Salmos 114
114
Xraxinkaon sin ti kꞌuaxrjexín sin Egipto
1 #
Ex. 12:51. *Ti sin Israel mé ti sin tsíkꞌaxrjeníxin Jacob
mé kꞌuaxrjexín sin Egipto
kixin jehya chjasén sin ntiha.
2La ndá ti nonte Judá la kꞌóna ijnko chjasin tjóá kuènté Díos,
mé Díos kꞌue̱tue̱hen ti sin Israel.
3 #
Ex. 14:21;
Jos. 3:16. *Ti nda̱ñao kꞌuíkon kjuíji ti sin Israel
landá kꞌóna ijnko nti̱a kꞌuatsínkaxín sin.
La ko kja̱xin ti nda̱río Jordán la xi̱kaha kóhen
kꞌóna nti̱a kꞌuatsínkaxín sin.
4La ti ijna̱ la chrika éxi kolélo
la ko ti nte̱je̱ la chrika éxi kolélo ntsíntsí.
5Jaha nda̱ñao, ¿nkehe kuihín
kixin kjuánjua kjuachaxin xi̱kaha?
Jaha nda̱río Jordán, ¿nkehe kóhan kixin
kꞌóna nti̱a ti ìnta̱ chonta?
6Jaha ijna̱, ¿nkehe kóhan
kixin chrika éxi kolélo?
La ko jaha nte̱je̱, ¿nkehe kóhan
kixin chrika éxi kolélo ntsíntsí?
7Jaha nonte chróxrànka, chróchrakuan
nkayakon Itꞌéni Díos kuènté Jacob.
8 #
Ex. 17:1-7; Nm. 20:2-13. *Díos mé kꞌue̱to̱an kixin ti itjo̱ la tsꞌaxrje ìnta̱
la chaxín kꞌuaxrje yeé ìnta̱ kixin ti kjuachaxin kuènté chꞌan.
© 2016, Wycliffe Bible Translators, Inc. All rights reserved.