Andinin-tSoratra Masina malaza indrindra nalaina tao amin'ny Isaia 65

Hizara

Raha tsy mbola miantso aza izy dia hamaly Aho; Ary raha mbola miteny izy, dia hihaino Aho.

Fa, indro, Izaho mahary lanitra vaovao sy tany vaovao, Ka dia tsy hotsarovana intsony ny taloha, Na ho mby ao an-tsaina akory aza.

Tsy hisasatra foana izy, Na hitera-jaza ho tratry ny loza tampoka; Fa taranak’izay notahin’i Jehovah ireo, Ary terany ho ao aminy.

Tsy hanao trano hitoeran’olon-kafa izy, Na hamboly zavatra hohanin’olon-kafa; Fa ho tahaka ny andron’ny hazo ny andron’ny oloko, Ary ireo voafidiko dia hanaram-po amin’ny asan’ny tànany.

Ary na dia ny zaza minono any aza dia tsy ho fohy andro, Ary tsy hisy anti-panahy izay tsy nahatapitra ny androny; Fa mbola zatovo ihany izay maty na dia efa zato taona aza, Ary ny mpanota aza, dia hahatratra zato taona vao hozonina.

Ny amboadia sy ny zanak’ondry hiara-komana, Ary ny liona hihina-mololo tahaka ny omby, Ary ny menarana, dia vovoka no ho fihinany; Ary tsy handratra na hanimba eran’ny tendrombohitro masina izy, hoy Jehovah.

Dia ho faly amin’i Jerosalema Aho Sy ho ravoravo amin’ny oloko; Ary ny feo mitomany tsy ho re any intsony, Na ny feo mitaraina.