प्रेरित 9
9
शाऊल येशूम विश्वास कर्ल
1उ ब्याला शाऊल प्रभु येशूक चेलन मुवैना धम्की देहटलह। प्रधान पूजारीकठे जाक 2मुक्ति पाइक लाग येशूम विश्वास करल मनैन, पुरुष या स्त्री, जेहीह फ्याला परैलसे फे पकर्क यरूशलेमम लैजाइ पाऊँ कैक दमस्कसक सभाघरम बुझाइक लाग अधिकारक पुर्जी मङ्ल। 3शाऊल दमस्कस सहर जाइटलह। जैटी-जैटी दमस्कसक लग्घ पुग्ल त अचानक स्वर्गमसे ज्योति हुँकहार आञ्जरपाञ्जर चम्कलन। 4शाऊल नेङ्ग्टी-नेङ्ग्टी गिरगैल ओ असिन आवाज सुन्ल, “शाऊल, शाऊल, काजे टुँ महीह सँताइटो?”
5शाऊल कल, “प्रभु, अप्न के हुइटी?”
उहाँ कल, “मै येशू हुइटुँ, जेहीह टुँ सँताइटो। 6आब उठ्क सहरम जाओ त टुँहार करपर्ना काम मै उहँ कहम्।”
7शाऊलकसँग गैल् मनै जातसे बक्क परगैल ओ एक पैला फे आघ बह्र नैसेक्ल। हुँक्र आवाजभर सुन्ल तर किहुह फे नैदेख्ल। 8शाऊल भुइँयमसे उठ्क आँख खोल्ल तर कुछु फे नैदेख्ल। उहओर्से हुँकहार सङ्घरेन हुँकहीन हाँठ पकर्क डोर्यैटी दमस्कसम लैगिलन। 9शाऊल तीन दिनसम कुछु फे नैदेख्ल, ऊ ना त कुछु खैल, ना कुछु पिल।
10उ ब्याला दमस्कसम हननिया नाउँक एकठो विश्वासी रलह। ऊ प्रभु येशूक दर्शन पैल। प्रभु येशू कल, “रै हननिया!”
ऊ जवाफ देल, “हजुर, प्रभु।”
11प्रभु कल, “‘स्वाझ’ कना गल्लीम रहल यहूदक घरम जाओ ओ टार्सस सहरसे आइल शाऊल नाउँक मनैयह खोजो। काकरकि ऊ आब प्रार्थना करट। 12ऊ हननिया नाउँक मनैया कपारिम हाँठ ढैक प्रार्थना कैदेलकओर्से अप्न देख्नाहा हुइलक बात दर्शनम देखरख्ल।”
13हननिया जवाफ देल, “प्रभु, यी मनैया यरूशलेमम रहल अप्नक भक्त जनहुँकन बहुत सँतैलक बात मै धेर मनैनसे सुनरख्नु। 14ऊ मुख्य पूजारीनसे अप्नक पाछ लगुइयन् पकर्ना अधिकार लेक यिहाँ आरल।”
15प्रभु कल, “जाओ, काकरकि गैरयहूदीन, राजाहुँकन ओ इस्राएलीहुँकन म्वार बारेम प्रचार करक लाग मै हुँकहीन रोजरख्नु। 16म्वार सेवा कर्लक कारणले सहपर्ना दुःख हुँकहीन मै देखैम।”
17तब हननिया यहूदक घर गैल ओ भित्तर पैँठ्क शाऊलक कपारिम हाँठ ढैक कल, “शाऊल भाइ, टुँ यिहाँ आइबेर डगरिम टुँहारठे देखपरल प्रभु येशू महीह पठैलह। टुँ देख्नाहा हुइसेको ओ पवित्र आत्मले भरपूर हुइसेको कैक महीह पठैलह।” 18तबहेँ शाऊलक आँखिमसे पोप्री असक चिज खस्लन ओ देख्नाहा हुइल। ऊ उठ्ल ओ बप्तिस्मा लेल। 19ऊ खाना खैल त हुँकाहारम ताकत अइलन।
शाऊलक प्रचार
शाऊल विश्वासीन्हकसँग टनिक दिनसम दमस्कसम बैठ्ल। 20तब्बहेँसे शाऊल येशू ख्रीष्ट परमेश्वरक छावा हुइट कैक सभाघरम प्रचार कर भिरगैल। 21हुँकहार बात सुनुइयन सबजन छक्क पर्क कहलग्ल, “यरूशलेमम येशूक नाउँ लिहुइयन् सबजहन सिध्याइ खोज्ना मनैया यिह नैहुइट का? यिहाँ फे येशूक चेलन पकर्क मुख्य पूजारीन्हकठे लैजाइक लाग त आइल हुइहीँ।” 22तर शाऊलक प्रचार झन्-झन् शक्तिशाली हुइटी गैलन। येशू जो ख्रीष्ट हुइट कैक ऊ असिन पक्का प्रमाण देल, कि दमस्कसक यहूदीहुँक्र कुई फे जवाफ देह नैसेक्ल।
23धेर दिन बितल् त, यहूदीहुँक्र शाऊलह मुवैना योजना बनैल।#२ कोर ११:३२-३३ 24तर हुँकन्हक योजना शाऊल थाहाँ पाडर्ल। यहूदीहुँक्र हुँकहीन मुवाइक लाग रातदिन दमस्कस सहरक गेटम लग्लरहँट्। 25एक दिन रात हुइल् ब्याला चेलावँ शाऊलह ड्यालम ढर्ल ओ सहरक पर्खालक झ्यालिमसे बाहर उतारक भगादेल।
26शाऊल यरूशलेमम घुम्क अइल त, येशूक चेलनसे भ्याँट खोज्ल। तर चेलावँ हुँकहीनसे डरैल, काकरकि शाऊल फे येशूम विश्वास कैरख्ल कना बात हुँक्र विश्वास कर नैसेक्ल। 27तर बारनाबास नाउँक चेला शाऊलह प्रेरितन्हकठे लैगैल। शाऊल डगरिम प्रभुह देख्लक, प्रभु हुँकहीनसे बात बट्वइलक ओ दमस्कसम एक नैडराक येशूक बारेम प्रचार कर्लक, सब बात बारनाबास हुँकन्हकठे बट्वादेल। 28शाऊल यरूशलेमम हुँकन्हकसँग खुल्लमखुल्ला न्याङ्ग लग्ल ओ एक नैडराक प्रभुक बारेम प्रचार करलग्ल। 29ऊ ग्रीक भाषा बोल्ना यहूदीनसे फे वाद-विवाद कर्ल, तर हुँक्र शाऊलह मुवाइ खोज्ल। 30हुँकहीन मुवाइक लाग बाट कना बात थाहाँ पैल त विश्वासी दादुभैयन् शाऊलह कैसरिया सहरम लैगैल ओ उहाँसे टार्सस सहरम पठादेल।
31तबदोस्र यहूदिया, गालील ओ सामरिया क्षेत्रम रहल सब मण्डलीम सतावट नैरलक कारण शान्ति छइँलन ओ विश्वासीहुँक्र परमेश्वरक आदर कर्लकओर्से बलगर हुइल। ओ पवित्र आत्मसे उत्साहित होक लौव विश्वासीहुँक्र बहर्टीगैल्।
एनियास ओ तबीता
32पत्रुसजुन ठाउँ-ठाउँम नेङ्टी लुड्डा सहरम रहल प्रभुक भक्त जनहुँकन्हकठे भ्याँट कर आपुग्ल। 33पत्रुस उहाँ एनियास कना एकठो मनैयह भेँटैल। हुँकहीन प्यारालाइस रोग लागलओर्से बिस्तारक-बिस्तारम रहल आठ वर्ष होरलहन। 34पत्रुस हुँकहीन कल, “एनियास, येशू ख्रीष्ट टुँहीन आबहेँ चोखैहीँ। उठो ओ आपन बिस्तारा उठाओ।” एनियास तबहेँ उठ्गैल। 35हुँकहीन चोखाइल देख्क लुड्डा ओ शारोनम बैठुइया धेर मनै प्रभु येशूम विश्वास कर्ल।
36योप्पा सहरम प्रभुकम विश्वास कर्ना तबीता नाउँक एकठो दिदी रलही। ग्रीक भाषम हुँकहीन डोरकास कहन। याकर अर्थ हर्निन्या हो। ऊ असल काम ओ गरीबन सहायता कर्ना कामम लग्लरहँट्। 37ऊ बेराम पर्क मुगैली। मनै हुँकहार मुवल शरीरह धो-धा पार्क उप्रक ताल्हक एकठो क्वाठम ढर्ल। 38लुड्डा सहर योप्पा सहरक लग्घहेँ रह। पत्रुस लुड्डम बाट कना बात चेलावँ थाहाँ पैल त हुँक्र दुइ जहन पत्रुसकठे असिक कैक पठैल, “हमारठे झट्ट आदी।”
39तब पत्रुस हुँकन्हकसँग गैल। पत्रुस योप्पम पुग्ल त, मनै हुँकहीन उप्रक ताल्हम, तबीतक मुवल शरीर रहल क्वाठम, लैगैल। विधवहुँक्र तबीता हुँकन्हकसँग पलरहलब्याला हुँकहार लुगा देखैने ओ रुइने कर्टी पत्रुसक चारिओर ठह्रेइल।
40पत्रुस सबजहन क्वाठमसे बाहर निक्रैल ओ ठिहुन टेक्क प्रार्थना कैदेल। तबदोस्र पत्रुस तबीतक मुवल शरीरओर घुम्क कल, “तबीता, उठो!” ऊ आँख उघर्ली त पत्रुसह देख्ली ओ उठ्क बैठ्ली। 41पत्रुस हुँकहार हाँठ पकर्क हुँकहीन उठैल। तब पत्रुस सब विश्वासीन ओ विधवन बलैल ओ मुक जियल तबीतह हुँकन्हक जिम्मा लगादेल। 42यी बात सारा योप्पा सहरम फैलल् ओ धेर मनै प्रभुकम विश्वास कर्ल। 43तबदोस्र छालक काम करुइया सिमोनकसँग पत्रुस धेर दिनसम योप्पम बैठ्ल।
© 2020, Wycliffe Bible Translators, Inc. All rights reserved.
प्रेरित 9
9
शाऊल येशूम विश्वास कर्ल
1उ ब्याला शाऊल प्रभु येशूक चेलन मुवैना धम्की देहटलह। प्रधान पूजारीकठे जाक 2मुक्ति पाइक लाग येशूम विश्वास करल मनैन, पुरुष या स्त्री, जेहीह फ्याला परैलसे फे पकर्क यरूशलेमम लैजाइ पाऊँ कैक दमस्कसक सभाघरम बुझाइक लाग अधिकारक पुर्जी मङ्ल। 3शाऊल दमस्कस सहर जाइटलह। जैटी-जैटी दमस्कसक लग्घ पुग्ल त अचानक स्वर्गमसे ज्योति हुँकहार आञ्जरपाञ्जर चम्कलन। 4शाऊल नेङ्ग्टी-नेङ्ग्टी गिरगैल ओ असिन आवाज सुन्ल, “शाऊल, शाऊल, काजे टुँ महीह सँताइटो?”
5शाऊल कल, “प्रभु, अप्न के हुइटी?”
उहाँ कल, “मै येशू हुइटुँ, जेहीह टुँ सँताइटो। 6आब उठ्क सहरम जाओ त टुँहार करपर्ना काम मै उहँ कहम्।”
7शाऊलकसँग गैल् मनै जातसे बक्क परगैल ओ एक पैला फे आघ बह्र नैसेक्ल। हुँक्र आवाजभर सुन्ल तर किहुह फे नैदेख्ल। 8शाऊल भुइँयमसे उठ्क आँख खोल्ल तर कुछु फे नैदेख्ल। उहओर्से हुँकहार सङ्घरेन हुँकहीन हाँठ पकर्क डोर्यैटी दमस्कसम लैगिलन। 9शाऊल तीन दिनसम कुछु फे नैदेख्ल, ऊ ना त कुछु खैल, ना कुछु पिल।
10उ ब्याला दमस्कसम हननिया नाउँक एकठो विश्वासी रलह। ऊ प्रभु येशूक दर्शन पैल। प्रभु येशू कल, “रै हननिया!”
ऊ जवाफ देल, “हजुर, प्रभु।”
11प्रभु कल, “‘स्वाझ’ कना गल्लीम रहल यहूदक घरम जाओ ओ टार्सस सहरसे आइल शाऊल नाउँक मनैयह खोजो। काकरकि ऊ आब प्रार्थना करट। 12ऊ हननिया नाउँक मनैया कपारिम हाँठ ढैक प्रार्थना कैदेलकओर्से अप्न देख्नाहा हुइलक बात दर्शनम देखरख्ल।”
13हननिया जवाफ देल, “प्रभु, यी मनैया यरूशलेमम रहल अप्नक भक्त जनहुँकन बहुत सँतैलक बात मै धेर मनैनसे सुनरख्नु। 14ऊ मुख्य पूजारीनसे अप्नक पाछ लगुइयन् पकर्ना अधिकार लेक यिहाँ आरल।”
15प्रभु कल, “जाओ, काकरकि गैरयहूदीन, राजाहुँकन ओ इस्राएलीहुँकन म्वार बारेम प्रचार करक लाग मै हुँकहीन रोजरख्नु। 16म्वार सेवा कर्लक कारणले सहपर्ना दुःख हुँकहीन मै देखैम।”
17तब हननिया यहूदक घर गैल ओ भित्तर पैँठ्क शाऊलक कपारिम हाँठ ढैक कल, “शाऊल भाइ, टुँ यिहाँ आइबेर डगरिम टुँहारठे देखपरल प्रभु येशू महीह पठैलह। टुँ देख्नाहा हुइसेको ओ पवित्र आत्मले भरपूर हुइसेको कैक महीह पठैलह।” 18तबहेँ शाऊलक आँखिमसे पोप्री असक चिज खस्लन ओ देख्नाहा हुइल। ऊ उठ्ल ओ बप्तिस्मा लेल। 19ऊ खाना खैल त हुँकाहारम ताकत अइलन।
शाऊलक प्रचार
शाऊल विश्वासीन्हकसँग टनिक दिनसम दमस्कसम बैठ्ल। 20तब्बहेँसे शाऊल येशू ख्रीष्ट परमेश्वरक छावा हुइट कैक सभाघरम प्रचार कर भिरगैल। 21हुँकहार बात सुनुइयन सबजन छक्क पर्क कहलग्ल, “यरूशलेमम येशूक नाउँ लिहुइयन् सबजहन सिध्याइ खोज्ना मनैया यिह नैहुइट का? यिहाँ फे येशूक चेलन पकर्क मुख्य पूजारीन्हकठे लैजाइक लाग त आइल हुइहीँ।” 22तर शाऊलक प्रचार झन्-झन् शक्तिशाली हुइटी गैलन। येशू जो ख्रीष्ट हुइट कैक ऊ असिन पक्का प्रमाण देल, कि दमस्कसक यहूदीहुँक्र कुई फे जवाफ देह नैसेक्ल।
23धेर दिन बितल् त, यहूदीहुँक्र शाऊलह मुवैना योजना बनैल।#२ कोर ११:३२-३३ 24तर हुँकन्हक योजना शाऊल थाहाँ पाडर्ल। यहूदीहुँक्र हुँकहीन मुवाइक लाग रातदिन दमस्कस सहरक गेटम लग्लरहँट्। 25एक दिन रात हुइल् ब्याला चेलावँ शाऊलह ड्यालम ढर्ल ओ सहरक पर्खालक झ्यालिमसे बाहर उतारक भगादेल।
26शाऊल यरूशलेमम घुम्क अइल त, येशूक चेलनसे भ्याँट खोज्ल। तर चेलावँ हुँकहीनसे डरैल, काकरकि शाऊल फे येशूम विश्वास कैरख्ल कना बात हुँक्र विश्वास कर नैसेक्ल। 27तर बारनाबास नाउँक चेला शाऊलह प्रेरितन्हकठे लैगैल। शाऊल डगरिम प्रभुह देख्लक, प्रभु हुँकहीनसे बात बट्वइलक ओ दमस्कसम एक नैडराक येशूक बारेम प्रचार कर्लक, सब बात बारनाबास हुँकन्हकठे बट्वादेल। 28शाऊल यरूशलेमम हुँकन्हकसँग खुल्लमखुल्ला न्याङ्ग लग्ल ओ एक नैडराक प्रभुक बारेम प्रचार करलग्ल। 29ऊ ग्रीक भाषा बोल्ना यहूदीनसे फे वाद-विवाद कर्ल, तर हुँक्र शाऊलह मुवाइ खोज्ल। 30हुँकहीन मुवाइक लाग बाट कना बात थाहाँ पैल त विश्वासी दादुभैयन् शाऊलह कैसरिया सहरम लैगैल ओ उहाँसे टार्सस सहरम पठादेल।
31तबदोस्र यहूदिया, गालील ओ सामरिया क्षेत्रम रहल सब मण्डलीम सतावट नैरलक कारण शान्ति छइँलन ओ विश्वासीहुँक्र परमेश्वरक आदर कर्लकओर्से बलगर हुइल। ओ पवित्र आत्मसे उत्साहित होक लौव विश्वासीहुँक्र बहर्टीगैल्।
एनियास ओ तबीता
32पत्रुसजुन ठाउँ-ठाउँम नेङ्टी लुड्डा सहरम रहल प्रभुक भक्त जनहुँकन्हकठे भ्याँट कर आपुग्ल। 33पत्रुस उहाँ एनियास कना एकठो मनैयह भेँटैल। हुँकहीन प्यारालाइस रोग लागलओर्से बिस्तारक-बिस्तारम रहल आठ वर्ष होरलहन। 34पत्रुस हुँकहीन कल, “एनियास, येशू ख्रीष्ट टुँहीन आबहेँ चोखैहीँ। उठो ओ आपन बिस्तारा उठाओ।” एनियास तबहेँ उठ्गैल। 35हुँकहीन चोखाइल देख्क लुड्डा ओ शारोनम बैठुइया धेर मनै प्रभु येशूम विश्वास कर्ल।
36योप्पा सहरम प्रभुकम विश्वास कर्ना तबीता नाउँक एकठो दिदी रलही। ग्रीक भाषम हुँकहीन डोरकास कहन। याकर अर्थ हर्निन्या हो। ऊ असल काम ओ गरीबन सहायता कर्ना कामम लग्लरहँट्। 37ऊ बेराम पर्क मुगैली। मनै हुँकहार मुवल शरीरह धो-धा पार्क उप्रक ताल्हक एकठो क्वाठम ढर्ल। 38लुड्डा सहर योप्पा सहरक लग्घहेँ रह। पत्रुस लुड्डम बाट कना बात चेलावँ थाहाँ पैल त हुँक्र दुइ जहन पत्रुसकठे असिक कैक पठैल, “हमारठे झट्ट आदी।”
39तब पत्रुस हुँकन्हकसँग गैल। पत्रुस योप्पम पुग्ल त, मनै हुँकहीन उप्रक ताल्हम, तबीतक मुवल शरीर रहल क्वाठम, लैगैल। विधवहुँक्र तबीता हुँकन्हकसँग पलरहलब्याला हुँकहार लुगा देखैने ओ रुइने कर्टी पत्रुसक चारिओर ठह्रेइल।
40पत्रुस सबजहन क्वाठमसे बाहर निक्रैल ओ ठिहुन टेक्क प्रार्थना कैदेल। तबदोस्र पत्रुस तबीतक मुवल शरीरओर घुम्क कल, “तबीता, उठो!” ऊ आँख उघर्ली त पत्रुसह देख्ली ओ उठ्क बैठ्ली। 41पत्रुस हुँकहार हाँठ पकर्क हुँकहीन उठैल। तब पत्रुस सब विश्वासीन ओ विधवन बलैल ओ मुक जियल तबीतह हुँकन्हक जिम्मा लगादेल। 42यी बात सारा योप्पा सहरम फैलल् ओ धेर मनै प्रभुकम विश्वास कर्ल। 43तबदोस्र छालक काम करुइया सिमोनकसँग पत्रुस धेर दिनसम योप्पम बैठ्ल।
© 2020, Wycliffe Bible Translators, Inc. All rights reserved.