प्रेरित.कामी 14
14
इकुनियुम रे पौलुस आउर बरनाबस
1इकुनियुम रे नोकान नेना ची हुंकिन जाहुदीकु आला बिनती ओड़ाअ रे साँघे सेन नेनाकिन, तेकर नोकान भासनाव लआकिन ची, जाहुदी, तेकर एटाअ जाईत बनार मेसे ढेर बिसवासी बनाव नाकु। 2बकिर का बि-बिसवास जाहुदीकु, एटाअ जाईतकु के उकसाव लिकुआकु, आउर हुंकू आला मन रे, बिसवासी बोकोकु आला बिरोध रे घींड़ पेरेःग केदाकु। 3पौलुस तेकर बरनाबस ढेर दिन जगुत होनाःड़े ताही नेनाकिन, तेकर परभु आला भरसा रे डिड़-ते बाते केनाकिन, तेकर परभु हुंकिन आला तीः तरअः चिनहा तेकर छकरित कामी कामीः ची केते, अपन दया रअः बारे रे पौलुस आउर बरनाबस आला बचन के गोवाही एमे केनाय। 4नोःआँ लकान सहर रिनकु होड़ रे अनबन हुयाव ना, नोःआँ चलते आधा दो जाहुदीकु पखा, आधाकु प्रेरितकु पखा नेनाकु।
5बकिर एटाअ जाईत तेकर जाहुदीकु, हुंकू के सा-सातव, तेकर छेछेछोम लःअय अपन सरदारकु समेत, हुंकू जोजना बनाय केनाकु 6दो प्रेरितकु के नोःआँ रेनअः पता चलाव ना, तेकर हुंकू लुकाओनिया राईज रआ लुस्तोरा आउर दिरबे नुमू सहर तेकर हिना आस-पास रेनअः पहटा रे नीर नाकु। 7आउर होनाःड़े बेस खभाईर के सुनावऊ दिकुआकु।
लुस्तोरा रिनी लंगड़ा रआ बेसोः
8लुस्तोरा रे मियांड होड़ दुड़ूः थिनाय जे आयाते आला ओदोर तरअः गी लंगड़ा ताही नेनाय, तेकर ओका हिला होः काय चलाव ताही नेना। 9हुनी पौलुस के बा-बतियाव आयुमी केनाय। पौलुस हुनी के नेलबि:ड किदयाय, तेकर हुनी रे छुटाव आमीनोअ लकान बिसवास नेल केते, 10जोड़ से कंहड़ी लःअय “बिरिःड मे तेकर अपन जांगा रे सोझ तिंगुन मे!” हिमीन रे हुनी उछलाव बिरिःड केते दंड़ा-बंड़ान तनाय। 11होड़कु पौलुस आला नोःआँ कामी के नेल केते, “देवता किन, होड़कु आला भेस रे आबु दुबाःड़े अड़गु तनाकिन, मेन केते लुकाओनियाई भाखा रे जोड़ से कंहड़ीः दाकु!” 12हुंकू बरनाबस के ज्युस, तेकर पौलुस के हेरमेस, बेता लियाकु, एता लःअय ची बा-बतियाव रे मुख ताही नेनाय। 13सहर रेनअः बाहरी ज्युस आला मंदिर ताही नेना, होनाःड़े रिनी पुजार उरीःग तेकर बाहा रेनअः माला के सहर रेनअः दुवार दुबाःड़े आगु लःअय, एता लःअय ची हुनी तुन्दरा होड़कु लोः प्रेरितकु के बलिदान नाम केनाय।
14बकिर बरनाबस तेकर पौलुस प्रेरित नोःआँ बात के आयुम लअकिन, दो अपन गेन्दरअ के ओड़ेःग केते, नोःआँ गुल यअते भीड़ रे नीर बोलोअ नाकिन, 15#उइठ 20:11; सिरिंग 146:6“ए होड़कु आपे नोःआँ एतान दापे? आलिंग होः आपे लकान गी होड़ हेके! आपे नुकू बेकार जिनीस तरअः अलग केते, जिवीःड परमेसर पखा फिराअ पे, जे सिरमा राईज, तेकर धरती, आउर समुदर, हेतरअ जे कुछ होंड़े एदनाआ के सिरजाव तदाय होना बेस खभाईर सुसुनाव हीःग तनालिङ। 16हुनी, सेनोः ना जुग रे जामा जाईतकु के अपन-अपन होरा रे सेन ची लिकुआय। 17सेरे होः हुनी अपने के, बेगवाह काय बाई लआ बकिर बेस काम तरअः, आउर सिरमा तरअः बरखा हेतरअ बढ़ियाँ अनाईज एमे केनाय, तेकर भरल-पुराल अनाईज एम केते, आउर आबु आला मन के खुसी रे पेरेगे केनाय।” 18नोःआँ कंहड़ी केते होः, हुंकिन होड़कु के अलिंग लःअय आलपे पुजाय मेन केते, बड़ा मसकिल रे बधराव लिकुआकिन।
19हिमीन रे थोड़ेक जाहुदीकु अन्ताकिया तेकर इकुनियुम तरअः हीःग केते, होड़कु के मनाव केते अपन पखा लिकुआकु, हुंकू पौलुस के टुकू रे छेछोम केते, तेकर गोएःग नाय समझाव केते सहर तरअः बाहरी ते, घसघिड़रा ओर ईदी केते बाइ:गतु लियाकु। 20बकिर जे बेरा चेलाकु हुनी आला चाईरो पखा हीःग केते तिंगुः नाकु, दो हुनी बिरिःड केते सहर रे सेन नेनाय। तेकर दोसरा हिला बरनाबस लोः दिरबे सेन नेनाय।
सिरिया रेनअः अन्ताकिया रे रूवाड़ोः
21हुंकिन दिरबे सहर रे बेस खभाईर सुनाव केते, तेकर ढेर चेला बनाव तु केते, लुस्तोरा आउर इकुनियुम रे सेन यअते पिसिदिया रआ अन्ताकिया सहर रूवाड़ हीःग नेनाकिन। 22तेकर चेलाकु आला मन के ढाढ़स एमा कु केनाकिन, आउर नोःआँ उपदेस एमा कु केनाकिन, ची बिसवास रे बनाव ताहिन पे, आउर कंहड़ी लआकिन ची “आबु के मुरुक बिपाईत उठाव केते, परमेसर आला राईज रे बोल एदनाअ” मेन केते, संतवाना एमा कु केनाकिन। 23आउर जामा कलीसिया रे अगुवाकु के ठहराव केते, तेकर बिनती हेतरअ उपास केते, होना तयोम जेकर रे हुंकू बिसवास चुकाव थिनाकु, हुंकू होड़ के परभु आला तीः रे जिमाओ लिकुआकु।
24हुंकू पिसिदिया पहटा परोम केते, पंफुलिया पहटा सोदोर नेनाकु। 25तेकर पिरगा सहर रे बचन सुनाव केते अत्तालिया सहर हीःग नेनाकिन, 26तेकर होनाःड़े तरअः जहाज रे रकाःब केते, सिरिया पहटा रेनअः अन्ताकिया सेन नेनाकु। होनाःड़े तरअः जे एड़े होना काम लःअय जे हुंकू पुराव थिलाआकु परमेसर रअः दया रे सोंपाव थिलाआकु।
27होनाःड़े सोदोर केते, हुंकू कलीसिया के राअः जवार केते, परमेसर हुंकिन लोः एता लकान कामी लःअय, तेकर एटाअ जाईतकु लःअय बिसवास रआ दुवार खोलाव लःअय, मेन केते उदूओ लिकुआकु। 28तेकर हुंकू चेलाकु लोः ढेर दिन जगुत ताही नेनाकु।
© 2023 NLCI CC BY-NC-ND 4.0
प्रेरित.कामी 14
14
इकुनियुम रे पौलुस आउर बरनाबस
1इकुनियुम रे नोकान नेना ची हुंकिन जाहुदीकु आला बिनती ओड़ाअ रे साँघे सेन नेनाकिन, तेकर नोकान भासनाव लआकिन ची, जाहुदी, तेकर एटाअ जाईत बनार मेसे ढेर बिसवासी बनाव नाकु। 2बकिर का बि-बिसवास जाहुदीकु, एटाअ जाईतकु के उकसाव लिकुआकु, आउर हुंकू आला मन रे, बिसवासी बोकोकु आला बिरोध रे घींड़ पेरेःग केदाकु। 3पौलुस तेकर बरनाबस ढेर दिन जगुत होनाःड़े ताही नेनाकिन, तेकर परभु आला भरसा रे डिड़-ते बाते केनाकिन, तेकर परभु हुंकिन आला तीः तरअः चिनहा तेकर छकरित कामी कामीः ची केते, अपन दया रअः बारे रे पौलुस आउर बरनाबस आला बचन के गोवाही एमे केनाय। 4नोःआँ लकान सहर रिनकु होड़ रे अनबन हुयाव ना, नोःआँ चलते आधा दो जाहुदीकु पखा, आधाकु प्रेरितकु पखा नेनाकु।
5बकिर एटाअ जाईत तेकर जाहुदीकु, हुंकू के सा-सातव, तेकर छेछेछोम लःअय अपन सरदारकु समेत, हुंकू जोजना बनाय केनाकु 6दो प्रेरितकु के नोःआँ रेनअः पता चलाव ना, तेकर हुंकू लुकाओनिया राईज रआ लुस्तोरा आउर दिरबे नुमू सहर तेकर हिना आस-पास रेनअः पहटा रे नीर नाकु। 7आउर होनाःड़े बेस खभाईर के सुनावऊ दिकुआकु।
लुस्तोरा रिनी लंगड़ा रआ बेसोः
8लुस्तोरा रे मियांड होड़ दुड़ूः थिनाय जे आयाते आला ओदोर तरअः गी लंगड़ा ताही नेनाय, तेकर ओका हिला होः काय चलाव ताही नेना। 9हुनी पौलुस के बा-बतियाव आयुमी केनाय। पौलुस हुनी के नेलबि:ड किदयाय, तेकर हुनी रे छुटाव आमीनोअ लकान बिसवास नेल केते, 10जोड़ से कंहड़ी लःअय “बिरिःड मे तेकर अपन जांगा रे सोझ तिंगुन मे!” हिमीन रे हुनी उछलाव बिरिःड केते दंड़ा-बंड़ान तनाय। 11होड़कु पौलुस आला नोःआँ कामी के नेल केते, “देवता किन, होड़कु आला भेस रे आबु दुबाःड़े अड़गु तनाकिन, मेन केते लुकाओनियाई भाखा रे जोड़ से कंहड़ीः दाकु!” 12हुंकू बरनाबस के ज्युस, तेकर पौलुस के हेरमेस, बेता लियाकु, एता लःअय ची बा-बतियाव रे मुख ताही नेनाय। 13सहर रेनअः बाहरी ज्युस आला मंदिर ताही नेना, होनाःड़े रिनी पुजार उरीःग तेकर बाहा रेनअः माला के सहर रेनअः दुवार दुबाःड़े आगु लःअय, एता लःअय ची हुनी तुन्दरा होड़कु लोः प्रेरितकु के बलिदान नाम केनाय।
14बकिर बरनाबस तेकर पौलुस प्रेरित नोःआँ बात के आयुम लअकिन, दो अपन गेन्दरअ के ओड़ेःग केते, नोःआँ गुल यअते भीड़ रे नीर बोलोअ नाकिन, 15#उइठ 20:11; सिरिंग 146:6“ए होड़कु आपे नोःआँ एतान दापे? आलिंग होः आपे लकान गी होड़ हेके! आपे नुकू बेकार जिनीस तरअः अलग केते, जिवीःड परमेसर पखा फिराअ पे, जे सिरमा राईज, तेकर धरती, आउर समुदर, हेतरअ जे कुछ होंड़े एदनाआ के सिरजाव तदाय होना बेस खभाईर सुसुनाव हीःग तनालिङ। 16हुनी, सेनोः ना जुग रे जामा जाईतकु के अपन-अपन होरा रे सेन ची लिकुआय। 17सेरे होः हुनी अपने के, बेगवाह काय बाई लआ बकिर बेस काम तरअः, आउर सिरमा तरअः बरखा हेतरअ बढ़ियाँ अनाईज एमे केनाय, तेकर भरल-पुराल अनाईज एम केते, आउर आबु आला मन के खुसी रे पेरेगे केनाय।” 18नोःआँ कंहड़ी केते होः, हुंकिन होड़कु के अलिंग लःअय आलपे पुजाय मेन केते, बड़ा मसकिल रे बधराव लिकुआकिन।
19हिमीन रे थोड़ेक जाहुदीकु अन्ताकिया तेकर इकुनियुम तरअः हीःग केते, होड़कु के मनाव केते अपन पखा लिकुआकु, हुंकू पौलुस के टुकू रे छेछोम केते, तेकर गोएःग नाय समझाव केते सहर तरअः बाहरी ते, घसघिड़रा ओर ईदी केते बाइ:गतु लियाकु। 20बकिर जे बेरा चेलाकु हुनी आला चाईरो पखा हीःग केते तिंगुः नाकु, दो हुनी बिरिःड केते सहर रे सेन नेनाय। तेकर दोसरा हिला बरनाबस लोः दिरबे सेन नेनाय।
सिरिया रेनअः अन्ताकिया रे रूवाड़ोः
21हुंकिन दिरबे सहर रे बेस खभाईर सुनाव केते, तेकर ढेर चेला बनाव तु केते, लुस्तोरा आउर इकुनियुम रे सेन यअते पिसिदिया रआ अन्ताकिया सहर रूवाड़ हीःग नेनाकिन। 22तेकर चेलाकु आला मन के ढाढ़स एमा कु केनाकिन, आउर नोःआँ उपदेस एमा कु केनाकिन, ची बिसवास रे बनाव ताहिन पे, आउर कंहड़ी लआकिन ची “आबु के मुरुक बिपाईत उठाव केते, परमेसर आला राईज रे बोल एदनाअ” मेन केते, संतवाना एमा कु केनाकिन। 23आउर जामा कलीसिया रे अगुवाकु के ठहराव केते, तेकर बिनती हेतरअ उपास केते, होना तयोम जेकर रे हुंकू बिसवास चुकाव थिनाकु, हुंकू होड़ के परभु आला तीः रे जिमाओ लिकुआकु।
24हुंकू पिसिदिया पहटा परोम केते, पंफुलिया पहटा सोदोर नेनाकु। 25तेकर पिरगा सहर रे बचन सुनाव केते अत्तालिया सहर हीःग नेनाकिन, 26तेकर होनाःड़े तरअः जहाज रे रकाःब केते, सिरिया पहटा रेनअः अन्ताकिया सेन नेनाकु। होनाःड़े तरअः जे एड़े होना काम लःअय जे हुंकू पुराव थिलाआकु परमेसर रअः दया रे सोंपाव थिलाआकु।
27होनाःड़े सोदोर केते, हुंकू कलीसिया के राअः जवार केते, परमेसर हुंकिन लोः एता लकान कामी लःअय, तेकर एटाअ जाईतकु लःअय बिसवास रआ दुवार खोलाव लःअय, मेन केते उदूओ लिकुआकु। 28तेकर हुंकू चेलाकु लोः ढेर दिन जगुत ताही नेनाकु।
© 2023 NLCI CC BY-NC-ND 4.0