вы не прынялі Мяне; быў голы, і вы не апранулі Мяне; быў хворым і ў вязніцы, і вы не адведалі Мяне”.
44Тады адкажуць яны Яму, кажучы: “Госпадзе, калі мы бачылі Цябе галодным, або сасмаглым, або госцем, або голым, або хворым, або ў вязніцы і не паслужылі Табе?”
45Тады Ён адкажа ім, кажучы: “Сапраўды кажу вам: чаго вы не зрабілі аднаму з тых найменшых, таго і Мне не зрабілі”.
46 #
Дан. 12:2
І пойдуць яны на вечную муку, а справядлівыя – у жыццё вечнае».
Voafantina amin'izao fotoana izao:
Евангелле паводле Мацвея Раздзел 25: ББЧ
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© МХРБ «Біблейскае таварыства ў Рэспубліцы Беларусь», 2017
