सॆःक्ढुङ्पा 6
6
सॆःक्ढुङ्पाचिम् वाङ्चि जाना पाइबाक्खुबाचि
1मरक्लऎ डिनाबि टिङ्खुबाचि पुबक्से खारामि हाङ् गिरिक् हाङ् हिबुरु खाप् यामुखुबा याहुडिचिम् लुम्पि याटक्माटक् लिसा। हिबुरु याहुडिचिऎ गिरिक् याहुडिचि “कानिम् लाङ्मिॽमाचि डिनाहुँऎ चामा ठका बखार मापिट्टुचि” कामानुङ् खेमुङ्का। 2मसॆ हिपङ्हि सॆःक्ढुङ्पाचिऎ चोब्न टिङ्खुबाचि सेःरुचिहाङ् गर लोसुचि, “बुबुनुसाचि, कानिऎ ग निवाँहाङ्मि खानावाँ पोट्टि स हाङ् चामा डुङ्मा पोट्टि स योम्पक् मुमा खॆन्चाइनि। 3मसॆ आन्नामि लुम्पाङ् वाङ्चि जाना सॆङ्सॆङॆ लावाऎ चेप्खॆम्पाचि कामानुङ् आन्नॆ लेमिम्पाचि हाङ् निवाँटाङ्पा याॽमिचि सॆगाम्नॆ। आक्खाचि कानिम् इघा योम्पक् पिकुङ्का हाङ् काङ्का चाइ 4हानाम्स पारठानाबि हाङ् निवाँहाङ्मि खानावाँ खेम्मिॽमाबि निवाँ टिकुङ्का।” 5सॆःक्ढुङ्पाचिमि ग खानावाँऎ चोब्न टिङ्खुबाचि चेन्चाआमि हाङ् खोचिऎ निवाँयुङ् नुङ् सॆङ्सॆङॆ लावाऎ चेप्खॆम्पा स्टिफनस, हाङ् फिलिप, परखुरस, निकानोर, टिमोन, पारमिनास, हाङ् याहुडि लिटाडॆ एन्टिओकबिऎ होइक हॆॽनि बारेक् निकोलस सॆःगुचि। 6हाङ् सॆःक्ढुङ्पाचिबि लाटॆटुचिमि हाङ् सॆःक्ढुङ्पाचिऎ आक्खाचि सक्पि हुक् युङ्मानुङ् निवाँहाङ्बा आसिका टक्चाउचिर कामानुङ् पारठाना लॆटुचि।
7निवाँहाङ्मि खानावाँ फुबक्से खारा। हाङ् यारुसालेम्पि टिङ्खुबाचि येट्टिसे खारामिहाङ् डिरिक् याटाङ्पाचिऎ सङ्क येसुबि निवाँयुङ् लॆटुचि।
स्टिफनस लाब्मिम्पा
8ह निवाँहाङ्मि नाम्नावाँ हाङ् चॆक्मावाऎ चेप्खॆमिम्पा स्टिफनसऎ याॽमिचिम् लुम्पि आक्खॆॽमॆ नुङ् चिन्नामि योम्पक् यिगु। 9टर फाक्बम्पा याहुडिचि खोम्ठाम् खिम्पि पेन्खुबा एक्क हिप्पा याॽमिचि खो काइर लॆसि परकामि। आक्खाचि साइरेनि हाङ् अलेक्जेन्डिरिया हाटा, हाङ् सिलिसिया हाङ् एसिया पोट्टिहा याहुडिचि लॆटामि। आक्खाचिऎ स्टिफनसनुङ् खानावाँ इमानुङ् खिमा यक्पकामि। 10टर चेन्टुबावाँ निवाँ हाङ् सॆङ्सॆङॆ लावाबाङ् स्टिफनस यामुमिम्पासॆ खोचिऎ खो माङ्स मालोहिसुचि।
11हाङ् आक्खाचिऎ खुनिङ्म याॽमिचि गर कामा चोम्पकुचि, “काङ्कॆ ग इगसॆ मोसा नुङ् निवाँहाङ् काइर लोमिम्पा खानावाँ खेमुङ्का।”
12गरहाङ् आक्खाचिऎ याॽमिचि हाङ् टुङ्घङ्पाचि हाङ् मोसामि यायेॽमा चिन्खुबाचि चोम्पकुचि। हाङ् आक्खाचि टाआमिहाङ् स्टिफनस लाबुचिहाङ् याहुडिचिम् टुङ्घङ्पाचि खोम्ठाम् खिम्पि लाखॆटुचि। 13हाङ् खोचिऎ लाटॆॽमिम्पा हुन्नहा याॽमिचिऎ गर कामानुङ् हुन्नऎ चुमॆक्सङ् पिट्टुचि, “ग याॽमिऎ ग हानाम्स निवाँहाङ्मि खिम् हाङ् यायेॽमा काइर लोडुवॆ काङ्कॆ खेम्डुङ्का। 14हाङ् ग याॽमिऎ ‘नासरटमि येसुऎ ग निवाँहाङ्मि खिम् योराङ्कु हाङ् मोसाऎ काङ्का पिॽमिम्पा चोब्न यायेॽमा सङ्क होइकन मुबकु’ कामानुङ् यामुमिम्पा खेम्डुङ्का।”
15हाङ् म टुङ्घङ्पाचि खोम्ठाम् ठालबि पेन्खुबाचिऎ स्टिफनस नुःर खाङ्मार उम् ङाचिक् निवाँखाटॆखुबामिर हाऎ खाङुचि।
Voafantina amin'izao fotoana izao:
सॆःक्ढुङ्पा 6: LBR
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2023, Wycliffe Bible Translators, Inc. and Nepal Bible Society
सॆःक्ढुङ्पा 6
6
सॆःक्ढुङ्पाचिम् वाङ्चि जाना पाइबाक्खुबाचि
1मरक्लऎ डिनाबि टिङ्खुबाचि पुबक्से खारामि हाङ् गिरिक् हाङ् हिबुरु खाप् यामुखुबा याहुडिचिम् लुम्पि याटक्माटक् लिसा। हिबुरु याहुडिचिऎ गिरिक् याहुडिचि “कानिम् लाङ्मिॽमाचि डिनाहुँऎ चामा ठका बखार मापिट्टुचि” कामानुङ् खेमुङ्का। 2मसॆ हिपङ्हि सॆःक्ढुङ्पाचिऎ चोब्न टिङ्खुबाचि सेःरुचिहाङ् गर लोसुचि, “बुबुनुसाचि, कानिऎ ग निवाँहाङ्मि खानावाँ पोट्टि स हाङ् चामा डुङ्मा पोट्टि स योम्पक् मुमा खॆन्चाइनि। 3मसॆ आन्नामि लुम्पाङ् वाङ्चि जाना सॆङ्सॆङॆ लावाऎ चेप्खॆम्पाचि कामानुङ् आन्नॆ लेमिम्पाचि हाङ् निवाँटाङ्पा याॽमिचि सॆगाम्नॆ। आक्खाचि कानिम् इघा योम्पक् पिकुङ्का हाङ् काङ्का चाइ 4हानाम्स पारठानाबि हाङ् निवाँहाङ्मि खानावाँ खेम्मिॽमाबि निवाँ टिकुङ्का।” 5सॆःक्ढुङ्पाचिमि ग खानावाँऎ चोब्न टिङ्खुबाचि चेन्चाआमि हाङ् खोचिऎ निवाँयुङ् नुङ् सॆङ्सॆङॆ लावाऎ चेप्खॆम्पा स्टिफनस, हाङ् फिलिप, परखुरस, निकानोर, टिमोन, पारमिनास, हाङ् याहुडि लिटाडॆ एन्टिओकबिऎ होइक हॆॽनि बारेक् निकोलस सॆःगुचि। 6हाङ् सॆःक्ढुङ्पाचिबि लाटॆटुचिमि हाङ् सॆःक्ढुङ्पाचिऎ आक्खाचि सक्पि हुक् युङ्मानुङ् निवाँहाङ्बा आसिका टक्चाउचिर कामानुङ् पारठाना लॆटुचि।
7निवाँहाङ्मि खानावाँ फुबक्से खारा। हाङ् यारुसालेम्पि टिङ्खुबाचि येट्टिसे खारामिहाङ् डिरिक् याटाङ्पाचिऎ सङ्क येसुबि निवाँयुङ् लॆटुचि।
स्टिफनस लाब्मिम्पा
8ह निवाँहाङ्मि नाम्नावाँ हाङ् चॆक्मावाऎ चेप्खॆमिम्पा स्टिफनसऎ याॽमिचिम् लुम्पि आक्खॆॽमॆ नुङ् चिन्नामि योम्पक् यिगु। 9टर फाक्बम्पा याहुडिचि खोम्ठाम् खिम्पि पेन्खुबा एक्क हिप्पा याॽमिचि खो काइर लॆसि परकामि। आक्खाचि साइरेनि हाङ् अलेक्जेन्डिरिया हाटा, हाङ् सिलिसिया हाङ् एसिया पोट्टिहा याहुडिचि लॆटामि। आक्खाचिऎ स्टिफनसनुङ् खानावाँ इमानुङ् खिमा यक्पकामि। 10टर चेन्टुबावाँ निवाँ हाङ् सॆङ्सॆङॆ लावाबाङ् स्टिफनस यामुमिम्पासॆ खोचिऎ खो माङ्स मालोहिसुचि।
11हाङ् आक्खाचिऎ खुनिङ्म याॽमिचि गर कामा चोम्पकुचि, “काङ्कॆ ग इगसॆ मोसा नुङ् निवाँहाङ् काइर लोमिम्पा खानावाँ खेमुङ्का।”
12गरहाङ् आक्खाचिऎ याॽमिचि हाङ् टुङ्घङ्पाचि हाङ् मोसामि यायेॽमा चिन्खुबाचि चोम्पकुचि। हाङ् आक्खाचि टाआमिहाङ् स्टिफनस लाबुचिहाङ् याहुडिचिम् टुङ्घङ्पाचि खोम्ठाम् खिम्पि लाखॆटुचि। 13हाङ् खोचिऎ लाटॆॽमिम्पा हुन्नहा याॽमिचिऎ गर कामानुङ् हुन्नऎ चुमॆक्सङ् पिट्टुचि, “ग याॽमिऎ ग हानाम्स निवाँहाङ्मि खिम् हाङ् यायेॽमा काइर लोडुवॆ काङ्कॆ खेम्डुङ्का। 14हाङ् ग याॽमिऎ ‘नासरटमि येसुऎ ग निवाँहाङ्मि खिम् योराङ्कु हाङ् मोसाऎ काङ्का पिॽमिम्पा चोब्न यायेॽमा सङ्क होइकन मुबकु’ कामानुङ् यामुमिम्पा खेम्डुङ्का।”
15हाङ् म टुङ्घङ्पाचि खोम्ठाम् ठालबि पेन्खुबाचिऎ स्टिफनस नुःर खाङ्मार उम् ङाचिक् निवाँखाटॆखुबामिर हाऎ खाङुचि।
Voafantina amin'izao fotoana izao:
:
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2023, Wycliffe Bible Translators, Inc. and Nepal Bible Society