1
Mataioo 24:12-13
Anutuna Ufa
bjr
Aiqama ainaina qumuarirana oosana oosana deedeepirana oosana oosana kambiqafinoo qumbiqeenoo maqa maaqa amana kai mariannoo. Miqi kai inoo moomoosa nariara nariara amuqusirana minniseeqa quandafinaqa narí ueeqee narí ueeqee ifaranoo. Yafa uqannee narí akoona faiqi uqanna mi manda aukuanna aiqama ainaina kambiqainanaki finnaaqara maseenoo fifi inanoo taikara kooqi uqanna raquramisainafa mina akoofa Anutufa qumareeqeenoo asumu mariranaki quqaannoo.
비교
Mataioo 24:12-13 살펴보기
2
Mataioo 24:14
Maa amiqira fasaasa ufana qini innaaruna ququsa ufa maqusa maqusa faiqí anaasee aiqama qimannimisaifaqa misa aiqama irisaifanoo mi kamuqoo taikara aukuana aniannoo.
Mataioo 24:14 살펴보기
3
Mataioo 24:6
Innee nianaindaraa rakira ufa irifaranoo adeedi rainnaqoo rakirana tutuqirana innee irifaranoo. Mi ufana iriseeqa siamma qiniara qumira aukuana doo aiqaree maqi qiaqa. Rakirafa kuqaa maqusa maqusa kambiaanifeera qidaqa. Maa marira aukuanafa sia dauni taikaannoo kaqikaaqoo kisaaqasaa mariannoo.
Mataioo 24:6 살펴보기
4
Mataioo 24:7-8
Maqusa maqusa firaa maqusa faqa kaqikaa maqusa faqa findifinaqa narari narari ifaranoo. Maqusa maqusa aandaroo naruannoo maqusa maqusa maqa kasiannoo. Mi ainainausa mandaukuana oorisaa kai mariannoo kasooqaqee firaafa mariannoo.
Mataioo 24:7-8 살펴보기
5
Mataioo 24:35
Innaaruna faqa innaarunakinaa ainaina faqa maqa faqa maqasaaqaraa ainaina faqa aiqama taikafuannoo. Qini dookinaafa sia taikarana amana naaru naaru anoona uqanna mariannoo miqi kaimminoo mariannoo.
Mataioo 24:35 살펴보기
6
Mataioo 24:4-5
Yisufa iriseenoo maaqi qimasee qimanniminau. Innee rufiaaqa moo fannoo unna ufa inni qimannimisee kaqi runna mara quqaani. Moomoosa anireeqa unna qimasee maasa asauku mundirausa maridee qifaranoo. Faiqí anaasee moomoosa misa ufa iriseeqa eedoo qimaseeqa fifaqa rarisameeqee kaqitinai ubeekeefaranoo.
Mataioo 24:4-5 살펴보기
7
Mataioo 24:9-11
Mina aanaaqiana faiqí anaasee maqusa maqusa inniara Yisuna faiqi namu fee qimasaida fidiaqaamma nimaqeefaranoo. Aiqama maa maqa maaqanaki mariasa inni nidafirana nimisee inni kuqannarifaranoo. Moomoosa mina qafamasee rufiasee qini Yisusaki mariasa quqasee minniseefaranoo. Moomoosa narí ueeqee narí ueeqee qifaranoo narí akooqee narí akooqee ifaranoo. Faiqí moomoo misa nariara Anutuna tamummaqara fasiqa fee qimariasa misa findifiqa faiqí anaasee qumareeqee kaqitinai ubeekeefaranoo.
Mataioo 24:9-11 살펴보기
8
9
Mataioo 24:44
Innee minara iriseeqa rakisida mariaqa. Innee qiniara faiqí nimaaku sia qumirarammifoo qimasee manoo manaa imarifaqa qinee tautumasee qumuanaura.
Mataioo 24:44 살펴보기
10
Mataioo 24:42
Minara qinee inni qimannimidaqa. Deedaqida mariaqa. Sia kaqi mariaqa. Qinee inni karaambaiqa qumira aukuanara sia irimariafanoo. Minara innee deedaqiaqeera qidaqa.
Mataioo 24:42 살펴보기
11
Mataioo 24:36
Qinee qumira aukuanee qinee qumira faasaanee sia uqanna faiqí moo fannoo irimariafanoo. Innaarunai qangiroouqa faqa Anutuna amaaku qinee faqa siamma iridaqa, qini qikoofa narí kaimma qinee qumira aukuanara iridanoo.
Mataioo 24:36 살펴보기
12
Mataioo 24:24
Mi aukuanna unna nisauku mundirausa faqa unnaqi maria tamummaqira fasiqausa faqa moomoo kambiqeefaranoo. Misauqaindi aninna aukuana misa qaini qainiqira ainaina mookira ainaina naaquqara ainaina auqamasee uqannifiqasainaqa Anutuna qutaaqamasee mina ufamau fimariasa nikaru qimasaana qinindi kiaqeera miqifaranoo.
Mataioo 24:24 살펴보기
13
Mataioo 24:37-39
Qinee faiqí nimaaku qumira aukuana Nooana aukuana fooqaasa marianaura. Nammari samu naruna ataufakai mina maariqoo faiqí anaasee qoomaqandauru uqi mariqau. Miqida faiqí anaasee naramundee naramundee ida mariqau. Misa miqimmamaree fubaqa Nooana firaa sipaki keeqeemaru faasaana misa miqikaimmimariqau. Misa mana mana idaqa amiqi amiqidaqa marufanoo nammari radiqinoo ooqi misa fatikaneenoo ooqufinau. Qinee qumuanna aukuana miqimmifaranoo. Mana mana imarifaqa kaqi qinee tautumannimaqaanaura.
Mataioo 24:37-39 살펴보기