Andinin-tSoratra Masina malaza indrindra nalaina tao amin'ny रोमियों 3

Hizara

काँके हाराई पाप किदो हे अन हाराई परमेसर की मेमाऊँ छेटी हे। पण परमेसर का अनुगरेऊँ अन छुटकाराऊँ ज्यो ईसू मसी में हे, वीं फोकट में धरमी ठेराया ग्या हे।

हाराई विस्वास्याँ का वाते ईसू मसी में विस्वास का हाते बना भेद-भाव करिया परमेसर का आड़ीऊँ मलबावाळी धारमिकता परगट किदी गी हे।

ईसू मसी की मोत पे विस्वास करबाऊँ पापाँ की मापी पाबा का वाते परमेसर ईसू मसी ने एक बलीदान का रूप में दे दिदो, ईं तरियाँ परमेसर आपणी धारमिकताने परगट किदी, काँके परमेसर समता खान मनकाँ का पेल्याँ का पापाँ को दण्ड ने दिदो अन छोड़ दिदा हा। ताँके वो अणी टेम में आपणी धारमिकताने परगट करे, जणीऊँ वो खुद धरमी अन ईसू में विस्वास करबावाळा ने धरमी ठेराबावाळो बणे।

काँके नेमा का कामाँऊँ कुई भी मनक परमेसर का हामे धरमी ने बण सके हे। काँके नेमाऊँ तो पाप की ओळकाण वेवे हे।

जस्यान के सास्तर लिक्यो हे के, “कुई खरो ने, एक भी ने हे! कुई हमजदार ने हे, ज्यो परमेसर ने होदे हे! हाराई का हाराई परमेसर का गेलाऊँ भटकग्या हे, वीं हाराई बुरा बणग्या हे, कुई भलई करबावाळो ने हे एक भी ने हे।

ईं वाते अबे आपाँ ईं नतीजा पे पोछ्याँ हा के, कुई भी मनक नेमा का कामाँ के जस्यान चालन ने, पण विस्वासऊँ धरमी बण सके हे।

कदी भी अस्यान ने वेवे, यद्याँ हाराई मनक जूटा हे, तो भी परमेसर हाँचा हे। जस्यान सास्तर में लिक्यो तको हे के, “जणीऊँ थूँ थाँरी बाताँ में धरमी वेवे अन न्याव करती टेम में थूँ जे पावे।”