2 कुरिन्थियों 11
11
पोलुस अन जूटा खन्दाया तका चेला
1यद्याँ थाँ मारा बेण्डापणा ने सेण कर लेता तो कतरो भलो वेतो। अन थाँ वींने सेण भी करो हो। 2काँके जस्यान परबू थाँकी चन्ता करे हे वस्यान मूँ भी थाँकी चन्ता करूँ हूँ। मूँ थाँकी बात एकीस मसी का हाते लगा मेली हे जणीऊँ मूँ थाँने पुवितर कूँवारी छोरी का जस्यान मसी ने हूँप दूँ। 3#उत्प 3:1–5,13पण मने दरपणी लागे हे, काँके कदी अस्यान ने वेजा के, जस्यान धरती की पेली लुगई ज्या हवा ही, वींने हाँप आपणी चालऊँ भटका दिदी ही, वस्यानीस ईं थाँका मन भी मसी की भगतीऊँ अन पवितरताऊँ ज्यो आपाँने मसी का वाते राकणी छावे, वणीऊँ भटका ने दिदो जावे। 4काँके थाँका नके कुई आन ईसू का उपदेस माँ थाँने हुणाया हाँ, वींके अलावा यद्याँ कुई दूजाँ ईसू का उपदेस हुणावे हे, अन ज्यो पुवितर आत्मा थाँने मली हे, वींके अलावा यद्याँ थाँ दूजी आत्माने मानो हो। जणी छूटकारा का हमच्यार ने थाँने हुणाया हो, वींके अलावा यद्याँ थाँ दूजाँ हमच्यार ने हुणो हो तो ईंको मतलब ओ हे के, थाँ दूजाँ ईसू, दूजाँ हमच्यार अन दूजी आत्माने लेबा का वाते त्यार हो।
5पण मूँ खुद ने वाँ लोगाऊँ फोरा ने हमजूँ हूँ, ज्याँने थाँ खन्दाया तका मोटा चेला केवो हो। 6वे सके हे के, मारी बोलबा को हुनर थोड़ो कम हे पण ग्यान तो घणो हे। ईं हारी बाताँ का बारा में माँ थाँका हामे साप तरियाऊँ बताता आरिया हाँ।
7में खुद ने फोरो करन थाँने ऊपरे उटाबा का वाते फोगट में परमेसर को हव हमच्यार हुणान कई पाप कर दिदो हे? 8कई थाँ के सके हो के, में दूजी मण्डळ्याऊँ मदत लेन वाँने लूटी ताँके मूँ थाँकी सेवा कर सकूँ? 9#फिलि 4:15–18जद्याँ मूँ थाँका नके हो तो मने कमी वीं हे तद्याँ भी में थाँका पे कई बोज ने नाक्यो, काँके मारा भायाँ मकिदुनियाऊँ आन मारी वणी कमी ने पुरी किदी हे। में हरेक दाण खुद ने थाँका पे बोज बणाबाऊँ रोक्यो, अन आगे भी रोक्यो रेऊँ। 10यद्याँ मसी को हाँच मारा में हे तो अखाया परदेस में कुई भी मने ईं बात में मेपणो करबाऊँ ने रोक सकी। 11ईंको ओ मतलब ने हे के, मूँ थाँकाऊँ परेम ने करूँ हूँ? परमेसर ईं बात ने जाणे हे के, मूँ थाँकाऊँ परेम करूँ हूँ।
12ईं वाते ज्यो कई मूँ करूँ हूँ, वींने करतो रेऊँ जणीऊँ ज्याँने थाँ खन्दाया तका मोटा चेला केवो हो, वाँने आपणी तरियाँ मेपणो करबा को मोको ने मले, जणी बात पे वीं मेपणो करे हे। 13काँके अस्या मनक जूटा खन्दाया तका चेला हे अन धोकाऊँ काम करबावाळा हे, अन मसी का खन्दाया तका चेला को रूप धारण करबावाळा हे। 14या अचम्बा की बात ने हे, काँके सेतान खुद भी उजिता का हरग-दुताँ को रूप धारण करे हे। 15ईं वाते वीं सेतान का दास भी धरम का काम करबावाळा का जस्यो रूप धारण करे हे या कई मोटी बात ने हे, पण अंत में वाँको नास वाँके काम का जस्यान वेई।
पोलुस को दुक जेलणो
16मूँ पाछो कूँ हूँ, कुई मने बेण्डो मती हमज ज्यो अन ने तो मने बेण्डो हमजन मारी मानलो, जणीऊँ मूँ भी थोड़ो घणो मेपणो कर सकूँ। 17मूँ ईं मेपणो की वजेऊँ ज्यो कई कूँ हूँ, वो परबू का आग्याऊँ ने कूँ पण अस्यान मानलो के, मारा बेण्डापणा ऊँइस केरियो हूँ। 18काँके नरई मनक तो आपणी देह जस्यानीस मेपणो करे हे, तो पछे मूँ भी मेपणो करूँ। 19थाँ हूँस्यार हो ईं वाते राजी रेन मारा बेण्डापणा की बाताँ ने सेण करो हो। 20मने विस्वास ने वेरियो के, कुई थाँने दास बणावे, थाँको बुरो भी करे, यद्याँ कुई थाँने जाळ में फसावे, अन खुद ने थाँकाऊँ मोटो बणावे अन कुई थाँका मुण्डा में जापट मारे तो थाँ वींने सेण करो हो। 21मूँ हरमा मरन केरियो हूँ माँ वाँकाऊँ घणा कमजोर हाँ, ज्यो थाँने अस्यान हिकावे हे, माँ वाँके जस्यान ने हिका सका हाँ।
पण यद्याँ कुई कणी बात पे मेपणो करबा हिम्मत करे हे, तो मूँ बेण्डापणाऊँ कूँ हूँ के, मूँ भी हिम्मत करूँ। 22कई वींइस इबरानी थोड़ी हे? मूँ भी तो हूँ। कई वींइस इजराएल का हे? मूँ भी तो हूँ। कई वींइस अबराम का घराणा का हे? मूँ भी तो हूँ। 23#थर 16:23कई वींइस मसी का दास हे? मूँ बेण्डा के जस्यान कूँ हूँ, मूँ वणाऊँ भी बड़न मसी को दास हूँ। वाँकाऊँ हेली मेनत करबा में, नरी दाण जेळ में बन्द वेबा में, कोड़ा की मार खाबा में, आकोदाण मोत का मुण्डो में जाबा में, 24#वे.वि 25:3पाँच दाण मूँ यहूदियाँ का हाताऊँ चालीस में एक कम कोड़ाऊँ मार खादी। 25#थर 16:22; थर 14:19तीन दाण तो में लटऊँ मार खादी अन एक दाण तो मारा पे भाटा की भी बरका किदी गी ही। तीन दाण तो जणी जाँज में चड़्यो हो, वींई टुटग्या, एक दाण तो मूँ एक रात-दन समन्द का मयने रियो। 26#थर 9:23; थर 14:5नरी दाण तो मूँ लम्बी जातरा पे ग्यो, नरी दाण खतरनाक नन्दयाँ, जबरा डाकूँऊँ, खुद का लोगाऊँ, ज्यो यहूदी ने हा वाकाँऊँ खतरा को सामनो किदो, नरी दाण नगरा में, समन्द में, काकड़ में, दिकावटी भायाँऊँ खतरा को सामनो किदो। 27में घणी मेनत किदी हे अन दुक का हाते जीवन जिदो हे। नरी दाण तो मूँ हूँ भी ने सक्यो। अन नरी दाण तो भुको-तरियो भी रियो हूँ, नरी दाण तो ठन्ड में बना गाबा के धूजतो रियो हूँ। 28अन ईंका अलावा मारा पे हारी मण्डळ्या की चन्ता को बोज भी रोज पड़्यो तको हो। 29जद्याँ कुई कमजोर हे तो मूँ खुद ने कमजोर मेसूस करूँ हूँ अन यद्याँ कुई पाप में हे तो मूँ वींका वाते दकी वेवूँ हूँ।
30यद्याँ मने बड़न चड़न बाताँ करणीइस वेती, तो मूँ मारी वाँ बाताँ ने करतो जीं मारी कमजोरी की हे। 31आपणाँ परबू ईसू मसी का बापू परमेसर की हमेस्यान मेमा वेती रेवे, वीं जाणे के, मूँ जूट ने बोलूँ हूँ। 32#थर 9:23–25दमिसक नगर में अरितास राजा का आड़ीऊँ ज्यो हाकम हो, वणी मने पकड़बा का वाते दमिसक नगर में पेरो लगा मेल्यो हो। 33अन मने टोकरी में बेवाड़न भींत की खड़की का मयनेऊँ बारणे काड़्यो ग्यो हो, अस्यान मूँ वटूँऊँ बंच निकळ्यो हो।
Voafantina amin'izao fotoana izao:
2 कुरिन्थियों 11: एम टी आर
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
(c) 2010-2017, New Life Computer Institute. All rights reserved
2 कुरिन्थियों 11
11
पोलुस अन जूटा खन्दाया तका चेला
1यद्याँ थाँ मारा बेण्डापणा ने सेण कर लेता तो कतरो भलो वेतो। अन थाँ वींने सेण भी करो हो। 2काँके जस्यान परबू थाँकी चन्ता करे हे वस्यान मूँ भी थाँकी चन्ता करूँ हूँ। मूँ थाँकी बात एकीस मसी का हाते लगा मेली हे जणीऊँ मूँ थाँने पुवितर कूँवारी छोरी का जस्यान मसी ने हूँप दूँ। 3#उत्प 3:1–5,13पण मने दरपणी लागे हे, काँके कदी अस्यान ने वेजा के, जस्यान धरती की पेली लुगई ज्या हवा ही, वींने हाँप आपणी चालऊँ भटका दिदी ही, वस्यानीस ईं थाँका मन भी मसी की भगतीऊँ अन पवितरताऊँ ज्यो आपाँने मसी का वाते राकणी छावे, वणीऊँ भटका ने दिदो जावे। 4काँके थाँका नके कुई आन ईसू का उपदेस माँ थाँने हुणाया हाँ, वींके अलावा यद्याँ कुई दूजाँ ईसू का उपदेस हुणावे हे, अन ज्यो पुवितर आत्मा थाँने मली हे, वींके अलावा यद्याँ थाँ दूजी आत्माने मानो हो। जणी छूटकारा का हमच्यार ने थाँने हुणाया हो, वींके अलावा यद्याँ थाँ दूजाँ हमच्यार ने हुणो हो तो ईंको मतलब ओ हे के, थाँ दूजाँ ईसू, दूजाँ हमच्यार अन दूजी आत्माने लेबा का वाते त्यार हो।
5पण मूँ खुद ने वाँ लोगाऊँ फोरा ने हमजूँ हूँ, ज्याँने थाँ खन्दाया तका मोटा चेला केवो हो। 6वे सके हे के, मारी बोलबा को हुनर थोड़ो कम हे पण ग्यान तो घणो हे। ईं हारी बाताँ का बारा में माँ थाँका हामे साप तरियाऊँ बताता आरिया हाँ।
7में खुद ने फोरो करन थाँने ऊपरे उटाबा का वाते फोगट में परमेसर को हव हमच्यार हुणान कई पाप कर दिदो हे? 8कई थाँ के सके हो के, में दूजी मण्डळ्याऊँ मदत लेन वाँने लूटी ताँके मूँ थाँकी सेवा कर सकूँ? 9#फिलि 4:15–18जद्याँ मूँ थाँका नके हो तो मने कमी वीं हे तद्याँ भी में थाँका पे कई बोज ने नाक्यो, काँके मारा भायाँ मकिदुनियाऊँ आन मारी वणी कमी ने पुरी किदी हे। में हरेक दाण खुद ने थाँका पे बोज बणाबाऊँ रोक्यो, अन आगे भी रोक्यो रेऊँ। 10यद्याँ मसी को हाँच मारा में हे तो अखाया परदेस में कुई भी मने ईं बात में मेपणो करबाऊँ ने रोक सकी। 11ईंको ओ मतलब ने हे के, मूँ थाँकाऊँ परेम ने करूँ हूँ? परमेसर ईं बात ने जाणे हे के, मूँ थाँकाऊँ परेम करूँ हूँ।
12ईं वाते ज्यो कई मूँ करूँ हूँ, वींने करतो रेऊँ जणीऊँ ज्याँने थाँ खन्दाया तका मोटा चेला केवो हो, वाँने आपणी तरियाँ मेपणो करबा को मोको ने मले, जणी बात पे वीं मेपणो करे हे। 13काँके अस्या मनक जूटा खन्दाया तका चेला हे अन धोकाऊँ काम करबावाळा हे, अन मसी का खन्दाया तका चेला को रूप धारण करबावाळा हे। 14या अचम्बा की बात ने हे, काँके सेतान खुद भी उजिता का हरग-दुताँ को रूप धारण करे हे। 15ईं वाते वीं सेतान का दास भी धरम का काम करबावाळा का जस्यो रूप धारण करे हे या कई मोटी बात ने हे, पण अंत में वाँको नास वाँके काम का जस्यान वेई।
पोलुस को दुक जेलणो
16मूँ पाछो कूँ हूँ, कुई मने बेण्डो मती हमज ज्यो अन ने तो मने बेण्डो हमजन मारी मानलो, जणीऊँ मूँ भी थोड़ो घणो मेपणो कर सकूँ। 17मूँ ईं मेपणो की वजेऊँ ज्यो कई कूँ हूँ, वो परबू का आग्याऊँ ने कूँ पण अस्यान मानलो के, मारा बेण्डापणा ऊँइस केरियो हूँ। 18काँके नरई मनक तो आपणी देह जस्यानीस मेपणो करे हे, तो पछे मूँ भी मेपणो करूँ। 19थाँ हूँस्यार हो ईं वाते राजी रेन मारा बेण्डापणा की बाताँ ने सेण करो हो। 20मने विस्वास ने वेरियो के, कुई थाँने दास बणावे, थाँको बुरो भी करे, यद्याँ कुई थाँने जाळ में फसावे, अन खुद ने थाँकाऊँ मोटो बणावे अन कुई थाँका मुण्डा में जापट मारे तो थाँ वींने सेण करो हो। 21मूँ हरमा मरन केरियो हूँ माँ वाँकाऊँ घणा कमजोर हाँ, ज्यो थाँने अस्यान हिकावे हे, माँ वाँके जस्यान ने हिका सका हाँ।
पण यद्याँ कुई कणी बात पे मेपणो करबा हिम्मत करे हे, तो मूँ बेण्डापणाऊँ कूँ हूँ के, मूँ भी हिम्मत करूँ। 22कई वींइस इबरानी थोड़ी हे? मूँ भी तो हूँ। कई वींइस इजराएल का हे? मूँ भी तो हूँ। कई वींइस अबराम का घराणा का हे? मूँ भी तो हूँ। 23#थर 16:23कई वींइस मसी का दास हे? मूँ बेण्डा के जस्यान कूँ हूँ, मूँ वणाऊँ भी बड़न मसी को दास हूँ। वाँकाऊँ हेली मेनत करबा में, नरी दाण जेळ में बन्द वेबा में, कोड़ा की मार खाबा में, आकोदाण मोत का मुण्डो में जाबा में, 24#वे.वि 25:3पाँच दाण मूँ यहूदियाँ का हाताऊँ चालीस में एक कम कोड़ाऊँ मार खादी। 25#थर 16:22; थर 14:19तीन दाण तो में लटऊँ मार खादी अन एक दाण तो मारा पे भाटा की भी बरका किदी गी ही। तीन दाण तो जणी जाँज में चड़्यो हो, वींई टुटग्या, एक दाण तो मूँ एक रात-दन समन्द का मयने रियो। 26#थर 9:23; थर 14:5नरी दाण तो मूँ लम्बी जातरा पे ग्यो, नरी दाण खतरनाक नन्दयाँ, जबरा डाकूँऊँ, खुद का लोगाऊँ, ज्यो यहूदी ने हा वाकाँऊँ खतरा को सामनो किदो, नरी दाण नगरा में, समन्द में, काकड़ में, दिकावटी भायाँऊँ खतरा को सामनो किदो। 27में घणी मेनत किदी हे अन दुक का हाते जीवन जिदो हे। नरी दाण तो मूँ हूँ भी ने सक्यो। अन नरी दाण तो भुको-तरियो भी रियो हूँ, नरी दाण तो ठन्ड में बना गाबा के धूजतो रियो हूँ। 28अन ईंका अलावा मारा पे हारी मण्डळ्या की चन्ता को बोज भी रोज पड़्यो तको हो। 29जद्याँ कुई कमजोर हे तो मूँ खुद ने कमजोर मेसूस करूँ हूँ अन यद्याँ कुई पाप में हे तो मूँ वींका वाते दकी वेवूँ हूँ।
30यद्याँ मने बड़न चड़न बाताँ करणीइस वेती, तो मूँ मारी वाँ बाताँ ने करतो जीं मारी कमजोरी की हे। 31आपणाँ परबू ईसू मसी का बापू परमेसर की हमेस्यान मेमा वेती रेवे, वीं जाणे के, मूँ जूट ने बोलूँ हूँ। 32#थर 9:23–25दमिसक नगर में अरितास राजा का आड़ीऊँ ज्यो हाकम हो, वणी मने पकड़बा का वाते दमिसक नगर में पेरो लगा मेल्यो हो। 33अन मने टोकरी में बेवाड़न भींत की खड़की का मयनेऊँ बारणे काड़्यो ग्यो हो, अस्यान मूँ वटूँऊँ बंच निकळ्यो हो।
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
(c) 2010-2017, New Life Computer Institute. All rights reserved