रोमियो 7
7
बिबाहित जीवना रा उदाहरण
1मेरे साथी विश्वासियो, क्या तुहें नीं जाणदे (हऊँ तिन्हां लोकां ने बोल्ली कराँ सै जे व्यवस्था जो जाणाँ ये) भई व्यवस्था रा राज किसी माहणुये पर तदुआं तक इ रैयां तदुआं तक जे सै जिऊंदा?
2इक ब्याही री जनाना अपणे पतिये सौगी व्यवस्था रे मुतावक तदुआं तक इ बझीरी तदुआं तक जे सै जिऊंदा इ, पर जे तिसारा पति मरी जाओ, तां सै घरा औल़े रिया व्यवस्था ते छुटी जाईं। 3इस खातर जे पतिये रे जिऊंदा हुन्दे सै किसी दुज्जे माहणुये ने रिश्ता बणाई लो, तां तिसाजो बुरे चरित्रा औल़ी जनाना बोलां ये, पर जे तिसारा घराऔल़ा मरी जाओ, तां सै तिसा व्यवस्था ते छुटी जाईं, येत्थी तक भई जे सै किसी दुज्जे घरा बी बैठी जाओ तां बी सै व्यभिचारिणी नीं हुई।
4तियां इ मेरे साथी विश्वासियो, तुहें बी मसीह रिया देहा रे जरिये व्यवस्था खातर मरी चुक्कीरे, इस खातर हुण तुहें बी किसी दुज्जे ने नाता जोड़ी सक्कां ये, सै जे मूईरयां चते जिऊंदा हुईग्या: ताकि अहें परमेशरा री सेवा करी सक्को। 5काँह्भई ताहली जे अहें अपणे पैहलके स्वभावा रे मुतावक जीआं थे, तां पापी इच्छा अहांरे शरीरा च काम्म कराँ थी सै जे व्यवस्था ते जाग्गी थी कने जो किछ अहें येढ़ा कित्या सै मौती री सजा देआं था।
6पर व्यवस्था अहांरे ऊपर राज नीं करदी, अहें मूईरे लोकां साई ये कने ये अहांरे ऊपर कोई हक नीं जताई सकदी। हुण अहें लिखिरी पुराणी व्यवस्था रा पालन करीने नीं वल्कि आत्मा सौगी नये तरिके ने परमेशरा री सेवा करी सक्कां ये।
व्यवस्था कने पाप
7तां फेरी अहें क्या बोलिये? क्या व्यवस्था पाप आ? कदीं मनी। किछ बी हो, जे व्यवस्था नीं हुन्दी तां हऊँ पछयाणी नीं पान्दा भई पाप क्या। जे व्यवस्था नीं बोलदी, भई लालच नीं कर तां हऊँ लालचा जो नीं जाणी पान्दा। 8पर पापे मौका मिलदे इ व्यवस्था रा फायदा लेन्दे हुये मांह च हर तरह रा लालच पैदा कित्या, काँह्भई बगैर व्यवस्था ते पाप त मुड़दा।
9हऊँ बगैर व्यवस्था ते पैहले जिऊंदा था, पर ताहली जे हुक्म आया, तां पाप जिन्दगिया च आया, कने हऊँ मरीग्या। 10सैई व्यवस्था रा हुक्म आ, सै जे जिन्दगी देणे खातर था, मेरे खातर आत्मिक मौत लईने आया।
11काँह्भई पापा जो मौका मिलीग्या कने तिने तिस इ व्यवस्था रे हुक्मा रे जरिये मिन्जो भरमाया, कने तिसरे इ जरिये हऊँ मारी बी दित्या। 12इस खातर व्यवस्था कने तिसारे हरेक हुक्म पवित्र, खरे कने ठीक ए।
पापा ते बचणे च व्यवस्था असमर्थ
13तां फेरी इसरा क्या ये मतलब आ, भई सै जे व्यवस्था खरी थी, सैई मेरिया मौती री वजह बणी? बिल्कुल नीं! पर पाप तिस खरे रे जरिये मेरे खातर मौती री इस खातर वजह बणया भई पापा रा सही स्वभाव परगट हुई सक्को, कने हुक्मा रे जरिये पाप हद ते बी जादा दिखणे लगो।
माहणुये री अन्दरूनी लड़ाई
14काँह्भई अहें जाणाँ ये भई व्यवस्था त आत्मिक इ, पर हऊँ शारीरिक आ कने इक दास्सा साई पापा रे खातर बेच्चया गईरा।
15हऊँ नीं जाणदा भई हऊँ क्या करी रां; काँह्भई हऊँ सै जे हमेशा करना चाँह, सै करी नीं पान्दा, बल्कि हऊँ सैई कराँ, तिसते जे हऊँ नफरत कराँ। 16कने जे हऊँ सैई कराँ, सै जे हऊँ नीं करना चाहन्दा, तां हऊँ मन्नी लेआं भई व्यवस्था उत्तम इ।
17तां येढ़िया दशा च तिसरा करने औल़ा हऊँ निआं, बल्कि ये मेरे अन्दर बसीरा पाप आ। 18काँह्भई हऊँ जाणाँ भई माह च यनिके मेरे शरीरा च किसी खरिया चीज़ा रा वास निआं। नेकी करने री इच्छा त माह च हाई पर नेक काम्म माहते नीं हुन्दे।
19काँह्भई सै खरा काम्म जे हऊँ करना चाँह, तिस्सो त हऊँ नीं करदा, पर जिस बुरे कम्मां री इच्छा नीं करदा, माहते सैई हुई जां। 20पर जे हऊँ सैई काम्म कराँ तिन्हाजो जे करना नीं चाहन्दा, तां तिसरा करने औल़ा हऊँ निआं, पर सै पाप आ सै जे माह च बसीरा। 21इस खातर हऊँ अपणे च ये व्यवस्था पां भई हऊँ ताहली जे खरा करना चाँह, तां अप्पूँ च बुराईया जोई पां।
22अपणी अन्तरात्मा च हऊँ परमेशरा रिया व्यवस्था ते बड़ा खुश रेआं। 23पर हऊँ अपणे शरीरा रे अंगाँ च इक दुज्जे इ नियमा जो काम्म करदे देखां, ये मेरे चिन्तन पर राज करने औल़ी व्यवस्था ने लड़ाई कराँ इ कने मिन्जो पापा री व्यवस्था रे बन्धना च पाईं सै जे मेरे अंगाँ ची।
24हऊँ केढ़ा बदनसीब माहणु आ। मिन्जो इस मौती रे शरीरा ते कुण बचांगा? 25यीशु मसीह रे जरिये मेरा छुटकारा करने रे खातर हऊँ परमेशरा रा धन्यवाद कराँ। इस खातर हऊँ अपणे मना ते परमेशरा रिया व्यवस्था री सेवा कराँ, हलाँकि हऊँ अपणे पापी स्वभावा च पापा रिया व्यवस्था री सेवा कराँ।
Voafantina amin'izao fotoana izao:
रोमियो 7: KFSNT
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
This work is licensed under Creative Commons Attribution-ShareAlike 4.0 License.
रोमियो 7
7
बिबाहित जीवना रा उदाहरण
1मेरे साथी विश्वासियो, क्या तुहें नीं जाणदे (हऊँ तिन्हां लोकां ने बोल्ली कराँ सै जे व्यवस्था जो जाणाँ ये) भई व्यवस्था रा राज किसी माहणुये पर तदुआं तक इ रैयां तदुआं तक जे सै जिऊंदा?
2इक ब्याही री जनाना अपणे पतिये सौगी व्यवस्था रे मुतावक तदुआं तक इ बझीरी तदुआं तक जे सै जिऊंदा इ, पर जे तिसारा पति मरी जाओ, तां सै घरा औल़े रिया व्यवस्था ते छुटी जाईं। 3इस खातर जे पतिये रे जिऊंदा हुन्दे सै किसी दुज्जे माहणुये ने रिश्ता बणाई लो, तां तिसाजो बुरे चरित्रा औल़ी जनाना बोलां ये, पर जे तिसारा घराऔल़ा मरी जाओ, तां सै तिसा व्यवस्था ते छुटी जाईं, येत्थी तक भई जे सै किसी दुज्जे घरा बी बैठी जाओ तां बी सै व्यभिचारिणी नीं हुई।
4तियां इ मेरे साथी विश्वासियो, तुहें बी मसीह रिया देहा रे जरिये व्यवस्था खातर मरी चुक्कीरे, इस खातर हुण तुहें बी किसी दुज्जे ने नाता जोड़ी सक्कां ये, सै जे मूईरयां चते जिऊंदा हुईग्या: ताकि अहें परमेशरा री सेवा करी सक्को। 5काँह्भई ताहली जे अहें अपणे पैहलके स्वभावा रे मुतावक जीआं थे, तां पापी इच्छा अहांरे शरीरा च काम्म कराँ थी सै जे व्यवस्था ते जाग्गी थी कने जो किछ अहें येढ़ा कित्या सै मौती री सजा देआं था।
6पर व्यवस्था अहांरे ऊपर राज नीं करदी, अहें मूईरे लोकां साई ये कने ये अहांरे ऊपर कोई हक नीं जताई सकदी। हुण अहें लिखिरी पुराणी व्यवस्था रा पालन करीने नीं वल्कि आत्मा सौगी नये तरिके ने परमेशरा री सेवा करी सक्कां ये।
व्यवस्था कने पाप
7तां फेरी अहें क्या बोलिये? क्या व्यवस्था पाप आ? कदीं मनी। किछ बी हो, जे व्यवस्था नीं हुन्दी तां हऊँ पछयाणी नीं पान्दा भई पाप क्या। जे व्यवस्था नीं बोलदी, भई लालच नीं कर तां हऊँ लालचा जो नीं जाणी पान्दा। 8पर पापे मौका मिलदे इ व्यवस्था रा फायदा लेन्दे हुये मांह च हर तरह रा लालच पैदा कित्या, काँह्भई बगैर व्यवस्था ते पाप त मुड़दा।
9हऊँ बगैर व्यवस्था ते पैहले जिऊंदा था, पर ताहली जे हुक्म आया, तां पाप जिन्दगिया च आया, कने हऊँ मरीग्या। 10सैई व्यवस्था रा हुक्म आ, सै जे जिन्दगी देणे खातर था, मेरे खातर आत्मिक मौत लईने आया।
11काँह्भई पापा जो मौका मिलीग्या कने तिने तिस इ व्यवस्था रे हुक्मा रे जरिये मिन्जो भरमाया, कने तिसरे इ जरिये हऊँ मारी बी दित्या। 12इस खातर व्यवस्था कने तिसारे हरेक हुक्म पवित्र, खरे कने ठीक ए।
पापा ते बचणे च व्यवस्था असमर्थ
13तां फेरी इसरा क्या ये मतलब आ, भई सै जे व्यवस्था खरी थी, सैई मेरिया मौती री वजह बणी? बिल्कुल नीं! पर पाप तिस खरे रे जरिये मेरे खातर मौती री इस खातर वजह बणया भई पापा रा सही स्वभाव परगट हुई सक्को, कने हुक्मा रे जरिये पाप हद ते बी जादा दिखणे लगो।
माहणुये री अन्दरूनी लड़ाई
14काँह्भई अहें जाणाँ ये भई व्यवस्था त आत्मिक इ, पर हऊँ शारीरिक आ कने इक दास्सा साई पापा रे खातर बेच्चया गईरा।
15हऊँ नीं जाणदा भई हऊँ क्या करी रां; काँह्भई हऊँ सै जे हमेशा करना चाँह, सै करी नीं पान्दा, बल्कि हऊँ सैई कराँ, तिसते जे हऊँ नफरत कराँ। 16कने जे हऊँ सैई कराँ, सै जे हऊँ नीं करना चाहन्दा, तां हऊँ मन्नी लेआं भई व्यवस्था उत्तम इ।
17तां येढ़िया दशा च तिसरा करने औल़ा हऊँ निआं, बल्कि ये मेरे अन्दर बसीरा पाप आ। 18काँह्भई हऊँ जाणाँ भई माह च यनिके मेरे शरीरा च किसी खरिया चीज़ा रा वास निआं। नेकी करने री इच्छा त माह च हाई पर नेक काम्म माहते नीं हुन्दे।
19काँह्भई सै खरा काम्म जे हऊँ करना चाँह, तिस्सो त हऊँ नीं करदा, पर जिस बुरे कम्मां री इच्छा नीं करदा, माहते सैई हुई जां। 20पर जे हऊँ सैई काम्म कराँ तिन्हाजो जे करना नीं चाहन्दा, तां तिसरा करने औल़ा हऊँ निआं, पर सै पाप आ सै जे माह च बसीरा। 21इस खातर हऊँ अपणे च ये व्यवस्था पां भई हऊँ ताहली जे खरा करना चाँह, तां अप्पूँ च बुराईया जोई पां।
22अपणी अन्तरात्मा च हऊँ परमेशरा रिया व्यवस्था ते बड़ा खुश रेआं। 23पर हऊँ अपणे शरीरा रे अंगाँ च इक दुज्जे इ नियमा जो काम्म करदे देखां, ये मेरे चिन्तन पर राज करने औल़ी व्यवस्था ने लड़ाई कराँ इ कने मिन्जो पापा री व्यवस्था रे बन्धना च पाईं सै जे मेरे अंगाँ ची।
24हऊँ केढ़ा बदनसीब माहणु आ। मिन्जो इस मौती रे शरीरा ते कुण बचांगा? 25यीशु मसीह रे जरिये मेरा छुटकारा करने रे खातर हऊँ परमेशरा रा धन्यवाद कराँ। इस खातर हऊँ अपणे मना ते परमेशरा रिया व्यवस्था री सेवा कराँ, हलाँकि हऊँ अपणे पापी स्वभावा च पापा रिया व्यवस्था री सेवा कराँ।
Voafantina amin'izao fotoana izao:
:
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
This work is licensed under Creative Commons Attribution-ShareAlike 4.0 License.