1 Timothée 3
3
Belonzi be dibundu
1Labe musamu genze: «pasi re mutu garondi gube mulonzi gu dibundu, agarondi gidyanzu giboti.» 2Nonge mulonzi dibundu ayabe ne togu, ayafude mugatsi andi, abi mutu wusavavisi, wu digobe, wu gyenze, wu nyange nenze. 3Ayabe gidyongi, giyani, tumbe mutu sigeme wu sandi ne mugangu doli. 4Ayabi begise tsapele andi bane be andi babi ne digobe dineni. 5Gere mutu sayabi begise tsapele andi, agubegisile dibundu di Nyambi tsye? 6Ayabe mutu warugili negusinge Nyambi, mbare gubase ne dunangu ne gulogu neve logu Mbeni. 7Nonge batu be sandi mu dibundu bemugobisi gwandi, akole lenzu ne gubonduge mu mirambu mi Mbeni.
Bedyanzitsi be dibundu
8Munongu mosi, bedyanzitsi gwandi babi batu be digobe, be sandi ne ndimi beye. Beyavavise gunu melamu ne gidengitsi gibi gi doli. 9Benonge rare ne pikile tsi rereri mambu me Nyambi duyabise. 10Nonge gu re bemange mirime, vane pasi re du sandi betogulu ne dyambu, begube bedyanzitsi. 11Bedyanzitsi be begetu munongu, beyatogulu, beyagele, beyavavise, babi kundi mu mambu motsu. 12Nonge bedyanzitsi beyafude begatsi be awu, berari bane ne bitsapele bi awu dikengi. 13Mbare badyanzi dikengi badengi dinyange diboti, ne gitu gineni mu dyonge ne Sesu Kirisete.
Duyabu dwavegu ne gitu
14Nyakurendili gisangumu gigi ne gitu re mepape nyakwene. 15Tumbe gere nzavure neguruge, wuguyabe mu gisangumu gigi neve wugutsagenine gu ndagu Nyambi, re guvage re dibundu di Nyambi monyu, yi girwalu ne gisiku gi bureti. 16Yi, dwadyambili ve piti: me meneni mambu me duyabise Nyambi!
Kirisete
Akwerigitse ne duyuru,
ayabegenu re asungeme ne Dinyuni Diboti,
alabene ne yanze.
Ayenzu tsangu mu melongu motsu,
avagilu gitu mu butambe,
adumisu bundumbe gu nzambi!
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
1 Timothée 3
3
Belonzi be dibundu
1Labe musamu genze: «pasi re mutu garondi gube mulonzi gu dibundu, agarondi gidyanzu giboti.» 2Nonge mulonzi dibundu ayabe ne togu, ayafude mugatsi andi, abi mutu wusavavisi, wu digobe, wu gyenze, wu nyange nenze. 3Ayabe gidyongi, giyani, tumbe mutu sigeme wu sandi ne mugangu doli. 4Ayabi begise tsapele andi bane be andi babi ne digobe dineni. 5Gere mutu sayabi begise tsapele andi, agubegisile dibundu di Nyambi tsye? 6Ayabe mutu warugili negusinge Nyambi, mbare gubase ne dunangu ne gulogu neve logu Mbeni. 7Nonge batu be sandi mu dibundu bemugobisi gwandi, akole lenzu ne gubonduge mu mirambu mi Mbeni.
Bedyanzitsi be dibundu
8Munongu mosi, bedyanzitsi gwandi babi batu be digobe, be sandi ne ndimi beye. Beyavavise gunu melamu ne gidengitsi gibi gi doli. 9Benonge rare ne pikile tsi rereri mambu me Nyambi duyabise. 10Nonge gu re bemange mirime, vane pasi re du sandi betogulu ne dyambu, begube bedyanzitsi. 11Bedyanzitsi be begetu munongu, beyatogulu, beyagele, beyavavise, babi kundi mu mambu motsu. 12Nonge bedyanzitsi beyafude begatsi be awu, berari bane ne bitsapele bi awu dikengi. 13Mbare badyanzi dikengi badengi dinyange diboti, ne gitu gineni mu dyonge ne Sesu Kirisete.
Duyabu dwavegu ne gitu
14Nyakurendili gisangumu gigi ne gitu re mepape nyakwene. 15Tumbe gere nzavure neguruge, wuguyabe mu gisangumu gigi neve wugutsagenine gu ndagu Nyambi, re guvage re dibundu di Nyambi monyu, yi girwalu ne gisiku gi bureti. 16Yi, dwadyambili ve piti: me meneni mambu me duyabise Nyambi!
Kirisete
Akwerigitse ne duyuru,
ayabegenu re asungeme ne Dinyuni Diboti,
alabene ne yanze.
Ayenzu tsangu mu melongu motsu,
avagilu gitu mu butambe,
adumisu bundumbe gu nzambi!
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES