Idi Ufa 125
125
Anutuna faiqí aanaaseesa rakisirafa.
1Yaaweena saqariki mariasa Sioona aaqanara foora maridaqa.
Sia amana kasi annoo sia moo fannoo mina mareeqee moosaa quqaannoo.
2Aaqanauqa Yeerusaree maqusa fiqu fiqumma datinoo marindee inoo Yaaweefa narí faiqí anaasee fiqu fiqumma ititannimaqasee maqee faqa naaru faqa rakisi nimaqaidanoo.
3Mandoosana maree mariasa sia amana andeeqarausa maqasaa aiqama kari rakisifaranoo.
Misa miqifaqa andeeqarausa misasaaqaraa aaqara oosana maree foora.
4Oo Yaawee andeeqara oosana maree mariasa amiqi amiqimmannimaqaa.
Ani naamuaqira ufamau fimariasa amiqi amiqimma nimaqaa.
5Miqidana anee manda oosana maree mariasa aupurarana nimidana ani ufa minnisee kaqi runna fimariasa faqa aupurarana nimia.
Asooarafa Isaraee maqannaaki mariani.
Manda ainainakinaana mara kaqinni uqannisaani fee innaaru.
© 2017 Wycliffe Bible Translators, Inc. All rights reserved.