Aaquqira Ufa 2 - 인기 성경 구절

공유

Yaaweefa kai amiqira irirana nimidanoo. Mifinnaindari kai irirafa faqa oonumafi irirafa faqa anidanoo.

Qini qimaaku iria qinee auqaannee qimasee qimamianna ufana sia qaunua. Amiqra ufa amiqimmasee iriseenana minara oonumafi iria. Eeoo amiqira irirafa anee iannannai anianinnanara iramirisee iria. Amiqira iriranara siruaa maqaki marifaqa randee mariandeemmasee randaa. Kukeeqara amiqira iriranara akaqa ainaina maqaki kukeeqaqaafaqa randee mariandeemmasee randaa. Miqinana anee Yaaweenara rufiara oosanara iriseenana Anutunara irinnaranoo.

Kuqaa anoona ufa kai qimariasa faqa andeeqara oosana maree mariasa faqa Anufufa dadaaqida itita nimaqaidanoo. Anutufa faiqí amana amana kai amiqimma nimaqee mariasa faqa mina ufa mau maqee maqee fimariasa faqa Anutufa itita nimaqaidanoo.

Andeeqara fasiqa anaasee faqa oosana siai fasiqa anaaseesa maqa maaqanara maasaindi fee qimasee minaki marifaranoo. Miqiqa marifanoo Anutufa mi maqa maaqanaki manda oosana maree mariasa ummaqira ainainara foora raraku aquannoo.

Anee qini andeeqara ufa irinanoo moo fasiqa anaaqa fannoo narí fadameena akira ufannai aniara anirainaqa manda oosana auqaanee qinanoo mi amiqira irirafa ani itita amaqaannoo. Miqira anaasee fannoo narí afaaqiara sia irirai Anutuna afusaa naaquqara qima afeekaikirufa qimaqoonara qaunuseenoo narí afaaqi minnisaidanoo.