Andinin-tSoratra Masina malaza indrindra nalaina tao amin'ny 2 कुरिन्थियों 9

Hizara

परमेसर हाराई तरियाँ का वरदान दे सके हे, जणीऊँ थाँकी हारी बाताँ अन हरेक टेम में, हारोई ज्यो थाँका वाते जरूरी हे, वो थाँका नके वेवे अन हाराई भला काम का वाते जरूतऊँ हेलो थाँका नके रेवे।

थाँ जतरो मन में होच्यो हे वतरोइस दान दो, ने तो वो दकऊँ अन ने किंका जोरऊँ, काँके परमेसर वणीऊँ परेम करे हे ज्यो हरदा की खुस वेन दान देवे हे।

थाँने मूँ एक बात बताऊँ हूँ के, ज्यो थोड़ोक वावे हे वो थोड़ोकइस काटे हे अन ज्यो हेलो वावे हे, वो हेलो काटी।

परमेसरइस बीज बावावाळा ने बीज अन खाणो खाबावाळा ने रोटी देवे हे। वींइस थाँने बीज देई अन वींइस मोटा करी, वाँकाऊँईस थाँकी धरम की खेती फलती-फुलती रेई। थाँने हरेक तरियाँ धनवान बणाया जाई जणीऊँ थाँ आपणाँ हात ने खोळो राकन दे सको अन ईं दानऊँ जद्याँ माँ किंकी मदत कराँ तो ईं वजेऊँ वीं मनक परबू ने धन्नेवाद देई।

परमेसर का वणी वरदान का वाते वींको धन्नेवाद वे, जिंको बखाण ने करियो जा सके हे।