Andinin-tSoratra Masina malaza indrindra nalaina tao amin'ny Isikél 2

Hizara

Yóm igoen mudél ebéléu, tódô gnómu husek béléu yóm Tulus Dwata ne hdaen ou. Tey keheklinguhu du yóm udélen, monen, “Yó ne, Tau Tonok, hógówu uu ebè yó kem tau Israél ebè yó kem tau là mimón do. Yó kem tehe fù le ekni, tódô lenwóten bè kbuten yóm là kimón le do ne efet ni kmoen ni sana yó ne yóm là kimón le do.

Hol tulónem kul yóm udélu ebélê le, kihu ke hnungol le duhen ke là. Okóm là kô na le e hnungol kóm, abay se hono le tau là mimón yóm kdê le. Yó ne, Tau Tonok, hol hnungolem yóm tulónu kóm. Béi gbót du kóm yóm là kimón le do. Mnangahi ne, tódô kenem yóm blayu kóm ni.”

Kihu ke hnungol le uu duhen ke là yó kem tau là mimón do yó, syan olo le temngón du deng wen tugodu deng kól lem blóng le.