Andinin-tSoratra Masina malaza indrindra nalaina tao amin'ny ROOM DIMA 5

Hizara

Amaa Naawunni ŋɔna - ŋɔn daa niŋi seem n‑wulisi ti, ni, u wuri ti pam nŋɔa#:- tin daa na bɛ tumbeeri ni sahanseaa la, Kirisita daa kpi n‑ti ti.

Ka tama maa paasigu ku kyɛ ka ti di vi, dama Naawunni zaŋŋi u Siiya n‑ti ti ka ti baŋŋi u wurilim ŋɔn zoaai seem di zugu.

Din paasi maa, ti mari sufupeelli halli ti wahala diibu puuni gba, dama ti mi, ni, wahala diibu paasiri ti sugru ni sufukpeemni. Sugru mun paasiri ti beesisuŋŋu, ka beesisuŋŋu mun paasiri ti tama.

Tɔ; ka dizugu tin niŋi yɛdda la zugu kyɛ ka Naawunni deaai ti, ni, yɛlimaŋni dima. Ka lala kyɛ ka nangbanyinni bɛ ni tin ni Naawunni sunsukkuni, ti Dugma Yisa Kirisita Masiiya zugu. Dama ŋɔn Yisa zugu daa kyɛ ka ti nya yɛdda niŋbu soori nti kpɛ n‑zɛ tin bɛ zaazisunseaa wa ni. Di nyɛ la Naawunni ŋɔn daa tum lala tunsuma n‑ti ti maa. Dizugu ka ti mari sufupeelli, dama ti mari tama, ni, ti nin nya Naawunni gyirima veelim.

Kirisita muna - sahanseaa ti daa na ka yaa la, lala saha maa deede ka u daa kpi n‑ti tirim tumbeeri dima maa.

Tɔ, ka di yi bɛ lala maa, ka Naawunni pun deaai ti, ni, yɛlimaŋni dima, Yisa Masiiya ziim maa zugu, dinŋɔna ti mi halli, ni, ŋɔn Yisa zugu ka ti nin laa n‑yi Naawunni sugyeaa ni gba.

Ninvugyinni maa daa za'asi Naawunni noori, ka di zugu niriba pam daa nya taalli, ni, ala'akyi dima n nyɛ ba. Lala yaasa ka ninvugyinni ŋɔnla daa sakki Naawunni noori, ka di zugu niriba pam daa yi taalli ni, ni, yɛlimaŋni dima n nyɛ ba.

Amaa pa dinŋɔ kɔkɔ gba. See ka ti mari sufupeelli pam Naawunni saani, ka gyeemni u ti Dugma Yisa Kirisita zugu dama ŋɔn Yisa n daa zɔ sindaani n‑ti ti ka u Ba deaai.