Populiarios Biblijos eilutės iš KOLOSSEMAI 3

Dalintis

Alinou liye koa shamea peikhaio ea hatakinou neletao hronou alinou kukhe ali pei hi motouyu bulouzü alinou liye khaipeio. Mapaowo nou neletaoye khaipeiyu büa neletao-a alinou liye khaipei vuzülai.

Neletao vei tsühai deiphao vei nataohi moa reikou vei natao hi khailo.

Alia neletao nou soupfüyu tasü, emai hi moa Mapaowo hi soupei baiwe tea neletao le teitei nou soupfükhaio.

Neletaowo Ramai vei maikhe maitaoe: puhnou neletaoye leshie ea neletaoye lah puhvei donou doloure. Südonou neletao hai khuleshinou, zhuvea nou, nataiyu nou, nashayu nou, alia shameayu nou, neletao lah bahnou vuzülai.

Khrista vei chipao sünaye panou neletao lekhehi nisho-a bulo. Ratsü teitei noupu neletao alinou liye doupeio ea süpeikhaio. Neletao lenou Ramai hi kalo paoyu noupu Rathoyu lou, paoshoyu lou ea sheeyu loutaosü soukhaio. Neletao nou souyu moa paoyu hata hisü, Mapaowo Jisu zhih hinou Puo, Ramai hi puh vanou kalo pao-a soupfülouwo.

Alia zhai haitao teitei pei hinou, ha teiteiye liche-a lerozhoyu hinou phumuzho peiyu leshi nasü bahnoulo.

Neletao hai Khristaye koa hrishu loure touyu thaisü, Khrista nou Ramai bahkha zhoulo vanou buyu buh, reikouvei nataosü phoulo.

Alia Khrista vei kaonayu sünanou neletao lesü panou tukha sahrüloukhaio; daiolouzü kaonayu hainahi Ramai nou neletaoye pfüphao alihi kuve dzüpei khaitoue. Alia kalo pao-a bulo.

Südonou neletao lekhe hinou deiphao vei züpa vah soua buyu taosü southeawuwo, sütaowo louzü khulou souyu, sheemoyu vah souyu, kezhe züpa, ashi züpayu ea dutounüyu haitaoe, (daiolouzü dutounüyu hai basharaye thoyu zhai alie).

Daiolouzü neletaowo thaire, alia neletao hrümaisü Khristaye koa Ramai hinou pokure.

Ana chuo neletao nou haitao teiteisü thao vuzüwulai: lekhayu, rarouyu, maiye ngaorayu, alia maichi paoshiyu, hraopachi paoyu haitao hai neletao tai hinou panou hakia paopa laimoe.

Neletao alinou lihi dawuso, daiolouzü neletao nou zhai akunasü sünavei vahtao-a pu koa laikhaire, alia zhai ashu nasü thouloure, zhai haina hai hainaye sou-apeio Ramai nou puh zhu rai-a tsü hinou sousheepupei khaitouyu zhai nasüe.

Chaamaitao, neletao chapfümaitaoye leshilo ea puletao hisü poushiwuso.

Nahmaitao, ha teitei hinou neletao pfüpuo chi zülo, daiolouzü haisü Mapaowoye rukha soupeiwe.

Chapfümaitao, neletao chaamaitao khakhe hinou hrülo, daiolouzü haisü Mapaowo hinou souzüe.