Andinin-tSoratra Masina malaza indrindra nalaina tao amin'ny Romanos 3

Hizara

opavave niko iñangaipa ha mombyry oĩ Tupã reko mimbipágui. Tupã katu, imba'e porãgui, reiete oporomboheko joja, Jesucristo rupi, oporopysyrõvo.

Jarovia rupi Jesucrístope, Tupã omboheko joja umi ogueroviávape. Ndaipóri niko ojoavyha

Tupã oheja rei angaipa, Jesucristo oñohẽ rupi huguy. Angaipa jeheja rei ojehupyty jerovia rehe ae. Kóicha Tupã ohechaukase vaekue mba'éichapa ñane mboheko joja: oheja reívo ñandéve angaipa jajapo vaekue. Ha'e niko oha'arõ kuaa. Ha'e niko ohechaukase ñandéve ko'ágã mba'éichapa ñane mboheko joja. Pe ha'e heko jojaháicha niko, omboheko joja avei umi Jesús rehe ojeroviávape.

Avave nde'i chéne ojapo hague tembiapoukapy, ha Tupã oguerekoha chupe heko jojáva ramo. Tembiapoukapy niko oĩ ohechauka haguã ñandéve, ñande angaipa apohánteha voi.

Tupã kuatia he'i voi: “Ndaipóri peteĩ heko jojáva! Ndaipóri peteĩ iñakã porãva; ndaipóri peteĩ ohekáva Tupãme. Maymáva oho tape vaíre, maymáva peteĩcha heko vai. Ndaipóri ojapóva iporãva, peteĩnte jepe.

Ha péicha ñaguahẽ kóvape: Tupã omboheko jojaha yvypórape ijerovia rupi, ohecha'ỹre ojapópa térã ndojapói tembiapoukapy he'íva.

Hesakã ndaupeichaiha! Upéva rangue, Tupã omba'apo katu añeteguaitére, opa yvypóra ijapu ramo jepe. Ñandejára Ñe'ẽ niko he'i voi: “Oje'éne ne marangatuha umi erévare, ha resẽ porãne reñembojovakévo.”