Salmos 4 - 인기 성경 구절

공유

Te chukan kúu ja sii ini‑ni jínkavatuu sa te sii ini‑ni kixi sa. Vaa maa ni, vi Iya Tátnuni, sa'a ni ja iyo sii ini sa te kúkanu ini ña'a sa, vi Su'si.

Jin koyu'u ni ya, te má jin kua'a ni tnu'u ja jin ndakiti ini ni, nasa yukan, te jin kuiso kuechi ni nuu Su'si ma. Te ora ka ndatuu ni ka ndatatu ni jakuaa ma, te na'ñi na'ñi‑nka iyo ma, te jin ndasa'a ni kuenda, te jin ndakani jin ndaka'vi ini ni nuu Su'si ma.

Su'si maa sa, ndakone'e ni ora jikan‑ta'vi sa ma, vaa maa ni chi iya sa'a ndaa sa'a ndija kúu ni. Vaa maa ni ni ndasava'a ña'a nuu kúxii kúnda'vi ini sa ja ku'u sa ma. Te vitna, kunda'vi ini tuku ña'a ni, te koniniso'o ni ja jikan‑ta'vi sa nuu ni a, vi Su'si.