Populiarios Biblijos eilutės iš 2 Kòríntì ŋa 4

Dalintis

Tsí àa kò módzú ta iŋɛ́ yèé ɔ̀nyà nákó nyáa rí òŋu odzú#ɛ́ si. Iŋɛ́ yèé ɔ̀nyà kàkó nyáa rí òŋu odzú#ɛ́ ní àa módzú ta si#ɛ́. Iŋɛ́ yèé tse#ɛ́, iŋɛ́ yèé ɔ̀nyà nákó nyáa rí òŋu odzú#ɛ́ kà wà si làkóò làkóò. Ó ɖi, iŋɛ́ yèé ɔ̀nyà kàkó nyáa rí òŋu odzú#ɛ́ òŋu wà si làkóò làkóò.

Ńnɛ̀ ní ara kò tì wà kú wa#á. Bí ó dzɛ́ gìɖì ní ó wà ká ara-wa làkóò oɖé, oɖé oo, àyɛ̀ yèé wà ńnɔ́-wa#á òŋu wà ɖi titɔ̃ ńlɛ̀ kã̀kã̀ yèé wà má#á. Fee, à nákó nyáa fɔ̀ ní ìréré yèé àa wà réré nɔ́mbɛ́ báàyí#ɛ́, à kò ti lákṹ, arũ-ŋa gbo nákó wáa mɔ. Àa nákó nyáa fɔ̀ bɛ́ɛ̀, bí ó dzɛ́ ní àa mú ìréré ŋa#á, tsí ń ɖé bá iyì yèé à wà kpaɖí si fú wa#á. Iyì#ɛ́, iyì-àrìtã́ ni, tsí ó wà kpàtàkìì, tsí lákṹ gbo tó bɛ́ɛ̀.

Ìréré ŋa ńǹrɔ́ǹrɔ́ náa tú bò wá. Ó ɖi, à kà sì kpa wá. Ńǹwèrè kã̀ŋa àa náa lɔ káà kã̀. Ó ɖi, odzú-wa kà sì nyà. À náa tsoró bá wa. Ó ɖi, Ɔ̀ɖáyé òŋu kà kɔ̀ wá dzɔ̀ɔ́. À náa mú wa tsã́lɛ̀. Ó ɖi, à kà sì nyáa kpa wá nóòkú.

Ó ɖi, àa gba iŋɛ́-ɛ̀fɛ́ yèé bɛ́ ɖà náàwò-amà ŋa, àtsùgbée ɔ̀nyà ŋa ká rí mà rere ní ikpá yèé bɛ́ yèé kpàtà lé ńǹtá-ikpá ɔ̀kã̀lɔ́ɔ̀kã̀ kpó#ɛ́, ó ti ńɖi-Ɔ̀ɖáyé ni, kò ti ńɖi-wa.

Ètsù†, ikpá-íbàɖí yèé dzɛ́ ólú-ayé yèé bɛ́#ɛ́, ó kpa ìsérè-ɛnɛ yèé ŋa kò gba Ɔ̀ɖáyé gbɔ́#ɛ́. Ó tse bɛ́ɛ̀, àtsùgbée ká máa rí mímá#á. Mímá#á, ikɔ̀ ɖíɖɔ̃̀#ɛ́ wà nyàá kã́ làkóò, tsí wà nya iyì-Kírísítò gbo ɖíre. Bí ò rí Kírísítò gé ni ò wà rí kíbí Ɔ̀ɖáyé wà gbà#á ńnɛ̀ɛ́.

Ɔ̀ɖáyé fɔ̀ ní: “Mímá kó bɔ́ ti ńnɔ́-òkùkù!” Tsí òŋu#ɛ́ ké ní tse tsí mímá‐ɛ̀ tsí ìsérè fú wa#á, àtsùgbée bí àa wà rí àtɛ̀dzú-Kírísítò, ni àa kó rí iyì‐ɛ̀ yèé wà yòɖòɖòò kpó#ɛ́ mà.