थरपेड़ा का काम 4
4
पतरस अर यूहन्ना यहूदी पंचायत म
1हालताणी पतरस अर यूहन्ना मनखा सुं बाता कर'ईर्या छा जद्या याजक, मन्दर का सपाया को मुखियो अर एकात सदूकी उकन्अ आया। 2वे बासुं चड़र्या छा क्युं क पतरस अर यूहन्ना ईसु का मरया मंसुं जीवतो हेबा को परचार करर्या छा। अस्यान वे मरया मंसुं पाछो जीवता होबा न्अ सिद्ध करर्या छा। 3जद्या वे बान्अ पकड़र काळ कोटड़ी मं पटक दिया क्युं क दन आथग्यो छो। 4पण ज्यो मनख बी उपदेस न्अ सुण्या छा बाम्अ सुं घणासारा बीक्अ माळ्अ बस्वास कर्या अर अस्यान बाकी गणती अन्दाजन पांच हजार लोगा ताणी जा पूंची।
5दूसरअ दन यहूद्या का नेता, बुढ़ा अर यहूदी धरम सखाबाळा यरूसलेम मं भेळा होया। 6वे महायाजक हन्ना, कैफा, यूहन्ना, सिकन्दर अर महायाजक का परवार का घणा मनख बी उण्डअ छा। 7वे बां थरपेड़ा न्अ उण्डअ ल्यार बुज्बा लाग्या, “थें कुणकी सक्ती अर अधिकार सुं यो काम कर्या छा?”
8फेर पवितर-आत्मा सुं भर पतरस बान्अ खियो, “ह मनखा का नेताओ अर बढ़ा-बुढ़ाओ! 9आज म्हासुं एक लंगड़ा मनख की लेरअ करी भलाई का बारा मं बुज-थाज करी जारी छ क वो कस्यान नीका हेग्यो? 10तो थान्अ अर सबळा इजरायल का मनखा न्अ यो तोल पड़ जाणी चायजे क नासरी ईसु मसी का नांऊ सुं यो मनख नीका होयो अर थांक्अ साम्अ उबो छ। जिन्अ थें सुळी प लटकाया अर जिन्अ परमेसर मरया मंसुं फेरू जीवतो कर दियो।” 11ईसु बोई छ जिका बारा मं सास्तरा मं मण्ढरी छ,
“यो बोई भाटो छ! जिन्अ कारीगर बनाकाम को मान्या छा,
बोई कुणा को भाटो बणग्यो।”
12ईसु का नांऊ सुंई आपान्अ उद्धार मल सक्अ छ क्युं क “ई आम्बर क तण्अ मनखा न्अ कोई दूसरो नांऊ कोन्अ दिया। जिसुं उद्धार ह जाव्अ।” 13जद्या वे पतरस अर यूहन्ना की हिम्मत न्अ देख्या अर या जाण्या क वे कम पढ़या-लख्या अर सिधासाक मनख छ तो बान्अ घणो अचम्बो हियो। फेर वे जाणग्या क वे ईसु की लेरअ रियेड़ा मनख छ। 14अर वे बी नीका होयेड़ा मनख न्अ बाकी लेरअ उबो देखर्या छा जिसुं बा कन्अ खेबा बेई कांई कोन्अ रियो। 15वे बान्अ यहूदी पंचायत मंसुं नखळबा बेई खिया अर आमा-सामा बतळाबा लागग्या क, 16“या मनखा की लेरअ आपा कांई करां? क्युं क यरूसलेम मं रेबाळा सबळा जाण्अ छ क एक घणाजोर को चमत्कार हियो छ अर बी बेई आपा नट बी कोन्अ सका। 17पण आपा बान्अ चतावा क वे ईसु का नांऊ की बतळ्यावण कोई ओर सुं कोन्अ करअ, जिसुं मनखा मं ई बात न्अ ओर फेलबा सुं रोक्यो जा सक्अ।” 18तो वे बान्अ मेईन्अ बलार आज्ञा दिया क कद्या बी ईसु का नांऊ सुं थें न्अ तो कोई न्अ बताज्यो अर न्अ कोई न्अ उपदेस दिज्यो। 19पण पतरस अर यूहन्ना बान्अ जुवाब दिया, “थेई बतावो, परमेसर क साम्अ सई कांई छ मे परमेसर की माना या थांकी माना? 20मे तो ज्योबी देख्या अर सुण्या, बीन्अ बताबा सुं कोन्अ चूका।” 21फेर पंचायत का पंच बान्अ धमकार छोड़ दिया। बान्अ सज्या देबा को कोई गेल्लो कोन्अ लाद्यो क्युं क ज्यो बाता होई छी बा बेई सबळा मनख परमेसर की महमा करर्या छा। 22जि मनख न्अ नीका करबा को अचम्बो हियो छो वो चाळीस बरस सुं सांवटो छो।
बस्वास्या का धीरज बेई परातना
23जद्या पतरस अर यूहन्ना न्अ छोड़ दिया तो वे खुदका मनखा कन्अ पाछा आग्या अर बान्अ परमुख याजक अर बुढ़ा यहूदी नेता ज्यो खिया वो सब बान्अ खे दिया। 24जद्या वे या सुण्या तो एक मन सुं एक चत होर जोरसुं परमेसर न्अ हाको पाड़र अरदास कर्या क, “ह मालिक! तु ई आम्बर, धरती, समून्दर अर उंक्अ मेईन्अ ज्योबी छ उन्अ बणायो छ।” 25तु ई थारा सेवा करबाळा म्हाका आग्लाबड़ा दाऊद का मुण्ढा सुं पवितर-आत्मा सुं खुवायो छो क, “ये दूसरी जात्या क्युं हुल्लड कर'री छ? 26परबु परमेसर अर बीका थरपेड़ा मसी का बिरोध मं लोगबाग बनाबातई क्युं घात घड़र्या छ? धरती का राजा तियारया कर्या, अर दरबार भेळा होया।”
27 #
लूक 23:7–11;
मत्ती 27:1,2; मर 15:1; लूक 23:1; यूहन्ना 18:28,29 हां सांच्याई, थारा पवितर सेवा करबाळा ईसु जिन्अ तु मसी बणायो छो बीका बिरोध मं हेरोदेस अर पुन्तियुस पिलातुस बी ई नगर मं गेर यहूदी अर इजरायल का मनखा की लेरअ भेळा होया। 28थारी सक्ती अर मन्सा की ज्यान ज्यो पेलीसुंई निस्चित हेग्यो छो। जिन्अ वो पूरो कर्यो। 29अब ह परबु बाकी धमक्या प चत लगा अर थारा सेवा करबाळा न्अ नरभे हेर थारा बचन सुणाबा की सक्ति द। 30“तु थारा पवितर सेवा करबाळा ईसु का नांऊ सुं मनखा न्अ नीका करबा बेई अर चमत्कार अर अचम्बा का काम करबा बेई, थारो हाथ बढ़ा।”
31जद्या वे परातना पूरी कर्या तो जि ठार प वे भेळा छा बा हालगी अर बा सबळा मं पवितर-आत्मा भरगी। अर वे बना डरप्या परमेसर का बचन बोलबा लागग्या।
बस्वासी खुदकी माया-पुंजी न्अ आमा-सामा बरत्या
32 #
थरपेड़ा 2:44,45 या बस्वास्या की टोळी एक मन अर एक चत छी अर कोई बी अस्यान कोन खेव्अ छो क या म्हारी छ। बा कन्अ ज्योबी हेव्अ छो बीन्अ वे सबळा बांट लेव्अ छा। 33अर वे थरपेड़ा पूरी तागत सुं परबु ईसु को पाछो जिन्दो होबा की गुवाई देव्अ छा। अर परमेसर बा सबळा प खुब दीया कर्यो। 34बी टोळी मंसुं कोई न्अ कांई बी कमी कोन्अ छी क्युं क जिकन्अ बी जमी या घर छा बीन्अ वे बेच देव्अ छा अर उसुं ज्यो पिसा बान्अ मल्अ छा बान्अ ल्यार 35थरपेड़ा न्अ सुंप देव्अ छा। अर जिन्अ जतरी जुरत होव्अ छी बीन्अ अतरा पिसा देदिया जाव्अ छा।
36जस्यानकी यूसुफ नांऊ को, साइप्रस मं रेबाळो, एक लेवी छो जिन्अ थरपेड़ो बरनबास मतबल लोगा न्अ उकसाबाळो बी खेव छा।
37वो एक खेत बेच दियो जिको वो धणी छो अर बीका पिसा ल्यार थरपेड़ा न्अ सुंप दियो छो।
(c) 2010-2017, New Life Computer Institute. All rights reserved
