1 यूहन्ना 1
1
जीवना रा बचन
1हऊँ यूहन्ना तुहांजो तिस माहणुए रे बारे च लिख्या रां, सै जे जीवना रा वचन आ। सै सृष्टिया रे बौहत पैहले ते था, तिसजो जे अहें सुणीरा, कने अपणियां आक्खीं देख्या, बल्कि तिस्सो अहें बड़े ध्याना ने देख्या कने अपणे हत्थां ने छुया। 2परमेशरे तिस्सो संसारा च भेज्या, कने अहें तिस्सो देक्खीरा, कने तुहांजो तिस अनन्त जीवना रे बारे च दस्या कने घोषणा कित्ती सै जे पिता परमेशरा सौगी था कने हुण अहांरे बिच रैहणे रे खातर आया)।
3जो किछ अहें देख्या कने यीशु मसीह रे बारे च सुणया तिसरी गवाही तुहौं बी देआंये, इस खातर भई अहां सौगी तुहांरी संगती ओ; अहांरी ये संगती पिता ने कने तिसरे पुत्र यीशु मसीह ने सौगी। 4कने ये गल्लां अहें इस खातर लिखिराँ ये, भई अहांरा आनन्द पूरा हुई जाओ।
जोतिया च चलना
5सै खुशखबरी जे अहें यीशु मसीह ते सुणी, कने तुहांजो सणवांयें, भई परमेशर जोतिया साई पूरा पवित्र आ तिसच जे किछ बी बुराई नीं। 6जे अहें बोलिये भई तिसने सौगी अहांरी संगती, कने फेरी जे बुराईया पर चलो, तां अहें झूट्ठे कने सच्चाईया पर नीं चलदे; 7पर तियां जे परमेशर जोति आ, तियां इ जे अहें बी जोतिया च जीवन बिताईये, तां अहें इक्की दुज्जे ने संगती रखां ये, कने तिसरे पुत्र यीशु मसीह रा खून अहांजो सारयां पापां ते साफ कराँ।
8जे अहें येढ़ा बोलिये भई अहें कोई पाप नीं कित्या, तां अहें खुद अप्पूँजो धोखा दें, कने अहें विश्वास नीं करदे भई तिने जो किछ बोल्या सै सच्च आ। 9जे अहें अपणे पापां जो मन्नी लैं, तां परमेशर अहांरे सारयां पापां जो माफ करने कने गलतियां जो साफ करने च बफादार कने धर्मी आ। 10जे अहें बोल्लो भई अहें कोई पाप नीं कित्तिरा, तां अहें परमेशरा जो झूट्ठा बणायें, कने न तिसरे वचना जो ग्रहण कराँ ये।
Voafantina amin'izao fotoana izao:
1 यूहन्ना 1: KFSNT
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
This work is licensed under Creative Commons Attribution-ShareAlike 4.0 License.