Mekece 2
2
Ugeru wu uva̱la̱ta̱ gundo gundo
1A̱sulazuva a yuwan ta̱ adanshi na̱ Musa na̱ Haruna u damma, 2<<Aza a Isra'ila a̱ ta̱ va̱la̱ utakatsuwu a̱ka̱nda̱ruwa̱ Oogodo o Uga'asusan, u'wa suru uba̱ta̱ wa atuta wu ugundo u le.>>
3Aza a na a̱a̱ va̱la̱ upasu wa asana, upasu u na urana u tsu uta̱ ele ɗa ugundo wa Yahuza uba̱ta̱ wa atuta e le o una̱ wo oɓolo e le. Zagbain va ama a Yahuza a̱yi ɗa Nashon ulobo wa Aminada. 4A̱bunda̱ o oɓolo a̱ yi a ɗa ama ukpakukupa kupocindere nu ukpakukupa una̱shi nu ukpakuta̱li (74,600).
5Ugundo wa Isaka u ɗa wa̱a̱ va̱la̱ zuzu ne ele. Zagbain vu ugundo wa Isaka a̱yi ɗa Nataniya ulobo wa̱ Zowa. 6A̱bunda̱ o oɓolo a̱ yi a ɗa ama ukpakukupa kupoton nu ukpakukupa una̱shi nu ukpakuna̱shi (54,400).
7Reve ugundo wa̱ Zebulun u kuru. Zagbain vu u'wa wa Zebulun a̱yi ɗa Eliyabu ulobo wa Helon. 8A̱bunda̱ o oɓolo a̱ yi a ɗa ama ukpakukupa kupoton nu ukpakukupa ucindere nu ukpakuna̱shi (57,400).
9A̱bunda̱ o oɓolo a na a̱ ri upasu wa Yahuza suru suru a rawa ta̱ ama ukpakukupa ukpaku nu ukpakukupa kupakunla̱ nu ukpakukupa uta̱li nu ukpakuna̱shi (186,400).
10Aza a na a̱a̱ va̱la̱ upasu wu uyagi ele ɗa ugundo wa̱ Roben uba̱ta̱ wa atuta e le. Zagbain vu ugundo wa̱ Roben a̱yi ɗa Elizu ulobo wa Shedeya. 11A̱bunda̱ o oɓolo a̱ yi ele ɗa ama ukpakukupa amunga nu ukpakukupa uta̱li nu ukpakuton (46,500).
12Aza a na a̱a̱ va̱la̱ zuzu ne ele ɗa ugundo wa Saminu. Zagbain vu ugundo wa Saminu a̱yi ɗa Shelumiye ulobo wa Zurishadai. 13A̱bunda̱ o oɓolo a̱ yi a rawa ta̱ ama ukpakukupa kupoton nu ukpakukupa kucci nu ukpakuta'atsu (59,300).
14Reve ugundo wa Gadu u kuru. Zagbain vu ugundo wa Gadu a̱yi ɗa Eliyasa ulobo wa Reyuwe#2:14 Reyuwe <<Reyuwe>> na̱ <<Reyuwe>> aala a̱ ta̱ a ɗa, adama o ndolo ozo o ro a zuwa yi ta̱.. 15A̱bunda̱ o oɓolo a̱ yi a rawa ta̱ ama ukpakukupa amunga nu ukpakukupa uton nu ukpakuta̱li na̱ kupoton (45,650).
16Suru suru a̱bunda̱ o oɓolo a na a̱ ri e eɓele o ugundo wa̱ Roben o uva̱la̱ta̱'a̱ ele ɗa ama ukpakukupa ukpaku nu ukpakukupa kupoton nu ukpakukupa nu ukpakuna̱shi na̱ kupoton (151,450). Ele ɗa a̱ kuru ire a mantsa mo u'yosun.
17Reve nan Levi a̱ kuru e memere mo oɓolo me re'e utanuwu no Oogodo o Uga'asusan. A̱ ta̱ 'yon ugeru cine a̱ va̱la̱i, za suru uba̱ta̱ wa atuta o ugundo wa̱ yi.
18Upasu wa̱ a̱livu u to o'wo uva̱la̱ta̱ wo oɓolo a Ifiramu uba̱ta̱ wa atuta e le. Zagbain vu ugundo wa Ifiramu a̱yi ɗa Elishama ulobo wa Amihu. 19A̱bunda̱ o oɓolo a̱ yi ele ɗa ama ukpakukupa amunga nu ukpakuton (40,500).
20Reve ugundo wa Manase u kuru le. Zagbain vu ugundo wa Manase a̱yi ɗa Gamaliya ulobo wa Fedazu. 21A̱bunda̱ o oɓolo a̱ yi ele ɗa ama ukpakukupa mata'atsu nu ukpakukupa ure nu ukpakure (32,200).
22Reve ugundo wa Banyami u kuru. Zagbain vu ugundo wa Banyami a̱yi ɗa Abidan ulobo wa Gidiyoni. 23A̱bunda̱ o oɓolo a̱ yi ele ɗa ama ukpakukupa mata'atsu nu ukpakukupa uton nu ukpakuna̱shi (35,400).
24Suru suru a̱bunda̱ o oɓolo e eɓele a Ifiramu ele ɗa ama ukpakukupa ukpaku nu ukpakukupa kunla̱ nu ukpaku (108,100). Ele ɗa a̱a̱ kuru ta'atsu o u'yosun.
25Upasu wu ugana u to o'wo oɓolo a Dan uba̱ta̱ wa atuta e le. Zagbain vu ugundo wa Dan a̱yi ɗa Ahiyeza ulobo wa Amishadai. 26A̱bunda̱ o oɓolo a̱ yi ele ɗa ama ukpakukupa kupota̱li nu ukpakukupa ure nu ukpakucindere (62,700).
27Aza a na a̱a̱ va̱la̱ zuzu ne ele, ele ɗa ugundo wa Asha. Zagbain vu ugundo wa Asha a̱yi ɗa Fagiye ulobo wo Okiran. 28A̱bunda̱ o oɓolo a̱ yi ele ɗa ama ukpakukupa amunga nu ukpakukupa nu ukpakuton (41,500).
29Aza a na a̱a̱ va̱la̱ zuzu ne ele, ele ɗa ugundo wa Nafutali. Zagbain vu ugundo va Nafutali a̱yi ɗa Ahira ulobo wa Enan. 30A̱bunda̱ o oɓolo a̱ yi ele ɗa ama ukpakukupa kupoton nu ukpakukupa uta'atsu nu ukpakuna̱shi (53,400).
31Suru suru a̱bunda̱ o oɓolo e eɓele a Dan ele ɗa ama ukpakukupa ukpaku nu ukpakukupa kupoton nu ukpakukupa ucindere nu ukpakuta̱li (157,600). Ele ɗa oo koso 'yon oɓolo na atuta e le.
32Apa nda a̱bunda̱ a aza a Isra'ila a na e kecei o ugeru wu 'wa vu nkaya n le. Suru aza a na a̱ shi uva̱lu oɓolo oɓolo ele ɗa ama ukpakukupa ukpakuta̱li nu ukpakukupa uta'atsu nu ukpakuton na̱ kupoton (603,550). 33Amma e kece nan Levi oɓolo na akapi a aza a Isra'ila shi, cine A̱sulazuva a dammai Musa.
34Ne ɗa aza a Isra'ila a yuwain ili biti cine A̱sulazuva a dammai Musa. Ne ɗa a̱ va̱la̱i ba̱ta̱ va atuta e le, ne ɗa waru a̱ 'yoyin za suru nu ugundo wa̱ yi nu u'wa u tsukaya tsa̱ yi.
©️2025 Language Development and Translation Initiative (LDTI)