Baverset oyo Eyebani Mpenza ewuti na Pilipae 2

Kabola

Tovuol en kami nahasitei kei vuo naling kei nahina nesa nalin teisav. Tahos imok heling rendemien onen heha netan keke heles meatin sav hetahos helin kei. Tetai en kami nandemtei kei enges, ka kei hendem usil teisav keil.

Rendemien onami heha netan hesuval etin rendemien onen Iesu Kristo mul netan.

Veni avaseini keke Kristo vi Ahi en usite vasi keil, kei romumontei rendemien onen vahit hetetamenien onealu vavinvin. Ka kei sokovein hetetamenien onen, ka mita netan mai suval slev tai. Kei, avasi en out netan, ka mai vi meatin enges koa aven mul. Kristo mumon rendemien onen va netan ka long kat Ahi va vio … mat. Anatin, kei maen kei mat en aiveave suval meatin tisa tai.

Veni vi Ahi varei koa mul mum en kami. Kei mul sakin kami emi vati mivousil asa koa en vat kami mivoumoni, ka mul san keihoen emun keke mikilea mivoumoni.

Sakini, Ahi vati lat isen Kristo vina nesa, ka san eis ten hetetamenien mini koa mulin eis sav vasi keil. Sakini, en isen Iesu, tounah vasi iha netan mini: koakeil ten out nesa, koakeil ten out netan, ka koakeil emun amul en out ten matien. Anatin, keil vasi ihitehiteni ihit, “Iesu Kristo vi Asuv onomai.” Hemukonek, isen Ahi Tamen hehina nesa mok.

En tounah vasi koa mimumoni, minasel kututtei ka minavul kattei kami eris. Hesakini, sakien onami hetie lati keke mivi natin Ahi keil koa amutolas, ka tounah tovuol vaha kat usite onami en meten meatin tisa keil ten kosa koa sakien one kalkali. Hemukonek, moulien onami hetitin luhu en keil hesuval hitu keil amul avihil en mankoli.

Tuak ka ahinkuli keil, veni mikur rendemien koa netan suval Iesu, mihelong kat inau suval koa lises mimul mimumoni, en avong koa naro ral min kami, ka en avong kosa imok koa narrotei mun vatal min kami. Hetal min metauen, mihoum hekeih keke mihelei kat revi kami keke sakien keil onami hesuval koakeil Ahi mutut keil ran tisaen.