Populāri Bībeles panti no Obubali 13

Dalīties

Naye Kalebu yaholelesia abandu imbeli waMusa, naboola ari Khutikulushe bulaano buno khushibukule; shichila okhuhula khunyala okhushihula.

Khandi khwalolayo abaNefili, abaana baAnaki, abarula mubaNefili; nikhwilola abeene nikhuli shinga amateete butswa; ne nolwa khwabaloleshela ho.

Nebutswa abasaatsa aba yatikulukha okhutsia ninabo baboola mbu Shikhwakhanyala okhuseera abandu abo ta; bakhushila amaani.

Nibaleerela abaana baIsiraeli amakhuwa amabii khushialo eshia bali nibaluurile bari Eshialo eshia khwalambuula nikhuluuranga neshialo eshilia bulia abamenyangamwo; nabandu bosi aba khwalolamwo bali abasaatsa abakhongo muno.

Nibamuboolela bari Khwoola khushialo eshia wakhurumakhwo, ne shiitsuulemwo amabeele nende obuushi toto; ebiamo biashio mbiebino.

Nebutswa abandu abamenyanga mushialo tsana nabamaani; amataala kabwe naketsingoba, namakhongo muno; khandi khwalola abaana baAnaki nibaliyo.

AbaAmaleki bamenya mushialo shieNegebu; nabo abaHiti nabaYebusi nabaAmori bamenya mubikulu; abaKanaani bamenya hanyanza, nende khuYorodani.

Niboola ewa Musa yali, naHaruni, nomukhung'aano kwosi kwabaana baIsiraeli, mushitsiimi shieParani, eKadeshi; nibabaleerela amakhuwa, khandi khubomukhung'aano kwosi; nibabamanyia ebiamo bieshialo tsana.