Populiarios Biblijos eilutės iš Kolose 2

Dalintis

Dahi solasohong, aka' puhamokoa' untahimbo Kristus Yesus mendahi Dehatammu, lambi' samai pembabemu pahallu sihatang yaling di kasikenteammua' Kristus. Pamatamai inahammu yaling di Puang Yesus, sinnoa poang kayu ang manaung uhaka'na. Noa toi pahallu umpasande' samai katuhoammu pano, sinnoa dasang ang dipake'de' matoto'. Tuhtuang pampetahpa'koa' situhu' yato aka ang puha dipakuhuingkoa'. Anna yaling di inahammu pa'kuhhu'sumanga' lolokoa'.

Madakakoa' anna dakoa' nabulitu' tau umpake kamanähänganna ang dai kekuna lambi' napasähsä' lalangkoa'. Yato kamanähänganna daete' sule yaho mai di Kristus, ampo' suleete' di hao mai di pihki'na hupatau anna di hao mai di dehata lino bahtu' setang.

Dolu puhamokoa' diangka' mate aka' yato sipa' dosammu dake' dialai sihapang motille. Pihsananna napatuhomokoa' Puang Alataala yaling di Kristus anna naampungngiingkoa' ingkänna dosammu. Ingkännaingkea' puha untehkai atohang, ampo' puha napa'dai kasalaanta naonge anna untehkaiingkea' yato mai'di atohang ang mampa'baliingke, sinnoanna napäso' asang dai' di kayu sitambeng ang naonge Puang Yesus mate unsulängngiingkea'.

Aka' ingkänna kau'na anna kakuasaanna Puang Alataala tohho asang yaling di Kalaena Kristus. Anna napasundungngi toukoa' dio ungngolai kasikenteammu sibaha Kristus, ang ma'kuasa puha nei' andana samai ang ma'kuasa anna ma'pahenta.

Dahi daumpehingngiia' ke ahai tau ang mansallakoa' aka' yato ang ungngande anna ang ungngenu', bahtu' ke dai si umpakahoa' allo kamahoa'ang peada'anna to Yahudi, hapanganna pa'rame-rameang bulang bakahu anna allo katohhoang. Ingkänna yato kabiasaang ang noa, hapang kaleete' kalihayona yato aka ang puha nababe Kristus di tempo ang puha napama'tantu.