Psalms 12
12
1အို ဘုရားရှင်၊ ကယ်တင်တော်မူပါ။ အကြောင်းမူကား ဖြောင့်မတ်သူဟူ၍ တစ်ဦးတစ်ယောက်မျှပင် မကျန်ရှိတော့ပေ။ ရိုသားဖြောင့်မတ်သူများသည်လည်း လူသားတို့ထဲတွင် ပျောက်ကွယ်သွားကြပြီဖြစ်၏။ 2လူအအပေါင်းတို့သည်လည်း အချင်းချင်းလိမ်လည်ပြောဆိုကြ၍ မြှောက်ပင့်ကာ လှည့်စားကြပါ၏။ 3အို ဘုရားရှင်၊ မြှောက်ပင့်ပြောဆိုတတ်သောသူများ၏ နှုတ်ခမ်းနှင့် ဝါကြွားပြောဆိုတတ်သူတို့၏ လျှာများအား ဖယ်ရှားတော်မူပါစေ။ 4ဝါကြွားတတ်သူတို့က "ငါတို့သည် မိမိတို့၏ စကားအားဖြင့် လိုချင်သည့်အရာများအား ရရှိကြ၏။ ငါတို့သည် မိမိတို့၏အလိုဆန္ဒအတိုင်း ပြောဆိုကြမည်ဖြစ်၏။ မည်သူကမျှ ငါတို့အား တားဆီး၍ရလိမ့်မည်မဟုတ်" ဟုဆိုကြ။ 5ဘုရားရှင်က "အဖိနှိပ်ခံသူတို့ ကြုံတွေရသည့် ညှဉ်းဆဲခံရခြင်းနှင့် ချို့တဲ့နွမ်းပါးသူတို့၏ ညည်းတွားခြင်းကြောင့် ယခုပင် ငါသည်ကြွလာတော်မူမည်။ သူတို့ လိုလားတောင့်တကြသည့် ဘေးကင်းလုံခြုံသောအရပ်၌ သူတို့အား ငါထားရှိတော်မူမည်" ဟု မိန့်တော်မူ၏။ 6ဘုရားရှင်၏ မိန့်တော်မူချက်များသည် စင်ကြယ်သော မိန့်တော်မူချက်များဖြစ်ကြပြီး မြေဖြင့်ပြုလုပ်ထားသည့် မီးပြင်းဖို၌ ချွတ်၍ ခုနစ်ကြိမ်တိုင်တိုင် သန့်စင်ထားသည့် ငွေကဲ့သို့ဖြစ်ကြ၏။ 7အို ဘုရားရှင်၊ ကိုယ်တော်သည် အကျွန်ုပ်တို့အား အစဉ်ပင် ဘေးကင်းရာ၌ လုံခြုံစွာထားတော်မူပါ။ သူယုတ်မာတို့၏လက်မှ ကာကွယ်စောင့်ရှောက်တော်မူပါ။ 8မကောင်းမှုသည် လူသားတို့၏အလယ်တွင် မြှောက်စားခြင်းခံရသောအခါ သူယုတ်မာတို့သည် နေရာတကာသို့ လှည့်လည်တတ်ကြပါ၏။
Šiuo metu pasirinkta:
Psalms 12: TPV-RV
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.