MATEEO 21 - 인기 성경 구절

공유

Intok si'imeta waka'a, Liojtau bicha nokaka enchim a'awa'uta, eme'e junuen a' suale'eteko, eme'e a' mabetne.

Inime'e ju'u Jesus inen yoopnak: ―Tua lutu'uriapo ne inen emou jiia, enchim tua junen jiaka Liojtat eaka intok ka ta'abwisi enchim eao, ka eme'e inika'a chuna'ouwotau in yaaka'uta jiba, a' joone, ala ketchia, eme'e inia kautau a inen jiunee: “Inim sookteka, intok jum baweu emo jimmaane”, ti enchim jiao, ini'i intok junuen aune.

Jume' bat aapat kateme, intok ket jume' aet cha'aka kateme, inime'e chaai japtek: ―Juka' si'imemmeu yo'o ya'ari Labiituka'uta yoemiam betana yeu simriatau, a' yo'oriwaka a' alleetuanaa'u au lutu'uriatune. Tu'isi a' eiyaawa'u au bicha teuwaawaka mabettunee ju'u, achai Liojta betana lutu'uriaka a'abo weyeme. A' yo'oriwaka a' alleetuanaa'u tua Liojtau lutu'uriatune ―ti chaae japtek.

Intok inen ameu jiiak: ―Jum Liojta nok lutu'uriapo inen ji'ojtei: “Ju'u in kari, kari Liojtau bicha emo nokria betchi'bo kari ti teane”, ti ji'ojtei. Taaa eme'e, jume' jita e'etbwam ama e'eusee'u, kau wojo'oriata benasi a' ya'ari ―ti ameu jiiak.

Jum bwe'u jo'ara, kawi Sion tea'po jo'aakammeu eme'e inen jiunee: “Ake'em a' mammatene, ju'u inim che'a yo'o ya'ari emou weye, buu jamuttat yej simekai. Ju'u jita pu'a pu'aktemta asoat, ini'i, ka au che'ewarekai”, ti a' jiaka'po.

Jesus junak inen ameu jiiak: ―Jaisa juka' Liojta nok lutu'uria ji'ojteita jakwoo juni'i kee a' bicha ja'ani, ama ji'ojtei: Ju'u tua tu'i teta, jume' kaateme yeu tawaaka'u, ini'i, che'a bat naataka nawataka yeu siika. Inika'a ju'u in yo'owa Lios inien a' ya'ari. Ini'i intok tua itou uttia watchisi yeu weama.

Junuen san ne inen emou jiia, juka' Liojta che'a yo'otaka a' kateka'u, enchim lutu'uria'ea'uta, eme'e ka a' bitne, intok inika'a, ju'u yoemra, juka' Liojta, aapo'ik ea'po aman tu'isi jiapsisukame, a' bittuanaa.