Jonás 2
2
1Ñandejára katu omondo peteĩ pira guasu omokõ haguã Jonáspe. Ha Jonás oĩ upe pira guasu ryepýpe mbohapy ára ha pyhare.#Mt 12.40.
Jonás ñembo'e
2Ha upe pira ryepy guive Jonás oñembo'e Ñandejárape, 3ha he'i:
Ajejopy vai jave rohenói Ñandejára,
ha nde che rendu.#2 S 22.7; Sal 18.7; 120.1.
Omanóva ohoha ruguágui asapukái
ha nde rehendu che ñe'ẽ.#Sal 130.1; Lm 3.55.
4Che mombo niko
y ipypukuvehápe,
ha upépe aĩ aja
umi y che aho'i,
che ári ohasa.#Sal 42.8; 88.4-8.
5Añandu che py'apýpe
añemosẽha ne renondégui,
ha ndahecha mo'ã veimaha
nde tupao marangatu.#Sal 31.23.
6Y oupa che ári ha che pytupa.
Che aho'ipa yguasu pypuku,
ha ygáu che akãre iñapañuaimba.
7Añapymi umi tugua ipypukuveha peve,#Sal 69.3.
ha añandu upépe guarãntema
vaicha che.
Nde katu Tupã, che Jára,
upe tuguágui che renohẽ
ha che moingove.#Sal 30.4.
8Añandu ramo ojehekýiha
che hegui che rekove,
añembo'e ndéve, Ñandejára.
Che rembijerure oguahẽ ne rendápe,
nde tupao marangatúpe.
9Umi tupã gua'u omomba'e guasúva
nde hegui oñemomombyry.
10Che katu rogueropurahéita
che py'aite guive,
ha che mba'e kuave'ẽ
amoguahẽta ndéve.
Che ñe'ẽ ame'ẽ vaekue ndéve
ajapóta.#Sal 22.26.
Nde añoite Ñandejára
upe che renohẽva ivaívagui.
11Upéi Ñandejára he'i upe pirápe oity haguã Jonáspe y rembe'ýpe.
Guarani DC Bible © Sociedad Bíblica Paraguaya, 1996.
Jonás 2
2
1Ñandejára katu omondo peteĩ pira guasu omokõ haguã Jonáspe. Ha Jonás oĩ upe pira guasu ryepýpe mbohapy ára ha pyhare.#Mt 12.40.
Jonás ñembo'e
2Ha upe pira ryepy guive Jonás oñembo'e Ñandejárape, 3ha he'i:
Ajejopy vai jave rohenói Ñandejára,
ha nde che rendu.#2 S 22.7; Sal 18.7; 120.1.
Omanóva ohoha ruguágui asapukái
ha nde rehendu che ñe'ẽ.#Sal 130.1; Lm 3.55.
4Che mombo niko
y ipypukuvehápe,
ha upépe aĩ aja
umi y che aho'i,
che ári ohasa.#Sal 42.8; 88.4-8.
5Añandu che py'apýpe
añemosẽha ne renondégui,
ha ndahecha mo'ã veimaha
nde tupao marangatu.#Sal 31.23.
6Y oupa che ári ha che pytupa.
Che aho'ipa yguasu pypuku,
ha ygáu che akãre iñapañuaimba.
7Añapymi umi tugua ipypukuveha peve,#Sal 69.3.
ha añandu upépe guarãntema
vaicha che.
Nde katu Tupã, che Jára,
upe tuguágui che renohẽ
ha che moingove.#Sal 30.4.
8Añandu ramo ojehekýiha
che hegui che rekove,
añembo'e ndéve, Ñandejára.
Che rembijerure oguahẽ ne rendápe,
nde tupao marangatúpe.
9Umi tupã gua'u omomba'e guasúva
nde hegui oñemomombyry.
10Che katu rogueropurahéita
che py'aite guive,
ha che mba'e kuave'ẽ
amoguahẽta ndéve.
Che ñe'ẽ ame'ẽ vaekue ndéve
ajapóta.#Sal 22.26.
Nde añoite Ñandejára
upe che renohẽva ivaívagui.
11Upéi Ñandejára he'i upe pirápe oity haguã Jonáspe y rembe'ýpe.
Guarani DC Bible © Sociedad Bíblica Paraguaya, 1996.