Baverset oyo Eyebani Mpenza ewuti na Rɔm 14

Kabola

Mba ɓeko̰ lə Luba le to nekusa ose nekay ang, ngaa to neɗa gə gadə-gadə, gə ɗɛgɛgɛ ngaɓa rɔləl ɗəw gə lə Njil Njerɔsangə. Dəw gə ɗa kula lə Kirisi to gə be le ta kəm Luba nəm ngaɓa may ta kəm dəwje nəm tɔ.

Mba to gə ɓo j-awje kəm baa nama j-awje kəm baa mba Mbayɓe, ngaɓa to gə ɓo j-uyje kara j-uyje mba Mbayɓe, le j-awje ne kəm baa ose j-uyje ne kara j-a toje kar Mbayɓe.

Be ɓa may kar-si ja sangəje ne gə ɔsə kudu ɗɛgɛgɛ gə ne gə a kar-si singa gə yo gə nee.

J-a gangəje tar dɔ naa gə gə yo gə nee ang; ngaa may kar j-ar-je gangə tar lə-si təl to jigi no ngon ko̰-si gə ose təl to ɗəw koso lə-a ang.

Mba ꞌɗa mə mbede gə na: M-aw kəm baa, Mbayɓe be, Takəji gə ɗa-ɗa kara a kɔsə nangə no-m gə, Ngaɓa ndo̰ tar gə ɗa-ɗa kara a pa tar ɓar ne ri Luba ɓolong. Be ɓa na-na kara horo-sijee gə le, a kɔr go kula ɗ-ɛ no Luba gə ɔji dɔ-ɛ ye ja.

Uwaje njembɔrɛ gə ɗəw takagə gə gə rɔ-si gə maj-ɛ, ꞌpaje sə-a mba kəji lə-a ang.

ꞌI ꞌto na ɓa ꞌgangə tar dɔ ngon lokisi gə lə dəw wa? N-ar taar, ose n-oso kara to tar lə ꞌɓəə-eje. Ngaa n-a kar taar ja, mba singa Mbayɓe asə mba gəd-e.