Planina sy fampaherezam-panahy maimaim-poana mifandraika amin'ny Filipianina 4:7

Mora tokoa ny manadino ny antony tena ankalazaintsika ny Krismasy noho ny enjikenjika izay iainana mandritra ny fotoanan'ny fety. Ato anatin'ity planina advento mandritra ny 5 andro ity, dia handalina misimisy kokoa mikasika ny Teny Fikasana izay tanteraka tamin'ny nahaterahan'i Jesoa sy ny fanantenantsika ny amin'ny ho avy isika. Rehefa mahafantatra misimisy kokoa an'Andriamanitra isika, dia ho haintsika ny fomba iainana amin'ny fomba hafa izao vanim-potoana izao: am-panantenana, am-pinoana, am-pifaliana sy am-piadanana.

Hainao hoe Andriamanitra dia maniry ny hanananao fiainana be dia be mihoatra lavitra noho ny fiainanao amin'izao? Saingy ny mampalahelo dia manakana anao tsy handroso ny fampitahana amin'ny hafa. Hozarain'i Anna Light ato anatin'ity drafitra famakiana ity ireo tolo-kevitra izay hanala ny sarona napetraky ny fampitahana ka nanakana anao tsy hahita ny tena fahaizanao. Hanampy anao hiaina ilay fiainana be dia be sy feno fahafahana efa nomanin'Andriamanitra ho anao izany.

Ny vavaka angamba no hery amaivanina indrindra eto an-tany. Tsy fitalahoana na filam-bonjy ny vavaka fa tena fahefana mahery vaika manova fiainana. Mahery ve ny vavakao? Anatin’ity drafitra ity no hahitanao misimisy kokoa ny amin'ny herin'ny vavaka.

Misy safidy atao isan’andro. Safidy kely, na koa safidy izay hanamarika ny hoavinao. Ahoana ary no ahafantaranao ny safidy tsara tokony ho ataonao? Matahotra ny ho diso safidy ve ianao? Inona no tian’Andriamanitra ataonao? Andao ho fantarina ny fitarihan’Andriamanitra anao, andao hianatra hiaino ny feony.