Idi Ufa 87
87
Yeerusaree maqusa amooqiqau.
1Sioona aaqanasaa naaquqarana saa Yaaweefa narí maqusa auqusee maridanoo.
2Yaaweena Yeerusaree maqusara aidirafa aiqama Isaraee maqa maaqakinaa maqusauqara aidirna uriaaqaranoo maridanoo.
3Oo Anutuna maqusa iria, mifa aniara amiqira ufa kai qidanoo.
4Qinni ufa irimariasa nisaanariqa Firistia maqannaasa faqa Tiree maqannaasa faqa Eetioopia maqannaasa faqa mara Yeerusaree maqannaasa namufaqa moodaanaki quqasee nisaana ruanaura.
5Sioona maqusara maaqi qifaranoo.
Aiqama maqannaasara mi maqusaanaasee qifaranoo.
Miqi qifanoo uriqarara afeeka faqaafa mi maqusana afeekaikamma saannoo.
6Anutufa aiqama fasiqa anaasee nuqu narí papiqaki akara ruannoo.
Misakiqari akaqausara narí ufa irimariasa Sioona maqusanaasa namufaqa nisaana ruannoo.
7Sioona maqusaki maria fasiqa anaaseesa maaqi qimasee idi reefaranoo.
Maasa aiqama amiqi amiqirana oosana Sioona maqusa maridanoo.
© 2017 Wycliffe Bible Translators, Inc. All rights reserved.