Mollurolovomato 6
6
1Toruda'ai Gooti Yawel Moosesollu kuudokaikono. “Aga nuu Feroo toollu igolodo'mure tovi noonbinekugono. Aki moro jurogudo kuunodo tokwe sugolmi toga'no'gwowi nokwo ikwonyapino yonekono. Toro tool moro jurogudo kuunodo tokwe kwiroobwemi su toga surodo wuunowo'ji gamoro kwako Ijup towaida'ai kemi nomovomjekwapiyonekono.” Kuudokaikono.
Gooti tool Moosesollu aki aiko te adomaroka tovinokwono
2 #
Mdk. 17:1, 28:3; Moll. 3:13-15 Aki toruda'ai Gooti tool Moosesollu aro kuudokaikono. “Nuu Yawel toonyugono. 3Toro toonyu aiyoga Eburaiyameke Aisakeke Jekoopeke toorai wiyalo'nodum mino yovo puruv aro tovi kuujajonyugono. “Gooti Jurogudo Kuunodolenyugono.” Toro wuudodore tovi yovo su to kuvi anyujajuponyugono. Toro kuvi kuruv mino yovo, Yawelo, to'gwowi muujajonyugono. 4Toro muujajo kworai kuruv nuu wiyalo'nodum subuu'yamju aro aduuwiyajonyugono. “Kwako Kenan towai bomwallo yodupudo toru kemiyo'mo nekullamorukono.” Subuu'yamju toro aduuwiyajonyugono. 5Aki aga Ijupda'ai tooro Isuraiyolda'ai tobuurai ki'nato womdo uubweyodopure tobuuro kwaru kwarupto dai'dopure tovi wuu'nodumdonyugono. Toro te moro subuu'yamju kwiyajo tovino aki aiko te kuudo yau'dum kuvinono uumjunmonyugono. 6Toro tovino tov guu Isuraiyolda'ai a'mwo abolo tonyu aro neya duudono. “Nuu Gooti Yawel toonyugono. Toro toonyu Ijupda'ai tooro kemi womdo bwotonyo aikubweyadokwopo toorai kirumwallo'mo tov moro jurogudo kuunodo togai nomovagu'mwojumorogano. Yo'mi kemi kworavuro dolago tomuuda'ai bomollurolovekumokalokuumonyugono. 7Toro abomollurolovekumokalokuumi togaikullu nuu maikullumwojumwalmonyugono. Aki nuvnokwe toonyu kemi Gooti kuunodo ikullumo'numwalmonyugono. Toro togaikul mino tov aro kuudo youronumapinogaikikono. Oo nemi Gooti Yawel Ijupda'ai tooro jul'nyo nekubweyodopure tovi dolago tomuuda'ai abomollurolovonekumokalokwokaldeyo. Kuudo yanuu'mwalpinogaikikono. 8Aki toro toonyu me'no bomollurolovekumokalokwo'mi kemi tellukweyago Eburaiyameke Aisakeke Jekoopeke toorai subuu'yamju aduuwiyo kwako su toru'no ikumokavla'monyugono. Toro ikumokavlavo'mi kwako su tov kemiyo'mo kuunodo ikullumo'nonokwono. Nuvu Yawel toonyu toro agudadokwono.” Duudono.” Kuudokaikono. 9Toro kuudoka tovi Moosesol Isuraiyolda'ai tonyuno plaino sumaiyokwe Gooti Yawelluro kuuguudo kuudoka tovi sodubwasokaikono. Toro sodubwasoka kuvi kuruv Isuraiyolda'ai a'mwo abolo ton kaduko mwiyopogano. Kemi ki'nato womdo yodupudo tovida'ai jul'nyo bwotonyo ton ibwosunodupudo tovino tov Moosesollu kaduko mwiyopogano.
10Toro te Gooti Yawel Moosesollu kuudokaikono. 11“Guu Ijupda'ai a'mwo aguto kig Feroo toollomno plavo'bi aiko te aro duudono. “Isuraiyolda'ai ton gumoro kwako tovi wuugollu'movopi bolokwodopure tonyu wonyapino neya jono.” Duudono.” Kuudokaikono. 12Toro kuudoka kuvi kuruv Moosesol Gooti Yawellu kuudokaikono. “Isuraiyolda'ai ton moro yogalo wuudodore tovi manuu'nyubusuko yodupudogano. Toro te nuu yogalo pi'mwono majokwe tekwonyu a'mwo aguto Feroo toollu kuudumi to'gwowi adadomgu'aro kaduko nyonoldeyo? Awiyo, kaduko ku'nono manyonekono.” 13Toro kuudoka tovi Gooti Yawel Mooseseke Erooneke todorallu kuudokaikono. “Kevu Isuraiyolda'ai a'mwo abolo tonyu Ijupda'ai bomollubworomokalokuubullunorakikono. Toro te aga plavo'bullu Ijupda'ai a'mwo aguto kig Feroo tooke'aro Isuraiyolda'ai togai'aro tonyu moro kuuguudo amodekwapiyo ton jodubwasulo.” Gooti Yawel Mooseseke Erooneke todorallu toro amodapiyokaikono.
Mooseseke Erooneke todoralluro iko tovasuda'ai tonyunokwono
14To'no'gwowi Isuraiyololluro go'no go'no iko tovasuda'ai kwikweyago muudu'no sumo'nopo tooro arorogano. Jekoopolluro muugunyo sumdomguda'ai Ruubenol kwolaiyo aral aral toorai sawosunokaikono. Toro tooraino yovo tov Hanookol Paluu'wol Hesroonol Karimiyol toorai sawosunokaikono. Toro tooro iko go'no go'nodo tovasuda'ai tooravuro kwikweyago kwimo'nyajuporogano. 15Aki Jekoopolluro muugunyo Simiyoonolluro kwolaiyo sawosunoka tooraino yovo tov Jemuuweleke Jamineke Oohateke Jakineke Soohareke Sooleke toorai sawosunokaikono. Soolol Kenanda'ai abolo puvuro somarokaikono. Toro tooro iko go'no go'nodo tovasuda'ai tooravuro kwikweyago kwimo'nyajuporogano. 16Aki Jekoopolluro muugunyo lukomguda'ai Livaiyolluro kwolaiyo sawosunoka tooraino yovo tov Gesooneke Koohateke Merariyeke toorai sawosunokaikono. Livaiyol 137 kworomokwe tool abolokaikono. 17Toruda'ai Livaiyolluro muugunyo Gesoonolluro sawosunoka tooralluno yovo tov Lipniyeke Simeyaike toorallu sawosunokaikono. Toro tooral iko go'no go'nodo tovasuda'ai tooravuro kwikweyago kwimo'nyajulorakono. 18Aki Livaiyolluro muugunyo lukomguda'ai Koohatolluro kwolaiyo sawosunoka tooraino yovo tov Amurameke Isareke Hibrooneke Uusiyoleke toorai sawosunokaikono. Koohatol 133 kworomokwe tool abolokaikono. 19Aki Livaiyolluro muugunyo aiyowo'wuullako Merariyolluro kwolaiyo sawosunoka tooralluno yovo tov Maliyeke Muusiyeke toorallu sawosunokaikono. Yiuwi'nokai su toro tooro Livaiyolluro iko tovasuda'aiyorogano.
20Aki Koohatolluro muugunyo Amuramol gami jowiyago Jookebetovi amarokaikono. Toro amaroka tov Amuramolluro kwolaiyo Erooneke Mooseseke todorallu somarokakwono. Amuramol 137 kworomokwe tool abolokaikono. 21Aki Koohatolluro muugunyo Isarolluro kwolaiyo sawosunoka tooraino yovo tov Koora'weke Nefekeke Sikiriyeke toorai sawosunokaikono. 22Aki Koohatolluro muugunyo Uusiyolluro kwolaiyo sawosunoka tooraino yovo tov Misaiyeleke Elisapaneke Sitiriyeke toorai sawosunokaikono. 23Amuramolluro muugunyo Eroonol Aminadapolluro taiyo Elisibavi amarokaikono. Aki toro tov Nasoonollu jo'mwokwono. Toro tovuro kwolaiyo somaroka tooraino yovo tov Nedapeke Abiyuu'weke Eleyasareke Itamareke toorai somarokakwono. 24Toruda'ai Koora'wolluro sawosunoka tooraino yovo tov Asireke Elikana'weke Abiyosapeke toorai sawosunokaikono. Toro sawosunoka tooro Koora'wolluro iko tovasuda'ai sumo'nopo tooravuro kwikweyago sumo'nyajuporogano. 25Aki Eroonolluro muugunyo Eleyasarol Puutiyololluro taiyo puvi amarokaikono. Toro amaroka tov kwolaiyo Finiyasollu somarokakwono. Yiuwi'nokai su tooro Livaiyolluro iko go'no go'nodo tovasuda'ai tooravuro kwikweyago kwimo'nyajuporogano.
26Toro te Erooneke Mooseseke todoralluro yovo su toval me'no kwosungikovakono. Toro todorallu Gooti Yawel aro me'no kuudokaikono. “Kevu Isuraiyolda'ai iko go'no go'nodo tovasuda'ai sumo'nopo su tonyu Ijup tomuuda'ai bomokalokuubullunorakikono.” Kuudokaikono. 27A'mwo su todoral Ijupda'ai a'mwo aguto kig Feroo toollu aro me'no kuudolorakono. “Isuraiyolda'ai tonyu jurolowapiyono.” Kuudolorakono. Toro kuudolo su tooral yiuno Erooneke Mooseseke todorakono.
Gooti Yawel Mooseseke Erooneke todorallu kuuguudo kwiyoka tovinokwono
28Sumdomgu toga Moosesol Ijup toru kuuno mwaloduke toollu Gooti Yawel kuuguudo me'no kuudokaikono. 29Gooti Yawelluro Moosesollu kuudoka su tov arokwono. “Nuu Gooti Yawel toonyugono. Toro toonyuro kuuguudo pun nogudumonyugono. Kuuguudo agudumi su ton Ijupda'ai a'mwo aguto kig Feroo toollomno mokavlavo'bi neya jodubwasono.” 30Gooti Yawel toro kuudoka kuvi kuruv Moosesol kuudokaikono. “Nuu yogalo tov pi'mwono majokwe tekwonyugono. Toro tekwonyu Feroo tool adadomgu'aro mi kaduko nyonoldeyo? Awiyo, kaduko ku'nono manyonekono.” Moosesol Gooti Yawellu toro me'no kuudokaikono.
© 2022: Ethnos360 Sanford, Florida
Mollurolovomato 6
6
1Toruda'ai Gooti Yawel Moosesollu kuudokaikono. “Aga nuu Feroo toollu igolodo'mure tovi noonbinekugono. Aki moro jurogudo kuunodo tokwe sugolmi toga'no'gwowi nokwo ikwonyapino yonekono. Toro tool moro jurogudo kuunodo tokwe kwiroobwemi su toga surodo wuunowo'ji gamoro kwako Ijup towaida'ai kemi nomovomjekwapiyonekono.” Kuudokaikono.
Gooti tool Moosesollu aki aiko te adomaroka tovinokwono
2 #
Mdk. 17:1, 28:3; Moll. 3:13-15 Aki toruda'ai Gooti tool Moosesollu aro kuudokaikono. “Nuu Yawel toonyugono. 3Toro toonyu aiyoga Eburaiyameke Aisakeke Jekoopeke toorai wiyalo'nodum mino yovo puruv aro tovi kuujajonyugono. “Gooti Jurogudo Kuunodolenyugono.” Toro wuudodore tovi yovo su to kuvi anyujajuponyugono. Toro kuvi kuruv mino yovo, Yawelo, to'gwowi muujajonyugono. 4Toro muujajo kworai kuruv nuu wiyalo'nodum subuu'yamju aro aduuwiyajonyugono. “Kwako Kenan towai bomwallo yodupudo toru kemiyo'mo nekullamorukono.” Subuu'yamju toro aduuwiyajonyugono. 5Aki aga Ijupda'ai tooro Isuraiyolda'ai tobuurai ki'nato womdo uubweyodopure tobuuro kwaru kwarupto dai'dopure tovi wuu'nodumdonyugono. Toro te moro subuu'yamju kwiyajo tovino aki aiko te kuudo yau'dum kuvinono uumjunmonyugono. 6Toro tovino tov guu Isuraiyolda'ai a'mwo abolo tonyu aro neya duudono. “Nuu Gooti Yawel toonyugono. Toro toonyu Ijupda'ai tooro kemi womdo bwotonyo aikubweyadokwopo toorai kirumwallo'mo tov moro jurogudo kuunodo togai nomovagu'mwojumorogano. Yo'mi kemi kworavuro dolago tomuuda'ai bomollurolovekumokalokuumonyugono. 7Toro abomollurolovekumokalokuumi togaikullu nuu maikullumwojumwalmonyugono. Aki nuvnokwe toonyu kemi Gooti kuunodo ikullumo'numwalmonyugono. Toro togaikul mino tov aro kuudo youronumapinogaikikono. Oo nemi Gooti Yawel Ijupda'ai tooro jul'nyo nekubweyodopure tovi dolago tomuuda'ai abomollurolovonekumokalokwokaldeyo. Kuudo yanuu'mwalpinogaikikono. 8Aki toro toonyu me'no bomollurolovekumokalokwo'mi kemi tellukweyago Eburaiyameke Aisakeke Jekoopeke toorai subuu'yamju aduuwiyo kwako su toru'no ikumokavla'monyugono. Toro ikumokavlavo'mi kwako su tov kemiyo'mo kuunodo ikullumo'nonokwono. Nuvu Yawel toonyu toro agudadokwono.” Duudono.” Kuudokaikono. 9Toro kuudoka tovi Moosesol Isuraiyolda'ai tonyuno plaino sumaiyokwe Gooti Yawelluro kuuguudo kuudoka tovi sodubwasokaikono. Toro sodubwasoka kuvi kuruv Isuraiyolda'ai a'mwo abolo ton kaduko mwiyopogano. Kemi ki'nato womdo yodupudo tovida'ai jul'nyo bwotonyo ton ibwosunodupudo tovino tov Moosesollu kaduko mwiyopogano.
10Toro te Gooti Yawel Moosesollu kuudokaikono. 11“Guu Ijupda'ai a'mwo aguto kig Feroo toollomno plavo'bi aiko te aro duudono. “Isuraiyolda'ai ton gumoro kwako tovi wuugollu'movopi bolokwodopure tonyu wonyapino neya jono.” Duudono.” Kuudokaikono. 12Toro kuudoka kuvi kuruv Moosesol Gooti Yawellu kuudokaikono. “Isuraiyolda'ai ton moro yogalo wuudodore tovi manuu'nyubusuko yodupudogano. Toro te nuu yogalo pi'mwono majokwe tekwonyu a'mwo aguto Feroo toollu kuudumi to'gwowi adadomgu'aro kaduko nyonoldeyo? Awiyo, kaduko ku'nono manyonekono.” 13Toro kuudoka tovi Gooti Yawel Mooseseke Erooneke todorallu kuudokaikono. “Kevu Isuraiyolda'ai a'mwo abolo tonyu Ijupda'ai bomollubworomokalokuubullunorakikono. Toro te aga plavo'bullu Ijupda'ai a'mwo aguto kig Feroo tooke'aro Isuraiyolda'ai togai'aro tonyu moro kuuguudo amodekwapiyo ton jodubwasulo.” Gooti Yawel Mooseseke Erooneke todorallu toro amodapiyokaikono.
Mooseseke Erooneke todoralluro iko tovasuda'ai tonyunokwono
14To'no'gwowi Isuraiyololluro go'no go'no iko tovasuda'ai kwikweyago muudu'no sumo'nopo tooro arorogano. Jekoopolluro muugunyo sumdomguda'ai Ruubenol kwolaiyo aral aral toorai sawosunokaikono. Toro tooraino yovo tov Hanookol Paluu'wol Hesroonol Karimiyol toorai sawosunokaikono. Toro tooro iko go'no go'nodo tovasuda'ai tooravuro kwikweyago kwimo'nyajuporogano. 15Aki Jekoopolluro muugunyo Simiyoonolluro kwolaiyo sawosunoka tooraino yovo tov Jemuuweleke Jamineke Oohateke Jakineke Soohareke Sooleke toorai sawosunokaikono. Soolol Kenanda'ai abolo puvuro somarokaikono. Toro tooro iko go'no go'nodo tovasuda'ai tooravuro kwikweyago kwimo'nyajuporogano. 16Aki Jekoopolluro muugunyo lukomguda'ai Livaiyolluro kwolaiyo sawosunoka tooraino yovo tov Gesooneke Koohateke Merariyeke toorai sawosunokaikono. Livaiyol 137 kworomokwe tool abolokaikono. 17Toruda'ai Livaiyolluro muugunyo Gesoonolluro sawosunoka tooralluno yovo tov Lipniyeke Simeyaike toorallu sawosunokaikono. Toro tooral iko go'no go'nodo tovasuda'ai tooravuro kwikweyago kwimo'nyajulorakono. 18Aki Livaiyolluro muugunyo lukomguda'ai Koohatolluro kwolaiyo sawosunoka tooraino yovo tov Amurameke Isareke Hibrooneke Uusiyoleke toorai sawosunokaikono. Koohatol 133 kworomokwe tool abolokaikono. 19Aki Livaiyolluro muugunyo aiyowo'wuullako Merariyolluro kwolaiyo sawosunoka tooralluno yovo tov Maliyeke Muusiyeke toorallu sawosunokaikono. Yiuwi'nokai su toro tooro Livaiyolluro iko tovasuda'aiyorogano.
20Aki Koohatolluro muugunyo Amuramol gami jowiyago Jookebetovi amarokaikono. Toro amaroka tov Amuramolluro kwolaiyo Erooneke Mooseseke todorallu somarokakwono. Amuramol 137 kworomokwe tool abolokaikono. 21Aki Koohatolluro muugunyo Isarolluro kwolaiyo sawosunoka tooraino yovo tov Koora'weke Nefekeke Sikiriyeke toorai sawosunokaikono. 22Aki Koohatolluro muugunyo Uusiyolluro kwolaiyo sawosunoka tooraino yovo tov Misaiyeleke Elisapaneke Sitiriyeke toorai sawosunokaikono. 23Amuramolluro muugunyo Eroonol Aminadapolluro taiyo Elisibavi amarokaikono. Aki toro tov Nasoonollu jo'mwokwono. Toro tovuro kwolaiyo somaroka tooraino yovo tov Nedapeke Abiyuu'weke Eleyasareke Itamareke toorai somarokakwono. 24Toruda'ai Koora'wolluro sawosunoka tooraino yovo tov Asireke Elikana'weke Abiyosapeke toorai sawosunokaikono. Toro sawosunoka tooro Koora'wolluro iko tovasuda'ai sumo'nopo tooravuro kwikweyago sumo'nyajuporogano. 25Aki Eroonolluro muugunyo Eleyasarol Puutiyololluro taiyo puvi amarokaikono. Toro amaroka tov kwolaiyo Finiyasollu somarokakwono. Yiuwi'nokai su tooro Livaiyolluro iko go'no go'nodo tovasuda'ai tooravuro kwikweyago kwimo'nyajuporogano.
26Toro te Erooneke Mooseseke todoralluro yovo su toval me'no kwosungikovakono. Toro todorallu Gooti Yawel aro me'no kuudokaikono. “Kevu Isuraiyolda'ai iko go'no go'nodo tovasuda'ai sumo'nopo su tonyu Ijup tomuuda'ai bomokalokuubullunorakikono.” Kuudokaikono. 27A'mwo su todoral Ijupda'ai a'mwo aguto kig Feroo toollu aro me'no kuudolorakono. “Isuraiyolda'ai tonyu jurolowapiyono.” Kuudolorakono. Toro kuudolo su tooral yiuno Erooneke Mooseseke todorakono.
Gooti Yawel Mooseseke Erooneke todorallu kuuguudo kwiyoka tovinokwono
28Sumdomgu toga Moosesol Ijup toru kuuno mwaloduke toollu Gooti Yawel kuuguudo me'no kuudokaikono. 29Gooti Yawelluro Moosesollu kuudoka su tov arokwono. “Nuu Gooti Yawel toonyugono. Toro toonyuro kuuguudo pun nogudumonyugono. Kuuguudo agudumi su ton Ijupda'ai a'mwo aguto kig Feroo toollomno mokavlavo'bi neya jodubwasono.” 30Gooti Yawel toro kuudoka kuvi kuruv Moosesol kuudokaikono. “Nuu yogalo tov pi'mwono majokwe tekwonyugono. Toro tekwonyu Feroo tool adadomgu'aro mi kaduko nyonoldeyo? Awiyo, kaduko ku'nono manyonekono.” Moosesol Gooti Yawellu toro me'no kuudokaikono.
© 2022: Ethnos360 Sanford, Florida